రోజాకు సొంత పార్టీలోనే ప్రత్యర్థులు ఎక్కువ.. ఈ సారి డిప్యూటీ సీఎం..!

నగరి ఎమ్మెల్యే రోజాకు సొంత పార్టీలోనే ప్రత్యర్థులు ఎక్కువైపోతున్నారు. తాజాగా డిప్యూటీ సీఎం నారాయణస్వామిపై రోజా ఫైరయ్యారు. నారాయణస్వామి పుత్తూరులో పర్యటించారు. కానీ రోజాకు సమాచారం అందలేదు. పుత్తూరు .. ఆమె ఎమ్మెల్యేగా ఉన్న నగరి నియోజకవర్గం కిందకు వస్తుంది. తన నియోజకవర్గానికి తనకు సమాచారం లేకుండా డిప్యూటీ సీఎం రావడం ఏమిటని.. ఆమె ప్రశ్నించడం ప్రారంభించారు. మీడియాను పిలిచి చెప్పకుండా.. మీడియా ప్రతినిధులకు ఫోన్లు చేసి.. ఈ అసంతృప్తి వ్యక్తం చేశారు. రోజా అసంతృప్తి గురించి తెలుసుకున్న డిప్యూటీ సీఎం నారాయణ స్వామి.. తన వివరణను కూడా మీడియా ప్రతినిధులకే చెప్పారు. దళిత సంఘాల వినతి మేరకు.. కళ్యాణమండపం కోసం స్థలాన్ని పరిశీలించేందుకు వెళ్లానని అందులో రాజకీయం ఏమీ లేదని చెప్పుకొచ్చారు.

లాక్ డౌన్ కారణంగా చాలా రోజులుగా.. రోజా నియోజకవర్గానికే పరిమితం అయ్యారు. అయితే.. ఆమెకు.. సొంత పార్టీలో గ్రూపు గొడవలు ఇబ్బంది పెడుతున్నాయి. మరో మంత్రి పెద్దిరెడ్డి రామచంద్రారెడ్డి తో సన్నిహితంగా ఉంటున్న నేతలు.. రోజాకు చెక్ పెడుతున్నారని చెబుతున్నారు. కొద్ది రోజుల క్రితం..రోజా పూలు చల్లించుకున్న వీడియో వైరల్ కావడానికి కూడా.. వైసీపీలోని గ్రూపుతగాదాలే కారణం అని చెబుతున్నారు. సీనియర్ అయిన రోజా.. మంత్రి పదవికి పోటీలో ఉన్నారు. రెండున్నరేళ్ల తర్వాత పదవి ఖాయమని ఆమె నమ్ముతున్నారు. ఇప్పటికే ఏడాది పూర్తయిపోయింది. అయితే.. సామాజికవర్గ సమీకరణాల ప్రకారం చూసుకుంటే… ఆమెకు పదవి ఇస్తే.. చిత్తూరు నుంచి మరో ప్రధాన సామాజికవర్గానికి చెందిన వారికి ఉద్వాసన పలకాల్సి ఉంటుంది.

ఇలాంటి ఈక్వేషన్స్‌తో రోజాకు ఇటీవలి కాలంలో… ఇబ్బందులు పెరిగిపోయాయని అంటున్నారు. వాటిని రోజా.. తనదైన పద్దతిలో తట్టుకునేందుకు ప్రయత్నిస్తున్నారు కానీ.. పెద్దగా వర్కవుట్ అవుతున్నట్లుగా లేదు. సొంత పార్టీ నేతలపైనే ఆమె ఫైరవుతూండటాన్ని అగ్రనాయకత్వం మైనస్‌గా చూసే పరిస్థితులు ఏర్పడుతున్నాయి. దీన్ని రోజా గుర్తించలేకపోతున్నారంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సీఐడీపై సుప్రీంకోర్టుకెళ్లిన ఏబీఎన్, టీవీ5..!

ఆంధ్రప్రదేశ్ సీఐడీ అధికారులు తమపై నమోదు చేసిన రాజద్రోహం కేసులు కుట్రపూరితమని.. తక్షణం ఆ కేసులపై తదుపరి చర్యలను నిలిపివేస్తూ ఆదేశాలివ్వాలని ఏబీఎన్-ఆంధ్రజ్యోతి, టీవీ5 సుప్రీంకోర్టును ఆశ్రయించాయి. రెండు టీవీ చానళ్లు వేర్వేరుగా...

కరోనా అనాథల్ని చేసిన పిల్లలకు అండగా జగన్..!

కరోనా ఎన్నో కుటుంబాల్లో చీకట్లు ముసిరేలా చేస్తోంది. కొన్ని చోట్ల ఇంటి పెద్ద దిక్కును కోల్పోగా.. మరికొన్ని చోట్ల..తల్లిదండ్రులు ఇద్దర్నీ కోల్పోయి చిన్నారు అనాథలవుతున్నారు. ఒకటో.. రెండో కాదు.. దాదాపుగా ప్రతి ఊరిలోనూ...

రఘురామ కేసులో “సుప్రీం” టర్న్..!

నర్సాపురం ఎంపీ రఘురామకృష్ణరాజును కస్టడీలో సీఐడీ పోలీసులు కొట్టారో లేదో తేల్చడానికి సికింద్రాబాద్ ఆర్మీ ఆస్పత్రిలో వైద్య పరీక్షలు నిర్వహించాలని సుప్రీంకోర్టు ఆదేశించింది. జ్యుడిషియల్ అధికారి పర్యవేక్షణలో రఘురామకు వైద్యపరీక్షలు నిర్వహించాలని.....

ఈ సారీ కౌంటర్ దాఖలుకు సీబీఐ, జగన్‌కు తీరలేదు..!

రఘురామకృష్ణరాజు దాఖలు చేసిన జగన్మోహన్ రెడ్డి బెయిల్ రద్దు పిటిషన్ విషయంలో కౌంటర్ దాఖలు చేయడానికి వారాలకు వారాల గడువు సీబీఐకి సరిపోవడం లేదు. ఒక్క సీబీఐకే కాదు.... నిందితుడైన జగన్మోహన్ రెడ్డికీ...

HOT NEWS

[X] Close
[X] Close