రాయలసీమ ఎత్తిపోతల భవితవ్యం ఏపీ సర్కార్ చేతుల్లోనే..!

సంగమేశ్వరం వద్ద రాయలసీమ ఎత్తిపోతల పథకం నిర్మించేందుకు జీవో ఇచ్చిన ఏపీ ప్రభుత్వం.. ఇప్పుడు కారణంగా వచ్చిన వివాదాల విషయంలోనూ అంతే పట్టుదల ప్రదర్శించాల్సిన సమయం వచ్చింది. ఈ ప్రాజెక్ట్ కొత్త ప్రాజెక్ట్ అని.. నిలిపివేయాలని తెలంగాణ కృష్ణాబోర్డుకు ఫిర్యాదుకు చేసింది. విభజన చట్టం ప్రకారం.. కొత్త ప్రాజెక్టులకు అపెక్స్ కౌన్సిల్ అనుమతి పొందాలి. తెలంగాణ ఇచ్చిన ఫిర్యాదు ప్రదాన అజెండాగా.. గురువారం కృష్ణాబోర్డు సమావేశం కాబోతోంది. దీంతో రాష్ట్ర ప్రభుత్వం తమ వాదనను సమర్థంగా వినిపించి.. రాయలసీమ ఎత్తిపోతల పథకానికి అనుమతి తీసుకు వస్తుందని.. ప్రజలు గట్టిగా నమ్ముతున్నారు.

సంగమేశ్వరం దగ్గర ఎత్తిపోతల నిర్మిస్తే.. రోజుకు మూడు టీఎంసీల నీటిని సీమకు తరలించవచ్చు. చాలా వరకు రాయలసీమ నీటి కష్టాలను తీర్చవచ్చు. అందుకే ప్రభుత్వం జీవోలు ఇచ్చింది. పాలనా అనుమతులు మంజూరు చేసింది. కానీ.. రాజకీయంగా ఉపయోగించుకునే ప్రయత్నం చేయడంతో వివాదాస్పదం అయింది. సైలెంట్‌గా టెండర్లు అన్నీ పూర్తి చేసేస్తే.. సరిపోయేది కానీ.. టెండర్లు పిలువక ముందే వివాదాస్పదం కావడంతో… ఫిర్యాదులు వెళ్లాయి. ఇప్పటికే ఎన్జీటీ స్టే ఇచ్చింది. ఇప్పుడు.. కృష్ణాబోర్డులో చర్చించాల్సి ఉంది. ముఖ్యమంత్రి జగన్మోహహన్ రెడ్డి వివిధ సందర్భాల్లో రాయలసీమ ఎత్తిపోతల పథకం అవసరాన్ని నొక్కి చెప్పారు. తెలంగాణకు చుక్క నీటి నష్టం ఉండదని.. తమ వాటా మేరకే వాడుకుంటామని.. స్పష్టం చేస్తున్నారు.

సీఎం జగన్‌కు.. రాయలసీమ ఎత్తిపోతలపై ఉన్న క్లారిటీని… అధికారులు కృష్ణాబోర్డు ముందు ఉంచాల్సి ఉంది. తెలంగాణకు నష్టం జరగదని.. నిరూపించి.. అభ్యంతరాల్లేకుండా చూసుకుని.. నీటి తరలింపునకు ప్రాజెక్టు నిర్మాణాన్ని చేపట్టాల్సిన అవసరం ఏర్పడింది. ఈ విషయంలో ప్రభుత్వం తెలంగాణ సర్కార్‌తో తమకు ఉన్న సన్నిహిత సంబంధాలను ఉపయోగించుకుంటుందని అంచనా వేస్తున్నారు. ఈ ప్రాజెక్టుపై రాయలసీమ వాసులు కూడా ఎంతో ఆసక్తిగా ఉన్నారు. ప్రభుత్వం వివాదాల్లేకుండా పరిష్కరించి తమకు నీళ్లు ఇస్తుందని ఆశిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సచివాలయ కూల్చివేతలో గుప్తనిధుల కోణం..!

సచివాలయాన్ని గుప్త నిధుల కోసమే కూలగొడుతున్నారన్న వాదనను.. కాంగ్రెస్ నేత రేవంత్ రెడ్డి తెరపైకి తీసుకు వచ్చారు. కేసీఆర్ కనిపించకుండా పోవడం.. ఆర్థరాత్రిళ్లు తవ్వకాలు జరపడం వంటి అంశాలపై తాము పరిశీలన జరిపితే......

వెబ్ సిరీస్‌లు మ‌నకెక్కుతాయా?

ఇప్పుడు ఎవ‌రు చూసినా వెబ్ సిరీస్ ల గురించే మాట్లాడుతున్నారు. స్టార్లంతా అటువైపే చూస్తున్నారు. సినిమాకి మ‌రో గ‌ట్టి ప్ర‌త్యామ్నాయం వ‌చ్చింద‌ని బ‌లంగా న‌మ్ముతున్నారు. నిర్మాణ సంస్థ‌లు అటువైపే, హీరోల చూపూ అటుకేసే....

రద్దయ్యే మండలిలో ఎవరికి పదవులు ఇస్తే ఏంటి..!?

వైసీపీలో శాసనమండలి పదవుల చర్చ నడుస్తోంది. మొత్తం నాలుగు ఎమ్మెల్సీ స్థానాలు ఖాళీ అయినప్పటికీ.. ఒక స్థానం సమయం కేవలం 9 నెలలు మాత్రమే ఉండటంతో..ఎన్నిక జరగదు. మరో మూడు స్థానాల్లో రెండు...

న్యూ ఐడియా: ట్రైల‌ర్‌కీ టికెట్టు

ఎడారిలో ఇసుక అమ్మే తెలివితేట‌లు అచ్చంగా రామ్ గోపాల్ వ‌ర్మ సొంతం. ఓ సీ గ్రేడ్ షార్ట్ ఫిల్మ్ తీసి, దానికి వంద‌, రెండొంద‌లు టికెట్టు పెట్టి, ప్రేక్ష‌కుల నుంచి ఎంతో కొంత...

HOT NEWS

[X] Close
[X] Close