రాఘ‌వేంద్ర‌రావు ద‌ర్శ‌క‌త్వ ప‌ర్య‌వేక్ష‌ణ‌లో రూపొందుతున్న చిత్రం `పెళ్లి సంద‌డి`. ఆనాటి పెళ్లి సంద‌డిలో శ్రీ‌కాంత్ హీరో అయిన‌ట్టే, ఇప్ప‌టి పెళ్లి సంద‌డిలో శ్రీ‌కాంత్ త‌న‌యుడ్ని హీరోగా ఎంచుకున్నారు. శ్రీ‌కాంత్ వార‌సుడు రోష‌న్‌కి ఇప్ప‌టికే ఓ సినిమా చేసిన అనుభ‌వం ఉంది. నిర్మ‌లా కాన్వెంట్ తో తెరంగేట్రం చేసేశాడు. అయితే… రోష‌న్‌కి న‌ట‌న విషయంలో మ‌రిన్ని మెళ‌కువ‌లు అవ‌స‌రం అనుకున్నారో ఏమో… కొన్ని ప్ర‌త్యేక క్లాసులు తీసుకుంటున్నారు.
హైద‌రాబాద్ లో రాఘ‌వేంద్ర‌రావుకి ఓ మ‌ల్టీప్లెక్స్ ఉంది. అదే.. సినీ మాక్స్‌. ఇప్పుడు పీవీఆర్ చేతికి వెళ్లిపోయింది. అందులోనే ఈ సినిమాకి సంబంధించిన ఆఫీసు కూడా వుంది. ఇప్పుడు అక్క‌డే రోష‌న్‌కి యాక్టింగ్ క్లాసులు మొద‌లయ్యాయి. `పెళ్లి సంద‌డి` వ‌ర్క్ షాప్ లా.. కొన్ని ట్రైనింగ్ సెష‌న్స్ ని నిర్వ‌హిస్తున్నారు. దాంతో పాటు హీరోయిన్ల ఆడిష‌న్లూ ఇక్క‌డే జ‌రుగుతున్నాయి. ఈ సినిమాలో ఇద్ద‌రు హీరోయిన్ల‌కు ఛాన్సుంది. హీరోయిన్లుగా కొత్త‌వాళ్ల‌కే అవ‌కాశం ఇవ్వాలని భావిస్తున్నారు. మరో వారంలో హీరోయిన్ల‌ని ఫైన‌లైజ్ చేయ‌నున్నారు. కీర‌వాణి ఈ చిత్రానికి సంగీతం అందిస్తున్నారు. ఇప్ప‌టికే ఆయన ట్యూన్లు సిద్ధం చేసిన‌ట్టు టాక్‌. `పెళ్లి సంద‌డి`లో పాట‌ల‌న్నీ సూప‌ర్ హిట్ట‌య్యాయి. దానికి ఏమాత్రం త‌గ్గ‌ని ఆల్బ‌మ్ రాబోతోంద‌ని స‌మాచార‌మ్.
