పవన్ పుస్తకావిష్కరణ సభ వార్తలో పవన్ ఫోటో డిలీట్ చేసిన సాక్షి

జర్నలిజంలో సాక్షి కొత్త పుంతలు తొక్కుతోంది. సాధారణంగా ఏదైనా ఒక సభ జరిగినప్పుడు దానికి ముఖ్య అతిథిగా ఎవరైనా హాజరైనప్పుడు ఆ వార్తను ప్రెసెంట్ చేస్తే ఆ ముఖ్య అతిథి ఫోటోను ప్రచురిస్తూ వార్త వేస్తారు. లేదూ, తమకు నచ్చలేదంటే పూర్తిగా ఆ వార్తను ప్రచురించకుండా వదిలేస్తారు. అయితే గత రెండేళ్లుగా పవన్ కళ్యాణ్ ఫోటో వేయకుండా కళ్ళు మూసుకుని పాలు తాగుతున్న పిల్లి చందంగా వ్యవహరిస్తున్న సాక్షి ఇవాళ మరొకసారి అదే తప్పు పునరావృతం చేసింది. వివరాల్లోకి వెళితే..

నిన్న తెలకపల్లి రవి ఒక పుస్తకాన్ని ఆవిష్కరించారు. మన సినిమాలు, అనుభవాలు, చరిత్ర పరిణామం అన్న పేరుతో రాసిన ఈ పుస్తకాన్ని పవన్ కళ్యాణ్ ముఖ్య అతిథిగా హాజరై ఆవిష్కరించారు. సినిమాల ద్వారా ఎంతో చరిత్రను కూడా చెప్పవచ్చని, ఉయ్యాలవాడ వంటి ఎందరో గొప్ప వ్యక్తుల జీవితాలను ఆవిష్కరించవచ్చు అని పవన్ కళ్యాణ్ ఆ సభలో మాట్లాడారు. అయితే ఇవాల్టి సినిమా పేజీలో ఈ వార్తను ప్రచురించిన సాక్షి, ఆ ఫోటో ప్రచురించినప్పుడు ఉద్దేశపూర్వకంగా పవన్ కళ్యాణ్ ఫోటో తన పత్రికలో రాకుండా జాగ్రత్త పడింది. పవన్ కళ్యాణ్ మాట్లాడిన వ్యాఖ్యలకు సంబంధించి కూడా ఎటువంటి కవరేజ్ ఇవ్వకుండా మిగతా వార్త మాత్రం ప్రచురించింది. సినిమా పేజీలో సైతం ఈ స్థాయిలో రాజకీయ ప్రయోజనాలు, రాజకీయ ఉద్దేశ్యాలు బహిర్గతం చేసుకోవడం సాక్షికి పరిపాటిగా మారింది.

వార్తాపత్రికని, రాజకీయ పార్టీ కరపత్రిక స్థాయికి సాక్షి దిగజార్చి వేసిందని వివిధ వర్గాల ప్రజల నుండి వస్తున్న విమర్శలను సైతం సాక్షి ఏమాత్రం లెక్క చేయకపోవడం గమనార్హం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అవకాశాలు రాని టీఆర్ఎస్ నేతలకు ఆశాకిరణం ఈటల..!

ఈటల రాజేందర్ ఒక్క సారిగా తెలంగాణ రాజకీయాలకు కేంద్ర బిందువు అయ్యారు. తనంతట తాను టీఆర్ఎస్ నుంచి వెళ్లిపోయి రాజకీయ పార్టీ పెట్టుకుంటే.. ఆయనను ఎవరూ పట్టించుకునేవారు కాదు. కానీ కేసీఆర్ ...

“నిపుణులు” ఇప్పటికీ అమాయకులుగానే కనిపిస్తున్నారా..!?

భారతదేశంలో ప్రస్తుతం హెల్త్ ఎమర్జెన్సీ తరహా పరిస్థితులు ఉన్నాయి. కేంద్రం అధికారికంగా ప్రకటించలేదు కానీ... అంత కంటే దారుణమైన పరిస్థితులు ఉన్నాయి. కరోనా బారిన పడుతున్న ప్రజలకు కనీసం ఆక్సిజన్ అందించలేని దౌర్భాగ్య...

ఆ పేలుడు అంత సీరియస్ కాదా..? చర్యలేవి..?

కడప జిల్లాలోని సున్నపురాయి గనుల్లో జరిగిన బాంబు పేలుడు ఘటనను వీలైనంత తక్కువగా చూపే ప్రయత్నాలు జరుగుతున్నాయి. పది మంది .. తునాతనకలైనా.. అధికారులు శరవేగంగా స్పందించలేదు. ఆ గని యజమాని ఎవరు..?...

మీడియా మైండ్‌సెట్‌తో వైసీపీ మైండ్ గేమ్..!

కరోనా కారణంగా ఆంధ్రప్రదేశ్ ప్రభుత్వం తీవ్ర ఇక్కట్లను ఎదుర్కొంటోంది. ఓ వైపు కేంద్రం... ఆక్సిజన్, వ్యాక్సిన్లు, రెమిడిసివర్ ఇంజక్షన్లు అన్నింటినీ అధీనంలోకి తీసుకుని అరకొరగా పంపుతోంది. దీంత ప్రజలు నానా...

HOT NEWS

[X] Close
[X] Close