ఒక‌ప్పుడు కుటుంబ క‌థా చిత్రాల‌కు కేరాఫ్ అడ్ర‌స్స్‌గా క‌నిపించిన పేరు.. ఎస్వీ కృష్ణారెడ్డి. దాదాపు అన్నీ హిట్లే. హీరోగా మారాక ఆయ‌న కెరీర్ గ్రాఫ్ అమాంతంగా ప‌డిపోయింది. ద‌ర్శ‌కుడిగానూ బ్యాక్ స్టెప్ వేయాల్సివ‌చ్చింది. స్వీ కృష్ణారెడ్డి ద‌ర్శ‌క‌త్వంలో ఓ హాలీవుడ్ చిత్రం కూడా తెర‌కెక్కింది. `ఆహ్వానం` చిత్రాన్ని `డైవ‌ర్స్ ఇన్విటేష‌న్‌` పేరుతో అక్క‌డ తెర‌కెక్కించారు. కానీ అదీ ఫ‌ట్టే. య‌మ‌లీల 2 త‌ర‌వాత ఆయ‌న మ‌ళ్లీ మెగా ఫోన్ ప‌ట్ట‌లేదు. ఇంత‌కాలానికి మ‌ళ్లీ ఎస్వీ.కృష్ణారెడ్డి కెప్టెన్ కుర్చీలో కూర్చోబోతున్నారు. ప్ర‌స్తుతం స్క్రిప్టు వ‌ర్క్ జ‌రుగుతోంది. త్వ‌ర‌లోనే క‌థానాయ‌కుడు, నిర్మాణ సంస్థ వివ‌రాలు బ‌య‌ట‌కు వ‌స్తాయి. అయితే ఎస్వీ కృష్ణారెడ్డి మార్కు సినిమాలు ఇప్పుడు న‌డ‌వ‌వు. జ‌న‌రేష‌న్ మారింది. ఆలోచ‌న‌లు మారాయి. సినిమా చూసే, తీసే ప‌ద్ధ‌తులు మారాయి. మ‌రి.. ఈసారి స‌రికొత్త కృష్ణారెడ్డి బ‌య‌ట‌కు వ‌స్తారో, లేదంటే… పాత స్టైల్‌లోనే క‌నిపిస్తారో చూడాలి.
ఎస్వీ కృష్ణారెడ్డి ద‌ర్శ‌క‌త్వంలో…
