రజనీకాంత్ డిశ్చార్జ్..! పార్టీ ప్రకటన ఆలస్యం..!?

సూపర్ స్టార్ రజనీకాంత్.. అపోలో ఆస్పత్రి నుంచి డిశ్చార్జ్ అయ్యారు. మూడు రోజుల కిందట ఆయనకు అనూహ్యంగా బ్లడ్ ప్రెషర్ పెరగడంతో అపోలో ఆస్పత్రిలో జాయినయ్యారు. చికిత్స తర్వాత పూర్తిగా కోలుకున్నప్పటికీ.. రజనీ గత అనారోగ్యాల దృష్ట్యా.. మరికొన్ని కీలక పరీక్షలు నిర్వహించాలని అపోలో వైద్యులు నిర్ణయించారు. ఈ కారణంగా మూడు రోజులు ఆస్పత్రిలోనే ఉండాల్సి వచ్చింది. చివరికి అన్ని రిపోర్టులు సక్రమంగానే ఉన్నాయని తేలడంతో.. ఈ మధ్యాహ్నం డిశ్చార్జ్ చేశారు. డిశ్చార్జ్ తర్వాత కుమార్తె ఐశ్వర్యతో కలిసి ఆయన నేరుగా చెన్నై వెళ్లిపోయారు. వైద్యులు వారం రోజులు విశ్రాంతి తీసుకోవాలని సలహా ఇచ్చారు. ఎక్కువగా ఒత్తిడికి గురి కావొద్దని చెప్పారు.

వైద్యుల సలహాతో రజనీకాంత్ రాజకీయ రంగ ప్రవేశానికి సంబంధించి డిసెంబర్ 31వ తేదీన నిర్వహించాలనుకున్న కార్యక్రమంపై ఉత్కంఠ ప్రారంభమయింది. చాలా రోజుల పాటు నాన్చి నాన్చి.. ఇటీవలే.. రజనీకాంత్ రాజకీయ రంగ ప్రవేశం చేస్తున్నట్లుగా ప్రకటించారు. రాజకీయ పార్టీ పేరు.. గుర్తు.. ఇతర వివరాలన్నింటినీ ఆయన డిసెంబర్ 31న ప్రకటిస్తానని చెప్పారు. తమిళనాడు రాజకీయం మొత్తం ఇప్పుడు ఏడాది చివరి తేదీ వైపు చూస్తోంది. రజనీకాంత్ రాజకీయ ప్రకటన ఎలా ఉంటుందోనన్న ఆసక్తే దానికి కారణం. అయితే ఇప్పుడు రజనీ అనారోగ్యం కారణంగా ఆ కార్యక్రమం ఉంటుందా లేదా అన్నదానిపై సందేహాలు ప్రారంభమయ్యాయి.

రజనీకాంత్ ఆరోగ్య పరిస్థితి చాలా రోజుల నుంచి ఏమంత గొప్పగా లేదు. కరోనా కాలంలో ఆయన మరింత జాగ్రత్తగా ఉండాలని వ్యక్తిగత వైద్యులు సూచిస్తూ వస్తున్నారు. ఈ కారణంగానే ఆయన రాజకీయ రంగ ప్రవేశం ఉండకపోచ్చని అనుకున్నారు. కానీ రజనీ మాత్రం ముందుకే వెళ్లాలని అనుకున్నారు. అయితే.. తాను చురుగ్గా ప్రచారం చేయలేనని… గెలిచినా ముఖ్యమంత్రి పదవిని కూడా యువకుడికి అప్పగిస్తానని చెబుతూ వస్తున్నారు. దానికి తన అనారోగ్యమే కారణమని అంటున్నారు. డిశ్చార్జ్‌కు ముందు రజనీకాంత్‌ను అపోలో ఆస్పత్రిలో సుప్రీంకోర్టు మాజీ న్యాయమూర్తి జస్టిస్ జాస్తి చలమేశ్వర్ కలిశారు. ఏం చర్చించారో క్లారిటీ లేదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close