శేఖ‌ర్ సూరితో శ్రీ‌కాంత్‌

ఇప్పుడంతా వెబ్ సిరీస్ ల‌దే హ‌వా. ఒక‌ప్పుడు హిట్ సినిమాలు తీసి, ఆ త‌ర‌వాత ఫ్లాపుల‌తో సైడ్ అయిపోయిన డైరెక్ట‌ర్ల‌కు కూడా కావల్సినంత ప‌ని దొరుకుతోంది. తెర మరుగైపోయిన ద‌ర్శ‌కులు మ‌ళ్లీ మెగాఫోన్ ప‌ట్టి సంద‌డి చేస్తున్నారు. తాజాగా ఈ లిస్టులో శేఖ‌ర్ సూరి కూడా చేరిపోయాడు. ఏ ఫిల్మ్ బై అర‌వింద్ సినిమాతో ఆక‌ట్టుకున్నాడు శేఖ‌ర్ సూరి. ఆ త‌ర‌వాత ఫ్లాపులు ప‌ల‌క‌రించాయి. కొన్నేళ్లుగా శేఖ‌ర్ సూరి పేరు వినిపించ‌డం లేదు. ఇప్పుడు ఓ వెబ్ సిరీస్ తో మ‌ళ్లీ ఆయ‌న తెరంగేట్రం చేస్తున్నారు. ఈ వెబ్ సిరీస్ లో శ్రీ‌కాంత్ క‌థానాయ‌కుడిగా న‌టించారు. షూటింగ్ కూడా దాదాపుగా పూర్తయ్యింది. అమేజాన్ అప్రూవ‌ల్ ఇచ్చిన స్క్రిప్టు ఇది. మొత్తం ప‌ది ఎపిసోడ్లు ఉంటాయ‌ట‌. త్వ‌ర‌లోనే షూటింగ్ పూర్తి చేసి, ప్ర‌చార కార్య‌క్ర‌మాలు ముమ్మ‌రం చేయాల‌ని అమేజాన్ భావిస్తోంది. పెప్టెంబ‌రు, లేదా అక్టోబ‌రులో ఈ వెబ్ సిరీస్ స్ట్రీమింగ్ కానుంది.