ప్ర‌భాస్‌, చ‌ర‌ణ్ కోసం శ‌ర్వా స్పెష‌ల్ షో

శ‌ర్వానంద్ కు ఇండ‌స్ట్రీ నిండా ఫ్రెండ్సే. అంద‌రితోనూ బాగుంటాడు. అంద‌రూ కావాల‌నుకుంటాడు కాబ‌ట్టి.. అంత ఫ్రెండ్ ఫాలోయింగ్‌. ముఖ్యంగా ప్ర‌భాస్‌, చ‌ర‌ణ్‌ల‌తో శ‌ర్వా చాలా క్లోజ్ గా ఉంటాడు. చ‌ర‌ణ్‌, రానా, శ‌ర్వానంద్ వీళ్లంతా ఒకే స్కూల్ లో చ‌దివారు. కాబ‌ట్టి.. మ‌రింత స్నేహం ఉంది వీళ్ల మ‌ధ్య‌. శ‌ర్వా నటించిన కొత్త సినిమా `ఒకే ఒక జీవితం`. ఈనెల 9న విడుద‌ల అవుతోంది. ఈ సినిమాపై శ‌ర్వా చాలా న‌మ్మ‌కాలు పెట్టుకొన్నాడు. అందుకే గ‌ట్టిగా ప్ర‌మోష‌న్ చేయాల‌ని భావిస్తున్నాడు. ఈ సినిమాని త‌న స్నేహితులైన ప్ర‌భాస్‌, చ‌ర‌ణ్‌, రానాల కోసం ప్ర‌త్యేకంగా ప్ర‌ద‌ర్శించ‌బోతున్నాడ‌ట‌. వాళ్ల ఫీడ్ బ్యాక్ తీసుకొని, ఈ సినిమా ప్ర‌మోష‌న్ల‌లో త‌న ఫ్రెండ్స్‌ని వాడుకోవాల‌ని చూస్తున్నాడు. ఇప్ప‌టికే శ‌ర్వా త‌న బాల్య స్నేహితులు కొంత‌మందికి ఈ సినిమా చూపించాడు. వాళ్లంద‌రి నుంచీ మంచి ఫీడ్ బ్యాక్ వ‌చ్చింది. ఇప్పుడు ఇండ‌స్ట్రీ ఫ్రెండ్స్ కోసం స్పెష‌ల్ షో వేయ‌బోతున్నాడు. 6,7, 8 తేదీల్లో `ఒకే ఒక జీవితం` స్పెష‌ల్ ప్రీమియ‌ర్స్ ప్లాన్ చేస్తున్నాడు. హైద‌రాబాద్ తో పాటు మిగిలిన ప్ర‌ధాన న‌గ‌రాల్లో ఈ సినిమాని ప్ర‌త్యేకంగా ప్ర‌ద‌ర్శించ‌బోతున్న‌ట్టు స‌మాచారం. ఈవారం సినిమాల హ‌డావుడి బాగానే ఉంది. నేను మీకు బాగా కావ‌ల్సిన‌వాడిని, కెప్టెన్‌, బ్ర‌హ్మాస్త్రం చిత్రాలు ఈ వార‌మే విడుద‌ల అవుతున్నాయి.