రేవంత్ అప్ప‌ట్లో ఫిర్యాదు చేస్తే… ఇప్పుడు కేంద్రం స్పందించిందా..?

గులాబీ కూలి… ఈ కార్య‌క్ర‌మం గుర్తుండే ఉంటుంది. 2017 ఏప్రిల్ 27న తెరాస వార్షికోత్స‌వం సంద‌ర్భంగా నిర్వ‌హించిన కార్య‌క్ర‌మం ఇది. ఆ సంద‌ర్భంగా వ‌రంగ‌ల్ లో భారీ బ‌హిరంగ స‌భ‌ను తెరాస ఏర్పాటు చేసింది. పెద్ద ఎత్తున త‌ర‌లి వ‌చ్చే కార్య‌క‌ర్త‌ల ఖ‌ర్చుల కోసం నిధుల‌ను పార్టీ నాయ‌కులే కూలి చేసి సంపాదించాల‌ని డిసైడ్ అయ్యారు. దీని కోసం మంత్రులు, ఎమ్మెల్యేలు, పార్టీ నేత‌లు కూలి ప‌ని కార్య‌క్ర‌మాల్లో పాల్గొన్నారు. కొన్ని నిమిషాలు ప‌నులు చేసి… ల‌క్ష‌ల‌కు ల‌క్ష‌లు సంపాదించారు! చెక్కుల రూపంలో పార్టీ ఫండ్ గా దీన్ని స్వీక‌రించారు. కూలి ప‌ని చేస్తే ల‌క్ష‌లు ఎట్లా వ‌చ్చాయంటూ రేవంత్ రెడ్డి కేంద్రానికి ఫిర్యాదు చేశారు. ఇది అధికార దుర్వినియోగ‌మ‌నీ, ప్ర‌జాప్రాతినిధ్య చ‌ట్టాన్నీ, అవినీతి నిర్మూల‌న చ‌ట్టాన్ని ఉల్ల‌ఘించ‌డ‌మే అవుతుందంటూ రాజ్యాంగ సంస్థ‌ల‌న్నింటికీ రేవంత్ రెడ్డి ఫిర్యాదులు చేశారు. అప్ప‌టి అంశాన్ని ఇప్పుడెందుకు గుర్తుచేసుకోవ‌డ‌మంటే… ఓ వారం రోజులు కింద‌టే అప్ప‌టి ఫిర్యాదుపై కేంద్రం స్పందించింద‌ని తెలుస్తోంది! ఇన్నాళ్లూ రేవంత్ ఫిర్యాదుల్ని ప‌ట్టించుకోని ఆదాయ‌ప‌న్ను శాఖ ఇప్పుడు స్పందించ‌డం విశేషం.

రాజ్యాంగ‌బ‌ద్ధ‌మైన ప‌ద‌విలో ఉంటూ మ‌రోర‌కంగా లాభం చేకూరేలా ఈ కూలి ప‌నుల వివ‌రాలున్నాయ‌నంటూ ఆదాయ‌ప‌న్ను శాఖ తెరాస నేత‌ల పనితీరుని ఇప్పుడు త‌ప్పుబ‌డుతోంది. ఈ క్ర‌మంలో తెరాస కీలక నేత‌ల‌కు ఐటీ శాఖ నోటీసులు జారీ చేసింది. వీటిని అందుకున్న‌వాళ్ల‌లో మంత్రులు హ‌రీష్ రావు, పార్టీ వ‌ర్కింగ్ ప్రెసిడెంట్ కేటీఆర్, ఈటెల రాజేంద‌ర్, మ‌హమూద్ అలీ ఉన్న‌ట్టు తెలుస్తోంది. ఓవారం కింద‌టే వీరికి నోటీసులు అందినా… ఈ స‌మాచారాన్ని బ‌య‌ట‌కి పొక్క‌నీయకుండా వీరంతా జాగ్ర‌త్తప‌డ్డార‌ని స‌మాచారం. త‌న‌కు అందిన నోటీసుని ఒక మంత్రి పార్టీ కార్యాల‌యానికి తీసుకుని రావ‌డంతో ఎవ‌రెవ‌రికి నోటీసులు అందాయ‌నేది బ‌య‌ట‌ప‌డింది. దీనిపై పార్టీలో చ‌ర్చ జ‌రిగిన‌ట్టుగా కూడా తెలుస్తోంది.

అయితే, అప్పుడెప్పుడో గులాబీ కూలి కార్య‌క్ర‌మం జ‌రిగితే అప్పుడెందుకు కేంద్రం స్పందించ‌లేదు, ఇప్పుడెందుకు స్పందించిందీ అనేది అర్థ‌మౌతూనే ఉంది. అప్ప‌ట్లో కేంద్రంలోని మోడీ స‌ర్కారుతో తెరాస‌కు మంచి స్నేహం ఉండేది. మోడీ స‌ర్కారు నిర్ణ‌యాల‌కు మ‌ద్ద‌తుగా కేసీఆర్ వ్య‌వ‌హ‌రించేవారు. కానీ, ఈ మ‌ధ్య కేంద్రం తీరుపై మండిప‌డుతున్నారు. మ‌రీ ముఖ్యంగా కేంద్రం ప్ర‌తిష్టాత్మ‌కంగా తీసుకొచ్చిన సీఏఏని తీవ్రంగా వ్య‌తిరేకిస్తున్నారు. బ‌డ్జెట్లో అన్యాయం జ‌రిగింది అంటూ పార్ల‌మెంటులో తెరాస ఎంపీలు విమ‌ర్శ‌లు చేస్తున్నారు. కేసీఆర్ వ్య‌వ‌హారంపై కేంద్రం గుర్రుగా ఉంద‌నీ, అందుకే తెరాస నేత‌ల‌కు నోటీసులు అందాయ‌నీ భావించొచ్చు. ఈ నోటీసుల‌పై ఎలా స్పందించాల‌నేది తెరాస అధినాయ‌క‌త్వం ఇంకా ఖ‌రారు చేయలేద‌ని తెలుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ విషయంలో విచారణకు ఆదేశించిన నిమ్మగడ్డ..!

స్టేట్ ఎలక్షన్ కమిషన్ కార్యాలయంలో చేసిన వాస్తు మార్పులపై ఎస్ఈసీ నిమ్మగడ్డ రమేష్‌కుమార్ సీరియస్ అయ్యారు. ఎవరు చెబితే ఆ మార్పులు చేశారో తనకు తెలియాలంటూ..విచారణకు ఆదేశించారు. నిమ్మగడ్డ తన ఆఫీసులో జరిగిన...

అమరావతిని కొనసాగిస్తే పదవుల్ని ఇచ్చేస్తాం..! జగన్‌గు చంద్రబాబు ఆఫర్..!

అమరావతిని ఏకైక రాజధాని కొనసాగిస్తూ... ప్రభుత్వం నిర్ణయం తీసుకుంటే... తెలుగుదేశం పార్టీ ఎమ్మెల్యేలు, ఎమ్మెల్సీలు తమ పదవులను వదిలేస్తామని ప్రతిపక్ష నేత చంద్రబాబునాయుడు.. ముఖ్యమంత్రి జగన్‌కు బంపర్ ఆఫర్ ఇచ్చారు. ఎన్నికలకు ముందు...

జేసీ ప్రభాకర్ రెడ్డికి ఎట్టకేలకు బెయిల్..!

జేసీ ప్రభాకర్ రెడ్డి, ఆయన కుమారుడు అస్మిత్ రెడ్డికి ఎట్టకేలకు బెయిల్ లభించింది. అచ్చెన్నాయుడుని అరెస్ట్ చేసిన తర్వాతి రోజే...అంటే జూన్ 13న హైదరాబాద్‌లో వారిని అరెస్టు చేసిన పోలీసులు అనంతపురంకు తరలించారు....
video

క‌ల‌ర్ ఫొటో టీజ‌ర్‌: బ్లాక్ అండ్ వైట్ కాంబో

https://www.youtube.com/watch?v=T-R3h9va2j4&feature=emb_title ప్రేమ గుడ్డిది. చెవిటిది. మూగ‌ది కూడా. దానికి ప్రేమించ‌డం త‌ప్ప బేధాలు తెలీవు. న‌ల్ల‌ని అబ్బాయి.. తెల్ల‌ని అమ్మాయి ప్రేమించుకోవ‌డం కూడా వింతేం కాదు. కానీ.. మ‌ధ్య‌లోకి ఓ పులి వ‌చ్చింది....

HOT NEWS

[X] Close
[X] Close