పాలనురుగు అందాలతో ప్రేక్షకులను తన మత్తులో పడేసుకునే తమన్నా సోలో హీరోయిన్ గా ఫుల్ క్రేజ్ మీదుంది. అయితే స్టార్ హీరోయిన్ స్టేటస్ ఉన్నా ఆమె ఐటం సాంగులంటూ దర్శనిమివ్వడం అందరిని ఆశ్చర్యంలో ముంచెత్తుతుంది. బెల్లంకొండ శ్రీనివాస్ డెబ్యూ ఫిల్మ్ ‘అల్లుడు శీను’ సినిమాలో హాట్ ఐటంతో అలరించిన మిల్కీ బ్యూటీ ఇప్పుడు అదే హీరో సినిమాలో మరో ఐటం సాంగ్ చేసేందుకు సిద్ధమైందట. అయితే ఓ పక్క స్టార్ హీరోల్లో సినిమాల్లో నటిస్తూ క్రేజ్ సంపాధిస్తున్న ఈ బ్యూటీ ఓ కొత్త హీరో సినిమాల్లో మరీ ఐటంలో కనిపించడంతో ఫ్యాన్స్ హర్ట్ అవుతున్నారు.
అమ్మడు ఐటం సాంగులు చేయడానికి కారణం ముందు తీసుకున్న అడ్వాన్సు పేమెంట్ అని తెలుస్తుంది. బెల్లంకొండ శ్రీను మొదటి సినిమా అల్లుడు శీను సినిమాకు ముందు హీరోయిన్ గా తమన్నాని అనుకుని అడ్వాన్సు కూడా ఇచ్చాడట బెల్లంకొండ సురేష్.. అయితే ఆ సినిమాలో సమంత హీరోయిన్ గా ఫైనల్ అయ్యే సరికి ఇచ్చిన అడ్వాన్సుకి ఓ ఐటం సాంగ్లో వాడుకున్నాడు సురేష్. ఇక ఇప్పుడు అదే తరహాలో బోయపాటి శ్రీను కాంబోలో శ్రీను సినిమా ప్లాన్ చేసిన సురేష్ ఆ సినిమా ఆగిపోయేసరికి అందులో హీరోయిన్ కోసం తమన్నాకి అడ్వాన్స్ ఇచ్చి ఉండటం చేత మళ్లీ ఆమెను శ్రీను లేటెస్ట్ సినిమా భీమనేని శ్రీనివాస్ డైరక్షన్లో మూవీలో కూడా ఐటం సాంగ్ చేయిస్తున్నాడు.
సో అడ్వాన్సులే అమ్మడి కొంప ముంచాయని తెలుస్తుంది. తొందరపడి హీరోయిన్ గా కమిట్ అయ్యి అమౌంట్ కూడా పుచ్చుకున్నాక తిరిగి ఇవ్వడం కుదరదు కనుక ఓ సాంగ్ చేస్తే పోలా అని ఆలోచిస్తుంది మిల్కీ బ్యూటీ. అయితే బాహుబలిలో అవంతికగా అలరించిన తమన్న బెల్లంకొండ శీను పక్కన ఐటం సాంగ్ అంటే ఫ్యాన్స్ ఏ విధంగా రిసీవ్ చేసుకుంటారో చూడాలి.
