టీడీపీ సస్పెన్షన్ : జగన్ మూడ్ డిస్టర్బ్ చేసిన డిప్యూటీ స్పీకర్ ..!

రైతుల పంటలకు ప్రభుత్వం బీమా ప్రీమియం చెల్లించకపోవడంతో ఇప్పుడు ఆంధ్రప్రదేశ్ రైతులు సర్వం కోల్పోయారు. ఈ విషయాన్ని తెలుగుదేశం పార్టీ అసెంబ్లీలో వెల్లడిచింది. ఈ అంశంపై అసెంబ్లీలో అధికారపక్షం అడ్డంగా దొరికిపోయింది. రైతులకు నష్టపరిహారం ప్రకటన అంశంపై చర్చలో పంటల బీమా ప్రీమియంను చెల్లించామని వ్యవసాయమంత్రి కన్నబాబు ప్రకటించారు. అసెంబ్లీలో అబద్ధాలు చెప్పవద్దని.. ప్రీమియం చెల్లించలేదని, నిరూపిస్తామని టీడీపీ ఎమ్మెల్యే పయ్యావుల కేశవ్ సవాల్ చేశారు. ప్రీమియం చెల్లించలేదని ఆర్టీఐ ద్వారా తీసుకొచ్చిన సమాచారం తన వద్ద ఉందని పత్రాలను కేశవ్ చూపించారు. దీంతో.. వెంటనే అధికార పక్షం మాట మార్చింది. డిసెంబర్‌ 15న ప్రీమియం చెల్లిస్తామని చెప్పుకొచ్చారు. వైసీపీ తీరుపై టీడీపీ ఎమ్మెల్యే ఆగ్రహం వ్యక్తం చేశారు. మాట్లాడేందుకు అనుమతి ఇవ్వాలని చంద్రబాబు కోరారు. స్పీకర్ చైర్‌లో ఉన్న డిప్యూటీ స్పీకర్ కోన రఘుపతి వెంటనే అవకాశం ఇచ్చారు. ఇలా మైక్ ఇవ్వడంపై జగన్ అసహనం వ్యక్తం చేశారు. చంద్రబాబు మాట్లాడుతున్న సమయంలో అధికార పక్షం నిరసన వ్యక్తం చేయడంతో చంద్రబాబు మైక్‌ కట్‌ చేశారు.

దీంతో టీడీపీ నిరసన వ్యక్తం చేసింది. స్పీకర్‌ వెల్‌లో చంద్రబాబు బైఠాయించారు. చంద్రబాబు స్పీకర్‌ వెల్‌లో బైఠాయించడంతో … ముఖ్యమంత్రి జగన్మోహన్ రెడ్డి వివాదాస్పద వ్యాఖ్యలు చేశారు. చంద్రబాబును కించపరిచేలా మాట్లాడారు. చంద్రబాబు రౌడీయిజం చేస్తున్నారని విమర్శించారు. టీడీపీ సభ్యులు అవగాహన లేకుండా మాట్లాడుతున్నారని… డిసెంబర్ నెలాఖరునాటికి రైతులందరికీ ఇన్‌పుట్ సబ్సిడీ అందిస్తామని ప్రకటించారు. చంద్రబాబు కావాలనే పోడియం ఎదుట బైఠాయించారని.. గతంలో ఏ ప్రతిపక్ష నేత ఇలా వ్యవహరించలేదన్నారు. తన వయసుకు తగ్గట్టు చంద్రబాబు మాట్లాడాలని.. కళ్లెర్రజేసి మమ్మల్ని భయపెడుతున్నారని మండిపడ్డారు. స్పష్టత ఇచ్చాక కూడా.. అదే అంశాన్ని లేవనెత్తడం సరికాదన్నారు.

పోడియం ముందు బైఠాయిచడంతో స్పీకర్ టీడీప సభ్యులను సస్పెండ్ చేయాలని నిర్ణయించారు. అసెంబ్లీ నుంచి టీడీపీ ఎమ్మెల్యేలను అసెంబ్లీ నుంచి ఒక రోజు పాటు సస్పెండ్ చేశారు. సస్పెండైన ఎమ్మెల్యేలందరూ.. అసెంబ్లీ ప్రధాన ద్వారం వద్ద బైఠాయించారు. రైతులకు తక్షణం నష్టపరిహారం చెల్లించాలని డిమాండ్ చేశారు. చంద్రబాబు ధర్నా దృశ్యాలను చిత్రీకరిస్తున్న.. ఎమ్మెల్యేల సహాయకులను అసెంబ్లీ భద్రతా సిబ్బంది అడ్డుకున్నారు. ధర్నా చేస్తున్న టీడీపీ ఎమ్మెల్యేలకు అడ్డుగా మార్షల్స్ నిలబడ్డారు. ఈ సందర్భంగా చీఫ్ మార్షల్‌తో పయ్యావుల కేశవ్ వాగ్వాదానికి దిగారు.

రైతులకు నష్టపరిహారం అంశంపై ప్రభుత్వం క్లారిటీతో వ్యవహరించడం లేదు. ఇన్ పుట్ సబ్సిడీ ఇస్తామని చెబుతున్నారు కానీ.. వర్షాల వల్ల సర్వం కోల్పోయిన రైతులను తక్షణం ఆదుకునే ఒక్కటంటే.. ఒక్క చర్య తీసుకోలేదు. చివరికి కడప సిటీలో కొన్ని వేల మంది వరదల కారణంగా నష్టపోయినా ఎలాంటి పరిహారం ప్రకటించలేదు. ఈ అంశాలపై సభలో అయినా ముఖ్యమంత్రి జగన్ కీలక ప్రకటన చేసి.. ప్రతిపక్ష నేతల నోళ్లు మూయిస్తారని అనుకున్నారు కానీ.. వారిని నోరెత్తకుండా చేసి బయటకు పంపేశారు. రైతులకు ఇవ్వదల్చుకున్న సాయం విషయం మాత్రం ప్రకటించలేదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏకగ్రీవం చేసుకోకపోతే అనర్హతా వేటేస్తారా..!?

పంచాయతీ ఎన్నికల్లోనూ ఏకగ్రీవాల రచ్చ జరిగే అవకాశం కనిపిస్తోంది. పార్టీ రహితంగా జరుగుతాయి కాబట్టి.. ఊళ్లలోని పెద్దలు కూర్చుని ఏకగ్రీవాలు చేసుకోవాలని ప్రభుత్వ సలహాదారు సజ్జల రామకృష్ణారెడ్డి రిపబ్లిక్ డే రోజున వైసీపీ...

ఇప్పుడు ఉద్యోగ సంఘాల నేతలకు కరోనా భయం పోయింది..!

సుప్రీంకోర్టు తీర్పునైనా ధిక్కరిస్తామని ఒకరు...మా ప్రాణానికి హాని కల్పిస్తే చంపడానికైనా సిద్ధమని మరొకరు.. మమ్మల్ని ఆదేశించడానికి ఎస్ఈసీ ఎవరని మరొకరు.... వరుసగా ఒకరి తర్వాతా ఒకరు మీడియా ముందుకు వచ్చి సర్కస్ ఫీట్లులా...

టీ కాంగ్రెస్ ఎంపీల ఢిల్లీ ఎజెండా కేసీఆర్ ఆవినీతే..!

పార్లమెంట్ సమావేశాల్లో తెలంగాణ కాంగ్రెస్ ఎంపీలు ఒకే ఒక్క అజెండా పెట్టుకున్నారు. అది ప్రజాసమస్యలు.. తెలంగాణ ప్రయోజనాలు.. విభజన హామీలులాంటివి కాదు. టీఆర్ఎస్ అవినీతిని... ఢిల్లీలో ప్రచారం చేయడం. టీఆర్ఎస్ అదే...
video

అర్థ శ‌తాబ్దం – మ‌రో ప్ర‌శ్నాస్త్రం

https://www.youtube.com/watch?v=KZlgjWutVys&feature=youtu.be ప్ర‌శ్నించ‌డానికి స‌మాజం, వ్య‌క్తులు, సంఘాలూ, వ్య‌వ‌స్థ‌లూ అవ‌స‌రం లేదు. అప్పుడ‌ప్పుడూ.. సినిమా కూడా ఆ బాధ్య‌త తీసుకుంటుంది. కొన్ని సినిమాలు ప్ర‌శ్నించ‌డానికే పుడుతుంటాయి. `సింధూరం`లా. ఇప్పుడు అలాంటి సినిమా ఒక‌టి వ‌స్తోంది. అదే.....

HOT NEWS

[X] Close
[X] Close