కల్తీ నెయ్యి స్కాంలో అందర్నీ బుక్ చేస్తున్నారు. ఈ స్కాంలో భాగమని టీటీడీ ఉద్యోగుల్ని కూడా వదిలి పెట్టలేదు. ప్రొక్యూర్ మెంట్ జీఎంను అరెస్టు చేశారు. నిందితులుగా మరో పదకొండు మందిని చేర్చారు. కానీ అసలు ఈ స్కాంకు ఎవరు కుట్ర చేశారన్నది మాత్రం పెండింగ్ ఉంది. చివరి అంచెలో ఈ సంచలన విషయాన్ని బయటపెడతారేమో చూడాల్సి ఉంది.
అప్పన్న సొంతంగా స్కామ్ చేయలేడుగా !
కల్తీ నెయ్యి మొత్తం ఇప్పుడు చిన్న అప్పన్న అనే అనామకుడి చుట్టూ తిరుగుతోంది. అతనెవరో ఎవరికీ తెలియదు. ఏ రంగంలో నిష్ణాతుడో తెలియదు. కానీ వైసీపీ ప్రభుత్వంలో జగన్ కు సలహాదారుగా నియమితులయ్యారు. కానీ టీటీడీకి సంబంధం లేదు. అయినా సరే టీటీడీ లో నెయ్యి స్కాం చేశాడు. లంచాలు వసూలు చేశాడు. ఇప్పటి వరకూ ఆయన కేంద్రంగా జరుగుతోంది. నెయ్యి కల్తీ చేసిన వాళ్లను పట్టుకున్నారు. అన్నీ తెలిసినా ప్రసాదానికి వాడేసిన వారినీ పట్టుకున్నారు. ఇక అసలు బయట పడాల్సింది అప్పన్న వెనుక ఉన్నారన్నదే.
అప్పన్న వెనుక ఉన్నది సుబ్బారెడ్డా.. జగనా ?
ఓ సామాన్యుడు కాదు ఓ మాదిరి ప్రజా ప్రతినిధి కూడా శ్రీవారి దర్శనం టిక్కెట్ల కోసం కిందా మీదా పడుతూ ఉంటారు. అలాంటి ఓ అనామకుడు అయిన అప్పన్న .. టీటీడీ పెద్దలందర్నీ ఏ మార్చి.. కంపెనీలతో డీలింగ్స్ పెట్టుకుని అతి పెద్ద స్కాం చేశాడంటే ఎవరూ నమ్మరు. ఇక్కడ కేవలం అప్పన్నను ఓ బకరాగా వాడుకున్నారు. ఆ వాడుకున్నది ఎవరు అన్నదే తేలాలి. అది జగన్ అయి ఉండాలి లేదా సుబ్బారెడ్డి అయినా అయి ఉండాలి. తన మాజీ పీఏ అని సుబ్బారెడ్డి చెబుతున్నారు. కానీ జగన్ సలహాదారుగా నియమితులయ్యారు. అంటే వీరిద్దరిలోని అసలు రింగ్ మాస్టర్ ఉండాలి.
త్వరలో ముగియనున్న దర్యాప్తు
ఇప్పటికే పూర్తి స్థాయిలో దర్యాప్తు జరుగుతోంది. దాదాపుగా చివరి దశకు వచ్చింది. కల్తీ కన్ఫర్మ్ అయిపోయింది. నిందితులందర్నీ గుర్తించారు. అసలు నిందితుడ్ని మాత్రం.. చివరి అంచెలో గుర్తించి అరెస్టు చేసే అవకాశం ఉంది. కల్తీ నెయ్యి కంపెనీ ఓనర్లు చెప్పిన విషయాలను .. చిన్న అప్పన్న లావాదేవీలను గుర్తించి.. మొత్తంగా ఆనవాళ్లు పట్టి శంకరగిరి మాన్యాలను పట్టించనున్నారు. అలా కాకుండా.. అప్పన్నతోనే ఆపేస్తే… అంత కంటే దైవద్రోహం ఉండదు.
