#RRR అప్‌డేట్

రాజ‌మౌళి ద‌ర్శ‌క‌త్వంలో రూపొందుతున్న చిత్రం #RRR. రామ్ చర‌ణ్‌, ఎన్టీఆర్ క‌థానాయ‌కులుగా న‌టిస్తున్న సంగ‌తి తెలిసిందే. ప్ర‌స్తుతం రామోజీ ఫిల్మ్‌సిటీలో షూటింగ్ జ‌రుగుతోంది. అల్లూరి సీతారామ‌రాజు గెట‌ప్‌లో ఉన్న రామ్ చ‌ర‌ణ్‌తో పాటు వంద‌లాది మంది జానియ‌ర్ ఆర్టిస్టులు ఈ షూటింగ్‌లో పాల్గొంటున్నారు. అది కోర్టుకి సంబంధించిన స‌న్నివేశం. అల్లూరి సీతారామ‌రాజుని బ్రిటీషు న్యాయ‌స్థానం ప్ర‌శ్నించే సన్నివేశాల్ని తెర‌కెక్కిస్తున్నారు. ఈ సినిమా కోసం హైద‌రాబాద్ శివార్ల‌లో ఓ పెద్ద సెట్ వేశారు. షూటింగ్‌లో 60 శాతం అక్క‌డే జ‌ర‌గ‌నుంది. మంగ‌ళ‌, బుధ వారాల్లో ఫిల్మ్‌సిటీలోనే స‌న్నివేశాల్ని తెర‌కెక్కిస్తారు. ఈ షెడ్యూల్‌లో ఎన్టీఆర్ లేడు. త్వ‌ర‌లోనే ఎన్టీఆర్ – చ‌ర‌ణ్‌ల‌పై కొన్ని కీల‌క‌మైన స‌న్నివేశాల్ని చిత్రీక‌రించ‌నున్నారు. #RRR విడుద‌ల తేదీ విష‌యంలో చాలా అనుమానాలున్నాయి. 2020లో రావాల్సిన సినిమా ఇది. అయితే… 2021 సంక్రాంతికి విడుద‌ల చేసే అవ‌కాశాలున్నాయ‌న్న టాక్ వినిపిస్తోంది. ఈ విష‌య‌మై చిత్ర‌బృందం అధికారికంగా స్పందించ‌లేదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com