బెజవాడలో టీడీపీ వర్సెస్ టీడీపీ గ్రూప్ తగాదాలు

విజయవాడలో టీడీపీ నాయకులు .. ఎన్నికలకు ముందే ఆ పార్టీని ఓడగొడుతున్నారు. అధికార పార్టీ దూకుడుని తట్టుకుని ఎంతో కొంత గెలుపు చాన్స్ ఉందని అనుకుంటున్న బెజవాడ నేతలు.. పోలింగ్ కు నాలుగు రోజుల ముందు రోడ్డున పడ్డారు. ఎమ్మెల్సీ బుద్దా వెంకన్న, మాజీ ఎమ్మెల్యే బొండా ఉమ ప్రెస్ మీట్ పెట్టి.. కేశినేని నానిపై తీవ్రంగా విరుచుకుపడ్డారు. దీనికి కారణం.. చంద్రబాబు ఎన్నికల ప్రచారాన్ని విజయవాడలో చేయబోతున్నారు. ఆయన రూట్ మ్యాప్ హఠాత్తుగా మారింది. ఇలా మార్పించింది కేశినేని నానినే అని బుద్దా వెంకన్న, బొండా ఉమ రగిలిపోయారు. వెంటనే… బోండా ఉమా ఇంట్లో బుద్దా వెంకన్న, నాగుల్‌మీరా సమావేశం అయ్యారు. కేశినేని కావాలా..అందరూ కావాలా..చంద్రబాబు తేల్చుకోవాలని బోండా ఉమ అల్టిమేటం జారీ చేశారు. అంతే కాదు. చంద్రబాబు రోడ్‌షోలో కేశినేని పాల్గొంటే మేము పాల్గొనబోమని కేశినేని వ్యతిరేక వర్గంగా పేరు పడిన వారంతా తేల్చేశారు.

ఎంపీ కేశినేనేనిపై వెంకన్న, ఉమ తీవ్ర ఆరోపణలు చేశారు. టీడీపీని కేశినేని సొంత జాగీరుగా వాడుకుంటున్నారని.. కుల సంఘంగా మారుస్తున్నారని విమర్శలు గుప్పించారు. చంద్రబాబు మా అధినేత.. కేశినేని నాని మా హైకమాండ్ కాదన్నారు. కొద్ది రోజుల కిందట.. విజయవాడకు తానే హైకమాండ్‌ను అని కేశినేని చేసిన వ్యాఖ్యలకు వీరు కౌంటర్ ఇచ్చారు. పార్టీ కోసం మా పోరాటం..పదవుల కోసం కేశినేని నాని ఆరాటమని.. వైసీపీతో కుమ్మక్కయ్యారని ఆరోపించారు. విజయసాయిరెడ్డిని లంచ్‌కు పిలిచారన్నారు. కేశినేని నానిలా చీకటి రాజకీయాలు చేసే నైజం మాది కాదన్నారు. విజయవాడలో రెండు నియోజకవర్గాల్లో బుద్దా వెంకన్న, బొండా ఉమ బలమైన నేతలు కావడంతో.. కార్పొరేషన్ ఎన్నికల్లో వారి సహకారంపై అనుమానాలు ప్రారంభమయ్యాయి.

ఈ వివాదం ఒక్క సారిగా మీడియాలో సంచలనం సృష్టించడంతో… చంద్రబాబు వెంటనే జోక్యం చేసుకున్నారు. టెలికాన్ఫరెన్స్‌లో అందరితో మాట్లాడారు. అచ్చెన్నాయుడు, టీడీ జనార్ధన్‌, వర్ల రామయ్య విజయవాడ నేతలందరితో మాట్లాడారు. విబేధాలను పక్కనపెట్టి కలిసి పనిచేస్తామని.. శ్వేతను వెంట పెట్టుకుని ప్రచారానికి వెళ్తామని చంద్రబాబుకు చెప్పారు. చంద్రబాబు రోడ్ షోలో కేశినేని నాని పాల్గొన్నా.. తాము కూడా పాల్గొంటామని చెప్పుకొచ్చారు. తనకు వ్యతిరేకంగా బుద్దా వెంకన్న, బొండా ఉమ చేసిన వ్యాఖ్యలపై కేశినేని కూల్‌గా స్పందించారు. చంద్రబాబు చెబితే తక్షణమే రాజీనామా చేస్తానని.. రూట్ మ్యాప్ మార్పులో తన ప్రమేయం ఏమీ లేదన్నారు.

విజయవాడ టీడీపీ నేతలు ఇప్పుడు.. తమలో తాము పోటీ పడటానికే ఎక్కువ ప్రాధాన్యత ఇస్తున్నారు. వైసీపీ గురించి ఎక్కువగా చర్చించలేకపోతున్నారు. వైసీపీ నేతలు ఇదే అదనుగా.. టీడీపీలో వర్గపోరును హైలెట్ చేస్తున్నారు. వారిని గెలిస్తే.. ఎలా అభివృద్ది చేస్తారని ప్రశ్నిస్తున్నారు. అంతర్గతంగా పరిష్కరించుకోవాల్సిన అంశాలను.. టీడీపీ నేతలు మీడియాకు ఎక్కి రచ్చ చేసుకుంటున్నారు. అభ్యర్థులను మార్చాలనుకున్న కేశినేని.. దాన్ని .. చేయాల్సిన పద్దతిలో చేసి ఉంటే సమస్య వచ్చేది కాదు.. తానే హైకమాండ్‌ను అని ప్రకటించుకుని ఇష్టం వచ్చినట్లుగా చేసుకున్నారు. దాంతో తాము కూడా ప్రముఖ నాయకులమేననుకుంటున్న ఇతర నేతల అహం దెబ్బతిన్నది. అతి అంతకంతకూ పెరిగి.. చివరికి టీడీపీని వర్గ పోరాటానికి కేంద్రంగా మారింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

శ్రీవారిని ఒక్క సారీ దర్శించుకోని వైసీపీ అభ్యర్థి..!

తిరుపతి వైసీపీ అభ్యర్థి గురుమూర్తిపై భారతీయ జనతా పార్టీ నేతలు కొత్త కొత్త విషయాలు ప్రసారం చేస్తున్నారు. తిరుపతి ఎంపీ అభ్యర్థి ఇంత వరకూ ఒక్క సారంటే ఒక్క సారి కూడా తిరుమల...

కోల్‌కతా ఓడిపోవడానికే ఆడినట్లుందే..!?

ఎవరైనా మ్యాచ్‌లు ఎందుకు ఆడతారు..? గెలవడానికే ఆడతారు. కానీ ఓడిపోవడానికే ఆడితే ఎలా ఉంటుంది..?. నిజంగా ఓడిపోవడానికి ఎవరూ ఆడరు..కానీ మంగళవారం నాటి ముంబై, కోల్‌కతా మ్యాచ్ చూస్తే రెండు జట్లు ఓడిపోవడానికి...

ఆ ప్రాజెక్ట్ చూస్తామంటే కుదరదంటోన్న ఏపీ..!

ఓ ప్రాజెక్ట్‌ను చూడటానికి వస్తామని కృష్ణాబోర్డు అంటోంది. చూసేందుకు కూడా ఒప్పుకోబోమని.. ఏపీ సర్కార్ తేల్చి చెబుతోంది. కృష్ణా బోర్డు మాత్రం.. అదే పనిగా తాము వస్తున్నామని తేదీ ఖరారు చేసి ఏపీ...

ఏపీలోనే ధరలెక్కువ..! ఎందుకని..?

సాధారణంగా నిత్యావసర వస్తువుల ధరలు ఎక్కడ ఎక్కువగా ఉంటాయి..? పట్టణాల్లో .. నగరాల్లో ఉంటాయి. గ్రామీణ ప్రాంతాల్లో దేశంలో అన్ని ప్రాంతాల్లో ఉన్న సాధారణ రేట్లే ఉంటాయి. కానీ ఆంధ్రప్రదేశ్‌లో మాత్రం.. నిత్యావసర...

HOT NEWS

[X] Close
[X] Close