ఎక్స్ క్లూజీవ్ : నానక్ రామ్ గూడ రామానాయుడు స్టూడియో ఇక ఉండదా..?

నానక్ రామ్ గూడలోని రామానాయుడు స్టూడియో చాలా ఫేమస్. సినిమా షూటింగ్ లకు అడ్డా. కొన్ని వేల సినిమాల షూటింగులు ఇక్కడ జరిగాయి. చిన్నా పెద్ద అనే తేడాలు లేకుండా అనేక సినిమాల చిత్రీకరణకు కేరాఫ్ అడ్రస్ గా నిలిచింది నానక్ రామ్ గూడ రామానాయుడు స్టూడియో. అయితే ఇప్పుడీ స్టూడియో చరిత్రలో కలిసిపోనుంది. స్టూడియో వైభవం అంతా గతం కానుంది.

అవును.. నానక్ రామ్ గూడ రామానాయుడు స్టూడియో ఇంక వుండదు. సురేష్ బాబు .. ఈ ప్రాంతాన్ని మీనాక్షి కనస్ట్రషన్స్ సంస్థకు డెవలప్మెంట్స్ కొరకు ఇచ్చేశారు. ఇక్కడ ఫ్లాట్స్ నిర్మించి రియల్ ఎస్టేట్ బిజినెస్ చేయాలనే నిర్ణయానికి వచ్చారు. ఇప్పటికే దీనికి సంబధించిన పనులు తెర వెనుక చకచక జరిగిపోతున్నాయి. ప్రస్తుతం అక్కడ బెల్లం కొండ శ్రీనివాస్- సంతోష్ శ్రీనివాస్ ల సినిమా షూటింగ్ జరుగుతుంది. బాహుసా నానక్ రామ్ గూడ రామానాయుడు స్టూడియోలో జరిగే చివరి సినిమా షూటింగ్ ఇదే కావచ్చని మాట్లాడుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com