ఆయ‌న‌ ప‌ద‌వీ త్యాగం చేయాల్సి వ‌చ్చిందా..?

ప‌ద‌వుల్ని వ‌దులుకోవ‌డమ‌నేది అంత ఆషామాషీ వ్య‌వ‌హారం కాదు! ప‌ద‌వులే ప‌ర‌మావ‌ధిగా రాజకీయాలు న‌డుస్తున‌న ఈ రోజుల్లో.. ప‌ద‌వీ ‘త్యాగం’ అనే మాట వినిపించ‌దు. పార్టీలు ఫిరాయించినా స‌రే రాజీనామాలు చేయ‌కుండా, ప‌దవుల్ని ప‌ట్టుకుని వేలాడే నేత‌ల్ని మ‌నం చూస్తున్నాం. ఇలాంటి త‌రుణంలో టీడీపీ ఇచ్చిన ఎమ్మెల్సీ ప‌ద‌విని వ‌దులుకున్నారు చ‌క్ర‌పాణి రెడ్డి. నంద్యాల ఉప ఎన్నిక నేప‌థ్యంలో ఆయ‌న తెలుగుదేశం పార్టీకి రాజీనామా చేసి, వైకాపాలో చేరిన సంగ‌తి తెలిసిందే. బ‌హిరంగ స‌భ‌లో జ‌గ‌న్ స‌మ‌క్షంలో ఆయ‌న పార్టీ తీర్థం పుచ్చుకున్నారు! విలువ‌ల‌తో కూడిన రాజ‌కీయాలు చేయాల‌నే ఉద్దేశంతోనే చ‌క్ర‌పాణి రాజీనామా చేసిన‌ట్టు ప్ర‌క‌టించారు. ఇదే విధంగా అధికారం ప‌క్షం చేయ‌గ‌ల‌దా..? వైకాపా నుంచి ఫిరాయించిన ఎమ్మెల్యేల‌తో రాజీనామాలు చేయించ‌గ‌ల‌దా అంటూ టీడీపీకి జ‌గ‌న్ స‌వాలు విసిరిన‌ట్టే అయింది. ఈ సంద‌ర్భంలో చ‌క్ర‌పాణి త్యాగం చ‌ర్చ‌నీయాంశంగా మారుతోంది. చ‌క్ర‌పాణి రాజీనామా చేయాల‌ని ముందే అనుకున్నారా..? లేదా, చివ‌రి నిమిషం జ‌గ‌న్ అడిగేస‌రికి త‌ప్ప‌నిస‌రి ప‌రిస్థితుల్లో చేయాల్సి వ‌చ్చిందా..? ఆరేళ్ల‌పాటు ఉండాల్సిన ప‌ద‌విని త‌న సోద‌రుడి కోసమే వ‌దిలేశారా…? భ‌విష్య‌త్తులో జ‌గ‌న్ ఇవ్వ‌బోయే ప‌ద‌వి హామీతోనే సంతృప్తి చెందారా అనే చ‌ర్చ జ‌రుగుతోంది.

చ‌క్ర‌పాణి పార్టీలోకి వ‌స్తాన‌ని నిర్ణ‌యం తీసుకోగానే… ఎమ్మెల్సీ ప‌ద‌వి కూడా వ‌దులుకుని వ‌స్తేనే మంచిద‌ని పార్టీ నేత‌ల‌కు జ‌గ‌న్ సూచించార‌ట‌. అయితే, ఈ విష‌యాన్ని వైసీపీ నేత‌ల చ‌క్ర‌పాణికి తెలియ‌జేయ‌లేద‌నీ, ఈలోపుగానే ఆయ‌న హ‌డావుడిగా తెలుగుదేశం పార్టీకి రాజీనామా చేశార‌ని ఇప్పుడో క‌థ‌నం ప్ర‌చారంలోకి వ‌చ్చింది. టీడీపీకి రాజీనామా చేసిన త‌రువాత‌, అంతే హ‌డావుడిగా జ‌గ‌న్ ను క‌లుసుకునేందుకు చ‌క్ర‌పాణి వెళ్లార‌ట‌. జ‌గ‌న్ పెట్టిన రాజీనామా ష‌ర‌తు అప్ప‌టివ‌ర‌కూ ఆయ‌నకి తెలియ‌లేద‌ని అంటున్నారు. ఎమ్మెల్సీ ప‌ద‌వి వదులుకోవాల‌ని అక్క‌డ జ‌గ‌న్ చెప్ప‌డంతో చ‌క్ర‌పాణి గొంతులో ప‌చ్చి వెల‌క్కాయ ప‌డింద‌ని చెబుతున్నారు! అప్ప‌టికే తెలుగుదేశం పార్టీకి రాజీనామా చేశారు కాబ‌ట్టి, ఇక వెన‌క్కి త‌గ్గే ప‌రిస్థితి చ‌క్ర‌పాణికి లేకుండా పోయింది! ఈ ప‌రిస్థితుల్లో ఎమ్మెల్సీ ప‌ద‌వి వ‌దులుకోవ‌డానికి ఏమాత్రం వెన‌కాడినా, దాని ప్ర‌భావం నంద్యాల ఉప ఎన్నిక ఫ‌లితంపై ఉంటుంద‌న్న‌ది వాస్త‌వం. తీవ్ర త‌ర్జ‌న‌భ‌ర్జ‌న‌ల మ‌ధ్య ఎమ్మెల్సీ ప‌ద‌వీ త్యాగానికి ఆయ‌న సిద్ధ‌ప‌డ్డ‌ట్టు స‌మాచారం. దీంతో రాజీనామా లేఖ‌ను బ‌హిరంగ స‌భ‌లో జ‌గ‌న్ కు అంద‌జేశారు.

రాజీనామా లేఖ‌ను జ‌గ‌న్ ఇస్తున్న స‌మ‌యంలో చ‌క్ర‌పాణి తీవ్ర భావోద్వేగాల‌కు గుర‌య్యారు. ఈ సంద‌ర్భంలో ఆయ‌న త‌డ‌బాటును గ‌మ‌నిస్తే ప‌ద‌విని మ‌న‌స్ఫూర్తిగా వ‌దులుకోలేద‌ని చెప్పొచ్చ‌ని కొంత‌మంది విశ్లేషిస్తున్నారు. 2019 ఎన్నిక‌ల్లో వైకాపా త‌ర‌ఫున శ్రీశైలం ఎమ్మెల్యే టిక్కెట్ ఇస్తామ‌న్న హామీ జ‌గ‌న్ ఇచ్చార‌ని తెలుస్తోంది. దీంతో చ‌క్ర‌పాణి కాస్త ఊర‌ట చెందార‌నీ చెబుతున్నారు. ఏదేమైనా, ప‌ద‌వి వ‌దుల‌కోవ‌డం అనేది ఆషామాషీ వ్య‌వ‌హారం కాదు. టీడీపీకి స‌వాల్ గా నిలిపేందుకు చ‌క్ర‌పాణితో ప‌ద‌వీ త్యాగం చేయించార‌నే అభిప్రాయం రాజ‌కీయ వ‌ర్గాల్లో వినిపిస్తోంది. ఆయ‌న ఏ ర‌కంగా ప‌ద‌వీ త్యాగం చేసినా… అధికార పార్టీ ముందు ఓ స‌వాలును ఉంచిన‌ట్టే అయింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రివ్యూ : మాస్ట్రో

మంచి క‌థ‌ని ఎంత చెత్త‌గా తీసినా చూడొచ్చు చెత్త క‌థ‌ని ఎంత బాగా చెప్పాల‌నుకున్నా చూడ‌లేం - అన్న‌ది సినిమా వాళ్లు న‌మ్మే మాట. అందుకే మంచి క‌థ‌లు ఎక్క‌డైనా స‌రే చ‌లామ‌ణీ అయిపోతుంటాయి....

ల‌వ్ స్టోరీ కోసం చిరంజీవి

నాగార్జున‌తో చిరంజీవికి ఉన్న అనుబంధం ప్ర‌త్యేక‌మైన‌ది. ఈ విష‌యం చాలా సంద‌ర్భాల్లో రుజువైంది. నాగార్జున `వైల్డ్ డాగ్` స‌మ‌యంలో చిరు ప్ర‌త్యేక‌మైన అభిమానంతో ఆ సినిమాని ప్ర‌మోట్ చేశాడు. నాగ‌చైత‌న్య‌,...

ఏపీలో ఇళ్ల రుణాల వన్‌టైం సెటిల్మెంట్ పథకం !

ఆంధ్రప్రదేశ్ ముఖ్యమంత్రి జగన్మోహన్ రెడ్డి ఏపీలో ప్రజలను ఇళ్ల రుణాల నుంచి విముక్తుల్ని చేయాలని నిర్ణయించారు. హౌసింగ్ లోన్ల భారంతో కట్టలేకపోయిన 46 లక్షల మందిని గుర్తించారు. వారందరికీ వన్ టైం...

చిన్నారి హత్యాచార నిందితుడి “ఆత్మహత్య” శిక్ష!

రాజకీయ వివాదంగా మారిన సింగరేణి కాలనీలో చిన్నారిపై హత్యాచారం ఘటనలో నిందితుడు చివరికి "ఆత్మహత్య" శిక్షకు గురయ్యాడు. రాజు అనే ఆ నిందితుడి మృతదేహాన్ని రైలు పట్టాలపై గుర్తించారు. ఘట్...

HOT NEWS

[X] Close
[X] Close