ఆ ఫామ్‌హౌస్‌ కేటీఆర్‌దని పోలీసులే చెప్పారంటున్న రేవంత్..!

జన్వాడలో ఫామ్‌హౌస్‌ ఖచ్చితంగా కేటీఆర్‌దేనని… రేవంత్ రెడ్డి స్పష్టం చేశారు. ఈ మేరకు కేటీఆర్ అక్కడ ఉంటున్నారని గతంలో పోలీసులు కోర్టుకు సమర్పించిన అఫిడవిట్లను చూపించారు. గతంలో..జన్వాడలో కేటీఆర్‌కు ఫామ్‌హౌస్ ఉందని మీడియాను తీసుకెళ్లినప్పుడు… రేవంత్ కొన్ని డ్రోన్ కెమెరా దృశ్యాలను విడుదల చేశారు. అనుమతి లేకుండా డ్రోన్‌తో షూట్ చేసిన కేసులో పోలీసులు రేవంత్‌ను అరెస్ట్ చేశారు. అప్పుడు ఆయనకు బెయిల్ దక్కలేదు. ఆ సమయంలో మంత్రి కేటీఆర్‌.. ఆ ఫామ్‌హౌస్‌లో ఉంటున్నానని… రేవంత్‌ డ్రోన్ కెమెరాతో చిత్రీకరించడం వల్ల రక్షణ లేకుండా పోయిందని కేటీఆర్‌ చెప్పినట్లుగా పోలీసులు కోర్టుకు చెప్పారు. దీన్నే రేవంత్ రెడ్డి బయట పెట్టారు.

ఆ ఫామ్‌హౌస్‌ లీజుకు తీసుకున్నామని గతంలో.. టీఆర్ఎస్ నేతలు చెప్పారని.. ఇప్పుడు సంబంధం లేదంటున్నారని..రేవంత్ మండిపడ్డారు. ముమ్మాటికి.. 111 జీవో ఉల్లంఘించి కేటీఆర్‌ అక్రమ నిర్మాణం చేపట్టారని రేవంత్ స్పష్టం చేశారు. అక్కడ తనకు భూమి లేదని కేటీఆర్‌ కూడా ట్వీట్‌ చేశారని గుర్తు చేశారు. జన్వాడ ఫాంహౌస్‌ 301 నుంచి 313 సర్వే నెంబర్లలో విస్తరించి ఉందని .. 301 సర్వే నెంబర్లలో కేటీఆర్‌ సతీమణి పేరిట 3 ఎకరాలు భూమి ఉందని రేవంత్ ప్రకటించారు. భూములు లేవని కేటీఆర్‌ పచ్చి అబద్దాలు ఆడుతున్నారని విమర్శించారు. టీఆర్ఎస్‌ నేతలు…తనే జీవో 111లో అక్రమ నిర్మాణాలు కట్టినట్లుగా ఆరోపించారని… భూములున్న మాట వాస్తవమే కానీ..అందులో ఎలాంటి అక్రమ నిర్మాణాలున్నా.. కూల్చివేతకు సిద్ధమని…మీరు సిద్ధమా అని సవాల్ చేశారు.

కేటీఆర్‌ మంత్రి పదవి నుంచి తప్పుకోవాలి..లేదంటే బర్తరఫ్‌ చేయాలని రేవంత్‌రెడ్డి డిమాండ్ చేస్తున్నారు. జన్వాడ ఫామ్‌హౌస్ ఇష్యూని రేవంత్ రెడ్డి వ్యూహాత్మకంగా పెద్దది చేసుకుంటూ వెళ్తున్నారు. టీఆర్ఎస్ నేతలు..కూడా రేవంత్‌కు గట్టి కౌంటర్ ఇచ్చేందుకు ప్రయత్నిస్తున్నారు. అయితే రేవంత్ ఆ కౌంటర్లను తనకు అనుకూలంగా మార్చుకుంటున్నారు. దీంతో ఈ ఫామ్‌హౌస్ వ్యవహారం ఎటు తిరుగుతుందోనన్న చర్చ జరుగుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్

ఆంధ్రప్రదేశ్ ప్రభుత్వం ఉద్యోగులకు దసరా కానుక ప్రకటించింది. పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్ ఇచ్చారు. డీఏల చెల్లింపునకు కార్యాచరణ కూడా ప్రభుత్వం ప్రకటించింది. జులై 2018...

ఎన్నికలు నిర్వహణ వద్దంటున్న వైకాపా

దేశంలో కరోనా లాక్ డౌన్ విధించినప్పుడు ఎన్నికలు వాయిదా వేశారని నిమ్మగడ్డ రమేష్‌కుమార్‌ను కులం పేరు పెట్టి మరీ బూతులు తిట్టిన మంత్రులు ఇప్పుడు.. అదే రమేష్ కుమార్ ఎన్నికలు పెడతానంటే...

అమరావతిలో “రియల్ పెయిడ్ ఉద్యమం” స్టార్ట్..!

అమరావతిలో పోటీ ఉద్యమాలు జరుగుతున్నాయి. భూములిచ్చిన రైతులు లాఠీదెబ్బలకు ఓర్చుకుని పోరాటం చేస్తూంటే.. వారికి పోటీగా కొంత మంది ఇప్పుడు ఉద్యమాలను ప్రారంభిస్తున్నారు. శంకుస్థాపన చేసి ఐదేళ్లయిన సందర్భంగా రైతుల సభ...

తిరుపతిలో బీజేపీ పోటీ ఖాయం.. కానీ అభ్యర్థి మాత్రం పక్క పార్టీ నుంచి..!

తిరుపతి పార్లమెంట్ ఉపఎన్నికల్లో పోటీ చేసి.. తాము ఏపీలో బలపడ్డామని నిరూపించుకోవాలని భారతీయ జనతా పార్టీ ఉబలాట పడుతోంది. ముఖ్యంగా ఏపీ వ్యవహారాల ఇన్చార్జ్‌గా ఉన్న సునీల్ ధియోధర్ తాను.. పార్టీని...

HOT NEWS

[X] Close
[X] Close