ఆ క్రెడిట్ కోసం తెలంగాణా భాజపా నేతల యావ!

తెలంగాణా, మహారాష్ట్ర ముఖ్యమంత్రులు కేసీఆర్, దేవేంద్ర ఫడ్నవీస్ నిన్న నదీ జలాల పంపకాల కోసం ఒప్పంద పత్రాలపై సంతకాలు చేసారు. అది తెరాస ప్రభుత్వం చొరవ కారణంగానే సాధ్యమయిందని అందరికీ తెలుసు. దాని కోసం రాష్ట్ర భాజపా నేతలు చేసిందేమీ లేకపోయినా, దాని క్రెడిట్ స్వంతం చేసుకొనేందుకు వారు ప్రదర్శించిన అత్యుత్సాహం చూసి రాష్ట్ర ప్రజలు నవ్వుకొంటున్నారు. ఆ ఒప్పందంపై ముఖ్యమంత్రులు ఇరువురూ సంతకాలు చేసిన తరువాత, రాష్ట్ర భాజపా నేతలు ముంబై చేరుకొని మహారాష్ట్ర ముఖ్యమంత్రి దేవేంద్ర ఫడ్నవీస్ ని కలిసి, తెలంగాణాకు సహకరించినందుకు కృతజ్ఞతలు చెప్పి, ఆయనతో కలిసి ఆ ఒప్పంద పత్రం పట్టుకొని మీడియాకి ఫోజులు ఇచ్చారు. ఆ ఒప్పందం జరగడానికి తెరాస ప్రభుత్వం చూపిన చొరవ కారణం అయితే, ఆ ఖ్యాతి మాత్రం మహారాష్ట్ర (భాజపా) ప్రభుత్వానికే దక్కుతుందని వారు చెప్పారు. దీని గురించి భాజపా మంత్రులు బండారు దత్తాత్రేయ, హన్స్రాజ్ ఆహిర్ చాలా కాలంగా కృషి చేస్తున్నారని కానీ దాని క్రెడిట్ తమకే దక్కాలని వారెన్నడూ ఆరాటపడలేదని భాజపా ఎమ్మెల్యే డా. లక్ష్మణ్ చెప్పారు.

మాజీ ప్రధాని వాజ్ పేయి హయంలోనే నదుల అనుసంధాన ప్రక్రియ గురించి ఆలోచనలు చేసారని దానిని ప్రధాని నరేంద్ర మోడి సాకారం చేస్తున్నారని, ఆ ప్రయత్నంలో భాగంగానే ఈ ఒప్పందం జరగడం చాలా శుభ పరిణామమని వారు చెప్పారు. కేంద్రంలో, మహారాష్ట్రాలో ఉన్న బీజేపీ ప్రభుత్వాలు సహకరించడం వలననే ఈ ఒప్పందం సాధ్యపడిందని వారు మీడియాకి చెప్పారు. తెలంగాణాలో గోదావరి మరియు ఇతర నదులపై నిర్మిస్తున్న ప్రాజెక్టులకు కేంద్రప్రభుత్వం సహాయసహకారాల కోసం తమవంతు ప్రయత్నాలు తాము చేస్తామని చెప్పారు. తెలంగాణాలో సముద్రం లేదు కనుక నదీ మార్గాలలో జలరవాణా వ్యవస్థల ఏర్పాటుకు సహకరించమని తాము చేసిన విజ్ఞప్తిని మహారాష్ట్ర ముఖ్యమంత్రి దేవేంద్ర ఫడ్నవీస్ సానుకూలంగా స్పందించారని వారు చెప్పారు. ఈ మహా ఒప్పందాన్ని తాము స్వాగతిస్తున్నామని భాజపా ఎమ్మెల్యే డా.లక్ష్మణ్ చెప్పారు.
కేంద్రంలో భాజపాయే అధికారంలో ఉన్నప్పటికీ తెలంగాణా కోసం రాష్ట్ర బీజేపీ నేతలు చేసిందేమీ లేదు కానీ తెలంగాణా ప్రభుత్వం చొరవతో సాధ్యమయిన ఈ ఒప్పందంపై క్రెడిట్ స్వంతం చేసుకోవడానికి హడావుడిగా అందరూ ముంబై పరుగులు తీయడం, ఆ క్రెడిట్ తెలంగాణా ప్రభుత్వానిది కాదు…మహారాష్ట్ర ప్రభుత్వానిది, కేంద్రప్రభుత్వానిదేనని వారు చెప్పుకోవడం చాలా హాస్యాస్పదంగా ఉంది. తెలంగాణా భాజపా నేతలకు అటువంటి క్రెడిట్ కావాలని కోరుకొంతున్నట్లయితే, డిల్లీ వెళ్లి రాష్ట్రం కోసం ఏమయినా సాధించుకొని వస్తే బాగుంటుంది. కానీ వారు అలాగ చేయకుండా తెలంగాణా ప్రభుత్వం చేస్తున్న పనులను నిత్యం విమర్శిస్తూ కాలక్షేపం చేస్తుంటారు. మళ్ళీ అది చేసే ఇటువంటి మంచి పనులలో తమకీ వాటా ఉండాలని ఆశిస్తుంటారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“గ్రేటర్‌”లో ఇప్పుడు పీవీ, ఎన్టీఆర్ ఘాట్ల కూల్చివేత రాజకీయం..!

గ్రేటర్ హైదరాబాద్ ప్రచారం సర్జికల్ స్ట్రైక్స్ నుంచి కూల్చివేతల వరకూ వచ్చింది. ఒకరు పీవీ, ఎన్టీఆర్ ఘాట్‌ల గురించి మాట్లాడగా.. మరొకరు దారుస్సలాం కూల్చివేత గురించి మాట్లాడుకోవడంతో రగడ మలుపు తిరిగింది....

“గ్యాగ్” ఆర్డర్స్‌పై సుప్రీం స్టే..!

ఏపీ మాజీ అడ్వకేట్ జనరల్ దమ్మాలపాటి కేసులో ఎఫ్ఐఆర్‌లో విషయాలను మీడియాలో.. సోషల్ మీడియాలో ప్రచారం చేయకుండా ఆంధ్రప్రదేశ్ హైకోర్టు ఇచ్చిన గ్యాగ్ ఆర్డర్‌పై సుప్రీంకోర్టు స్టే ఇచ్చింది. అంటే.. ఆ...

ఆ సినిమాలో ర‌కుల్ లేదు

మోహ‌న్‌బాబు క‌థానాయ‌కుడిగా తెర‌కెక్కుతున్న చిత్రం.. సన్నాఫ్ ఇండియా. డైమండ్ ర‌త్న‌బాబు ద‌ర్శ‌కుడు. ఇళ‌య‌రాజా సంగీత అందిస్తున్నారు. ఎం.ధ‌ర్మ‌రాజు ఎం.ఏ, పుణ్య‌భూమి నాదేశం త‌ర‌హాలో సాగే క్యారెక్ట‌రైజేష‌న్ ఈ సినిమాలో క‌నిపించ‌బోతోంద‌ట‌. మ‌ళ్లీ ఆ...

రివ్యూ: అంధ‌కారం

హార‌ర్‌, థ్రిల్ల‌ర్ సినిమాల్ని చూసి.. విసుగొచ్చేసింది. అన్నీ ఒక ఫార్మెట్‌లోనే సాగుతుంటాయి. హార‌ర్ అన‌గానే... భ‌యంక‌రమైన రీ సౌండ్లు, ఓ ఇల్లు, అందులో కొన్ని పాత్ర‌లు విచిత్రంగా ప్ర‌వ‌ర్తించ‌డం.. ఇవే క‌నిపిస్తాయి. థ్రిల్ల‌ర్లూ...

HOT NEWS

[X] Close
[X] Close