సిల్లీ కేసులు వంద కాదు.. వెయ్యి పెట్టుకోండి : శివాజీ

నాలుగు రోజుల తర్వాత తెలంగాణ పోలీసుల ముందు హాజరవుతానని… శివాజీ.. ఓ వీడియోను విడుదల చేశారు. టీవీ9 యాజమాన్య బదిలీ వివాదం నేపధ్యంలో.. రవిప్రకాష్‌తో పాటు.. శివాజీపైనా తెలంగాణ పోలీసులు కేసులు నమోదు చేశారు. ఆయన ఇంట్లో సోదాలు చేశారు. నోటీసులు జారీ చేసినా… పోలీసుల ఎదుట హాజరు కాకపోవడంతో.. తాజాగా లుకౌట్ నోటీసులు కూడా జారీ చేశారు. నాలుగు బృందాలు.. రవిప్రకాష్‌తో పాటు.. శివాజీ కోసం వెదుకుతున్నాయని తెలంగాణ పోలీసు వర్గాలు చెబుతున్నాయి. ఈ క్రమంలో శివాజీ ఓ వీడియో విడుదల చేసి.. తనపై వస్తున్న ఆరోపణలకు క్లారిటీ ఇచ్చే ప్రయత్నం చేశారు.

రవిప్రకాష్‌తో జరిగిన ఒప్పందంపై కౌశిక్ రావు ఫిర్యాదు ఏమిటి..? : శివాజీ

టీవీ9 యాజమాన్య బదిలీ వివాదంలో అసలు తన ప్రస్తావన తీసుకు రావాల్సిన అవసరం కౌశిక్ రావుకు ఏముందని.. శివాజీ ప్రశ్నిస్తున్నారు. రవిప్రకాష్‌కు చెందిన టీవీ9 షేర్లను తాను కొనుగోలు చేశానని.. అది తమ ఇద్దరి మధ్య ఉన్న ఒప్పందం అని స్పష్టం చేశారు. తమ మధ్య గత ఏడాది ఫిబ్రవరిలోనే ఒప్పందం జరిగిన మాట వాస్తవమన్నారు. అయితే… షేర్ల బదిలీ జరగలేదని.. యాజమాన్యం మారిన కారణంగా.. మళ్లీ ఈ ఏడాది షేర్ల బదిలీ గురించి అడిగానని.. శివాజీ స్పష్టం చేశారు. రెండూ కరెక్టేనన్నారు. దీనిపై.. తమ మధ్య సివిల్ వివాదం కోర్టులో ఉందని.. దానిపై కౌశిక్ రావు ఫిర్యాదు చేయడం… తెలంగాణ పోలీసులు దాన్నో క్రిమినల్ కేసుగా మార్చడం ఏమిటని శివాజీ ఆశ్చర్యం వ్యక్తం చేశారు. రవిప్రకాష్‌, నాకు మధ్య జరిగిన షేర్ల బదిలీ సివిల్ పంచాయితీ..అని అనవసరంగా క్రిమినల్ పంచాయతీ చేశారని శివాజీ వీడియోలో మండిపడ్డారు.

ఇలాంటి సిల్లీ కేసులు వెయ్యి పెట్టుకోండి..: శివాజీ

ఇద్దరు వ్యక్తుల మధ్య జరిగిన ఒప్పందంలో జోక్యం చేసుకోడానికి కౌశిక్‌రావు ఎవరనేది శివాజీ వీడియోలో సంధించిన ప్రశ్న. కౌశిక్‌రావు ఫిర్యాదుతో తెలంగాణ పోలీసులు తన ఇంటిపై పడ్డారని.. సోదాలు చేసి ఏమీ దొరకలేదని వెళ్లిపోయారన్నారు. రెండేళ్లుగా తెలంగాణ ప్రభుత్వం తనపై పగ పట్టిందని శివాజీ ఆరోపిస్తున్నారు. తాను సెటిలర్‌నని, స్థానబలం లేదని అనుకుంటున్నారని … కేసులు వంద కాదు, వెయ్యి పెట్టుకోండి అని చాలెంజ్ చేశారు. ఇవి సిల్లీ కేసులని తేల్చారు. టీవీ9ను కొనుగోలు చేసి రామేశ్వరరావు తనకు బాగా తెలుసని.. ఆయన ఆయన పిలిచి అడిగితే అన్నీ చెప్పేవాడినని శివాజీ వీడియోలో చెప్పుకొచ్చారు. నిజాయితీగా బయటికి వస్తాను.. నాలుగు రోజుల తర్వాత పోలీసుల దగ్గరకు వెళ్తానని శివాజీ ప్రకటించారు.

సెటిలర్‌నని.. స్థాన బలిమి లేదనే తెలంగాణ సర్కార్ వేధింపులు : శివాజీ

తాను ఆజ్ఞాతంలో లేనని ప్రజల మధ్యేనని… శివాజీ చెబుతున్నారు. మూడు రోజుల కిందట తిరుపతి వెళ్లి శ్రీవారి దర్శనం చేసుకున్నానన్నారు. నాకు వడదెబ్బ తగిలి విశ్రాంతి తీసుకుంటున్నానన్నారు. కొందరు సోషల్ మీడియా ద్వారా సోషల్‌మీడియా పరారీలో ఉన్నానని ప్రచారం చేసి శునకానందం పొందుతున్నారని.. అవి వాళ్లకే తగులుతాయని శాపనార్థాలు పెట్టారు. రవిప్రకాష్, శివాజీలను అరెస్ట్ చేయడానికి నాలుగు బృందాలు ఏర్పాటు చేసినట్లుగా.. తెలంగాణ పోలీసులు మీడియాకు సమాచారం ఇచ్చిన నేపధ్యంలో శివాజీ వీడియో విడుదల చేశారు. ఇందులో గుండు చేయించుకుని కనిపించారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రాబోయే పవన్ పుట్టినరోజుకు ఫ్యాన్స్ ట్విట్టర్ ట్రెండింగ్ ప్రాక్టీస్..!

ఈ రోజు డేట్ ఎంత.. జూలై 15. పవన్ కల్యాణ్ పుట్టిన రోజు ఎప్పుడు సెప్టెంబర్ రెండో తేదీ. ఈ రెండింటి మధ్య నెలన్నర గ్యాప్ ఉంది. కనీసం.. తర్వాతి...

పార్టిసిపెంట్స్ కోసం వేట మొదలు పెట్టిన బిగ్ బాస్ 4.

ప్రపంచంలో అత్యంత పాపులర్ అయిన బిగ్ బాస్ రియాల్టీ షో తెలుగులో కూడా ఒక సీజన్ ను నుంచి మరొక సీజన్ సూపర్ హిట్ అయిన విషయం తెలిసిందే. ఇప్పుడు 4వ సీజన్...

“గంటా”పైకి సైకిల్ వదిలిన విజయసాయిరెడ్డి..!

మాజీ మంత్రి అచ్చెన్నాయుడును ఈఎస్‌ఐ స్కాం అరెస్ట్ చేసిన వైసీపీ సర్కార్ ఇప్పుడు గంటా శ్రీనివాస్‌పైనే దృష్టి పెట్టినట్లుగా తెలుస్తోంది. ఈ మేరకు.. ముందస్తుగా.. విజయసాయిరెడ్డి ట్వీట్ హింట్ ఇచ్చారు. గంటా శ్రీనివాసరావు...

మేడిన్ ఇండియా 5G జియోదే..!

రాబోయే 5G కాలం ఇండియాలో జియోదేనని ముఖేష్ అంబానీ ప్రకటించారు. జియో సొంతంగా 5G సొల్యూషన్స్‌ను అభివృద్ధి చేసిందని.. వచ్చే ఏడాది నుంచే.. ప్రపంచ స్థాయి సేవలను భారత్‌లో అందిస్తామని స్పష్టం చేసింది....

HOT NEWS

[X] Close
[X] Close