జ‌న్మ‌భూమి క‌మిటీలతో టీడీపీకి కొత్త త‌ల‌నొప్పి!

జ‌న్మ‌భూమి క‌మిటీల‌ను ఎంతో ప్ర‌తిష్ఠాత్మ‌కంగా భావించి అప్ప‌ట్లో టీడీపీ నియ‌మించింది. అయితే, ఇప్పుడు క‌మిటీల ప‌నితీరు ప్ర‌భుత్వం ప‌రువును బ‌జారుకు ఈడ్చేలా చేస్తోంద‌ని అధికార పార్టీ ఒప్పుకున్న‌ట్ట‌యింది! క‌మిటీల పనితీరుపై ఈ మ‌ధ్యా వ‌రుస‌గా ఫిర్యాదులు అందుతున్నాయ‌ట‌. ప్ర‌భుత్వం అమ‌లు చేస్తున్న సంక్షేమ ప‌థ‌కాల కేటాయింపుల్లో స్వార్థ‌పూరితంగా వ్య‌వ‌హ‌రిస్తున్నార‌నీ, అస్మ‌దీయుల‌కే ప్ర‌భుత్వ ఫ‌లాలు అందేలా చేస్తున్నార‌నే విమ‌ర్శ‌లు గుప్పుమ‌న్నాయి. దీంతో ముఖ్య‌మంత్రి నారా చంద్ర‌బాబు నాయుడు క‌మిటీలపై ప్ర‌త్యేక దృష్టి సారించి, స‌మ‌గ్ర స‌ర్వే చేయించిన‌ట్టు చెబుతున్నారు. ప్ర‌భుత్వం ప‌రువు తీసే స్థాయిలో క‌మిటీల ప‌నితీరు ఉంటోంద‌ని స‌ద‌రు స‌ర్వేలో తేలిన‌ట్టు స‌మాచారం. దీంతో ఇప్పుడున్న జ‌న్మ‌భూమి క‌మిటీల‌ను ఒక్క క‌లం పోటుతో సీఎం ర‌ద్దు చేశారు. వీటి స్థానంలో కొత్త క‌మిటీలు వేస్తార‌ని చెబుతున్నారు. సీఎం నిర్ణ‌యంతో 12 వేల క‌మిటీల‌ను ఒకేసారి ర‌ద్దు చేసిన‌ట్ట‌యింది.

గ‌డ‌చిన ఎన్నిక‌ల్లో అధికారంలోకి రావ‌డానికి టీడీపీ ఎంతో శ్ర‌మించిన సంగ‌తి తెలిసిందే. ప‌దేళ్లుగా ప్ర‌తిప‌క్షంలో ఉన్నా కూడా పార్టీ కోసం పాటుప‌డ్డ కార్య‌క‌ర్త‌ల‌కు ప‌ద‌వులు క‌ల్పించాల‌న్న సంక‌ల్పంతో పెద్ద ఎత్తున జ‌న్మ‌భూమి క‌మిటీల‌ను సీఎం ఏర్పాటు చేశారు. వీటిని వేసి మూడేళ్లు దాటుతున్నా ప‌నితీరు ఏమాత్రం సంతృప్తిక‌రంగా లేద‌ట‌! ప‌రిస్థితిని చ‌క్క‌దిద్దేందుకు ప్ర‌య‌త్నించినా… క‌మిటీల ప‌నితీరులో ఏమాత్రం మార్పు రాలేదు. అంతేకాదు, చాలా క‌మిటీల్లో స‌భ్యులు అతిగా ప్ర‌వ‌ర్తించ‌డం మొద‌లుపెట్టార‌నే ఫిర్యాదులు పెరిగాయి. పెన్ష‌న్లు, ఇత‌ర సంక్షేమ ప‌థ‌కాల‌ను ప్ర‌భుత్వం ప్ర‌జ‌లంద‌రి కోసం అమ‌లు చేస్తుంటే… అవ‌న్నీ ముందుగా త‌మ‌వారికే ద‌క్కాల‌న్న ఉద్దేశంతో క‌మిటీల సిఫార్సులు ఎక్కువైపోయాయ‌ట‌. దీంతో చాలామంది అన‌ర్హుల‌కు పింఛెన్లు లాంటివి ద‌క్క‌డంతోపాటు, అర్హులైన సామాన్య ప్ర‌జ‌ల‌కు సంక్షేమ ప‌థ‌కాలు అంద‌డం లేద‌నే విమ‌ర్శ‌లు పెరిగాయి. స్థానిక ఎమ్మెల్యేలు కూడా క‌మిటీ స‌భ్యుల‌ను ఏమీ అన‌లేని ప‌రిస్థితి. దీంతో, ఇంకా ఉపేక్షిస్తూపోతే అధికార పార్టీ ప‌రువు పోయేట్టుగా ఉంద‌నే ఉద్దేశంతో ఒకేసారి అన్నింటినీ ముఖ్య‌మంత్రి ర‌ద్దు చేశారు.

అయితే, ఒకేసారి 12 వేల క‌మిటీల‌ను ర‌ద్దు చేయ‌డం ద్వారా కార్య‌క‌ర్త‌ల్లో కొంత అసంతృప్తి వ్య‌క్త‌మయ్యే అవ‌కాశం ఉంద‌ని టీడీపీ వ‌ర్గాల్లో చ‌ర్చ జ‌రుగుతోంది. స‌రిగ్గా ప‌నిచేయ‌నివారిని గుర్తించి, వారి వ‌ర‌కే చ‌ర్య‌లు ప‌రిమితం అయితే మిగ‌తావారికి గుణపాఠంగా ఉండేద‌ని ఆ పార్టీ వ‌ర్గాలే అంటున్నాయి. కొత్త క‌మిటీలు అయినా స‌రిగా ప‌నిచేస్తాయా లేదా అనేది వేచి చూడాలంటూ కొంత‌మంది టీడీపీ నేత‌లు అభిప్రాయ‌ప‌డుతున్నారు. మొత్తానికి, జన్మ‌భూమి క‌మిటీలు టీడీపీ స‌ర్కారుకి బాగానే త‌ల‌నొప్పులు తెచ్చాయి!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

‘టిల్లు స్వ్కేర్’ రివ్యూ: మ్యాజిక్ రిపీట్స్

Tillu Square movie review తెలుగు360 రేటింగ్ : 3/5 కొన్ని పాత్ర‌లు, టైటిళ్లు... ఆయా న‌టీన‌టుల కెరీర్‌ల‌కు బ్రాండ్ అంబాసిడ‌ర్లుగా మారిపోతుంటాయి. 'డీజే టిల్లు' అలాంటిదే. ఈ సినిమా 'మామూలు' సిద్దు జొన్న‌ల‌గ‌డ్డ‌ని 'స్టార్...

HOT NEWS

css.php
[X] Close
[X] Close