ఔట్ సోర్సింగ్‌లో పని లేనోళ్లనే తీసేస్తున్నారట !

సీఎం జగన్‌కు కోపం వచ్చిందంటున్నారు సజ్జల రామకృష్ణారెడ్డి. ఎందుకంటే.. పదేళ్ల లోపు సర్వీస్ ఉన్న ఔట్ సోర్సింగ్ ఉద్యోగులందర్నీ తొలగించాలని ఇచ్చిన ఆదేశాలను చూసి ఆయనకు కోపం వచ్చిందట. అదేంటి.. ఇంత కీలకమైన నిర్ణయం ముఖ్యమంత్రికి తెలియకుండా తీసేసుకుంటారా అని ఆశ్చర్యపోవాల్సిన పని లేదు. ఎందుకంటే ప్రజల్లో వ్యతిరేక స్పందన తీవ్రంగా వచ్చినప్పుడు… ప్రభుత్వం ఇలానే చెబుతుందన్నమాట. కొన్నాళ్ల క్రితం జగన్ విశాఖకు వెళ్లినప్పుడు.. ట్రాఫిక్ ఆపేశారని ప్రజలు శాపనార్ధాలు పెట్టారు. దీంతో జగన్ తర్వాతి రోజు ఆగ్రహం వ్యక్తం చేసి మరోసారి అలా జరగకూడదని ఆదేశించారు. కానీ ఆగలేదు..ఇంకా చెప్పాలంటే పరదాలు.. బారీకేడ్లు కట్టి.. రెండు రోజుల ముందు నుంచే ట్రాఫిక్ ఆపేస్తున్నారు. ఇదీ అంతే.

ఔట్ సోర్సింగ్ ఉద్యోగుల్ని తొలగించాలని ప్రభుత్వం చాలా కాలంగా ప్రయత్నిస్తోందనేది బహిరంగరహస్యం. చాలా మందికి జీతాలు సరిగ్గా ఇవ్వక.. జీతాల పరిమితి పెట్టి వెళ్లిపోయేలా చేశారు. ఉన్న వారిని తొలగించాలని నిర్ణయించారు. కానీ ప్రభుత్వం తీరుపై అందరూ ఒక్క సారిగా తిరుగుబాటు లాంటి ఆగ్రహం చూపించడంతో సజ్జల మాట మార్చారు. సీఎం ఆగ్రహించారని అంటున్నారు. మరి ఆ జీవోను వెనక్కి తీసుకుంటున్నారో లేదో చెప్పలేదు. కానీ శాఖల పరంగా ఎమైనా నిర్ణయాలుంటే తీసుకుంటారంటున్నారు. అంటే తీసివేతలు ఉంటాయన్నమాట.

ఇదే అంశంపై బొత్స సత్యనారాయణ కూడా అదే రీతిలో స్పందించారు. అందరు ఔట్ సోర్సింగ్ సిబ్బందిని తొలగించడం లేదని పనిలేనోళ్లు ఉంటే వాళ్లను తొలగించడానికే జీవో ఇచ్చారని.. ప్రభుత్వంపై దుష్ప్రచారం చేస్తున్నారని వాదించారు. అంటే ఆ జీవో కరెక్టే. కానీ ప్రచారం మాత్రం తప్పు అన్నట్లుగా బొత్స చెప్పుకొచ్చారు. ప్రభుత్వం తాను చేయాలనుకున్నది చేస్తోంది.. కానీ అలా చేస్తున్నామని ధైర్యంగా చెప్పడం లేదు. గ్రామ, వార్డు సచివాలయాలు వచ్చిన తర్వాత అత్యధిక పని వారికి అప్పగించి.. ఇతర శాఖల్లో ఔట్ సోర్సింగ్ సిబ్బందికి పని లేదని చెప్పి తీసేస్తున్నారు. ఈ విషయాన్నే బొత్స పరోక్షంగా చెబుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

హిండెన్‌బర్గ్ రిపోర్ట్ దేశంపై దాడేనంటున్న అదానీ !

అమెరికాకు చెందిన హిండెన్‌బర్గ్ రిపోర్టుపై అదానీ గ్రూప్ చాలా ఆలస్యంగా అయినా ఎదురుదాడి ప్రారంభించింది. తాము వెల్లడించిన విషయాలు తప్పు అయితే తమపై దావా వేయాలని సవాల్ చేస్తున్నా... మూడు,...

ఏపీ సచివాలయ ఉద్యోగులకే అగ్నిపరీక్షలు – ఫెయిలయితే ?

ఏపీ ప్రభుత్వం సచివాలయ ఉద్యోగుల్ని వర్గ శత్రువులుగా భావిస్తున్నట్లుగా కనిపిస్తోంది. ఏ విభాగ ఉద్యోగికి లేనన్ని ఆంక్షలు పెడుతోంది. నిబంధనలు అమలు చేస్తోంది. సచివాలయ ఉద్యోగాలన్నీ కార్యాలయంలో కూర్చుని...

మరో అంతర్జాతీయ సదస్సుకు కేటీఆర్‌కు ఆహ్వానం !

కేటీఆర్ నాయకత్వ లక్షణాలు.. ఆయన విజన్.. చేస్తున్న అభివృద్ధి అంతర్జాతీయంగా పేరు తెచ్చి పెడుతోంది. మరో అంతర్జాతీయ సమావేశాలకు ఆహ్వానం అందింది. అమెరికా హెండర్సన్‌లో జరగనున్న పర్యావరణ-జలవనరుల సమావేశానికి రావాల్సిందిగా ఆహ్వానించారు....

పొత్తుండని టీడీపీ చెప్పకపోవడమే ఏపీ బీజేపీ నేతలకు అలుసైందా ?

ఏపీ బీజేపీ నేతలు ముఖ్యంగా ప్రో వైసీపీ గ్యాంగ్ గా ప్రసిద్ధి చెందిన సోము వీర్రాజు, జీవీఎల్ నరసింహారావు, విష్ణువర్ధన్ రెడ్డి లాంటి నేతలు పదే పదే టీడీపీతో పొత్తులు...

HOT NEWS

css.php
[X] Close
[X] Close