మాయావతికి సుప్రీం షాక్…కేంద్రం మద్దతు?

ఉత్తరప్రదేశ్ మాజీ ముఖ్యమంత్రి మరియు బహుజన్ సమాజ్ పార్టీ అధినేత్రి మాయావతికి సుప్రీం కోర్టు పెద్ద షాక్ ఇచ్చింది. అక్రమాస్తుల కేసులో సిబీఐ చేత ఆమెపై కొత్తగా ఎఫ్.ఐ.ఆర్. నమోదు చేసి పునర్విచారణ చేయించాలని కోరుతూ వేయబడిన పిటిషన్ని సుప్రీం కోర్టు ఈరోజు విచారణకు స్వీకరించింది. ఆమె ముఖ్యమంత్రిగా ఉన్నప్పుడు ఉద్యోగుల డిఏ విషయంలో అవినీతికి పాల్పడ్డారని, తాజ్ కారిడార్ వ్యవహారంలో ఆమెపై వచ్చిన అవినీతి ఆరోపణలు, ఆదాయానికి మించి ఉన్న ఆమె ఆస్తులు, దానిపై కొన్నేళ్ళ క్రితం సిబీఐ దర్యాప్తు చేసి సమర్పించిన రికార్డుల ఆధారంగా మాయావతిపై కొత్తగా మరో ఎఫ్.ఐ.ఆర్.నమోదు చేసి సిబీఐ చేత పునర్విచారణ చేయించాలని పిటిషనర్ కోరారు. ఆ అభ్యర్ధనను సుప్రీం కోర్టు మన్నించి విచారణకు స్వీకరించింది. క్రిందటి నెలలోనే ఆమెపై ఆ డి.ఏ. కేసు విచారణ మొదలయింది. ఆ కేసును సుప్రీం కోర్టు రేపు విచారణకు చేపట్టబోతోంది.

ఇదివరకు యూపియే ప్రభుత్వం కేంద్రంలో అధికారంలో ఉన్నప్పుడు ఆమె పార్టీ మద్దతు పొందేందుకు ఆమెపై సిబీఐని ప్రయోగించి తాజ్ కారిడార్ అవినీతి భాగోతం వెలికి తీయించింది. ఆ కేసు భయంతోనే మాయావతి యూపియే ప్రభుత్వానికి బయట నుంచి మద్దతు ఇస్తూ వచ్చింది. వచ్చే ఏడాది ఉత్తరప్రదేశ్ శాసనసభ ఎన్నికలు జరుగనున్నాయి. కనుక ఆ ఎన్నికలలో రాష్ట్రంలో ప్రధాన ప్రతిపక్షంగా ఉన్న బి.ఎస్.పి.తో పొత్తులు పెట్టుకోవాలని భాజపా ప్రయత్నిస్తోంది. బహుశః అందుకే ఆమెకు వ్యతిరేకంగా సిబీఐ వద్ద ఎటువంటి ఆధారాలు లేవని అటార్నీ జనరల్ ముకుల్ రోహాత్గీ సుప్రీం కోర్టు తెలిపినట్లున్నారు. అయితే ఈ కేసును సుప్రీం కోర్టు విచారణకు స్వీకరించింది కనుక ఒకవేళ మళ్ళీ ఆమెపై ఎఫ్.ఐ.ఆర్.నమోదు చేసి సిబీఐ చేత పునర్విచారణ చేయించాలని కేంద్రప్రభుత్వాన్ని ఆదేశించినట్లయితే దానిని పాటించకతప్పదు. వచ్చే ఏడాది జరుగబోయే శాసనసభ ఎన్నికలను దృష్టిలో ఉంచుకొనే ఆమెను నిలువరించేందుకే ఆమె రాజకీయ ప్రత్యర్ధులు ఎవరో ఈ పిటిషన్ వేసి ఉండవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

స్వరశిల్పి బాలుకు స్వరనివాళులర్పించిన తానా – వీక్షించిన 50,000 మంది…

ఉత్తర అమెరికా తెలుగు సంఘం (తానా) ఆధ్వర్యంలో గానగంధర్వుడు, పద్మభూషణ్‍ డాక్టర్ ఎస్‍.పి. బాలసుబ్రహ్మణ్యం మృతికి సంతాపంగా "స్వరశిల్పికి స్వర నివాళి" పేరుతో ఆన్‍లైన్‍ వేదికగా ఏర్పాటు చేసిన నివాళి కార్యక్రమానికి పలువురు...

అపెక్స్ కౌన్సిల్‌ భేటీకి మరోసారి ముహుర్తం..!

తెలుగు రాష్ట్రాల మధ్య జలవివాదాల పరిష్కారానికి కేంద్రం మరో ప్రయత్నం చేస్తోంది. అపెక్స్ కౌన్సిల్ భేటీని వచ్చే నెల ఆరో తేదీన ఏర్పాటు చేస్తూ ఇరు రాష్ట్రాలకు సమాచారం పంపింది. ఈ మేరకు...

బ్రహ్మోత్సవాల్లో పాల్గొన్న మరో మంత్రికి కరోనా..!

శ్రీవారి బ్రహ్మోత్సవాల్లో పాల్గొన్న మరో మంత్రి చెల్లుబోయిన వేణుగోపాలకృష్ణకు కరోనా పాజిటివ్‌గా తేలింది. ఇప్పటికే దేవాదాయ మంత్రి వెల్లంపల్లికి కరోనా సోకడంతో ఆయన ప్రైవేటు ఆస్పత్రిలో చికిత్స పొందుతున్నారు. అయితే లక్షణాలేమీ...

బాలుకి భార‌త‌ర‌త్న – సాధ్య‌మేనా?

అయిదు ద‌శాబ్దాల సినీ ప్ర‌యాణం. 40 వేల పైచిలుకు పాట‌లు. 25 నంది అవార్డులు. జాతీయ పుర‌స్కారాలు, ప‌ద్మ‌శ్రీ‌, ప‌ద్మ‌భూష‌ణ్ - స‌త్కారాలు. ఇవ‌న్నీ బాలు ప్ర‌తిభ‌కు నిలువుట‌ద్దాలు. ఇప్పుడు బాలుకి భార‌త...

HOT NEWS

[X] Close
[X] Close