తేజ – కాజల్ ది హిట్ కాంబినేషన్. ల‌క్ష్మీ క‌ల్యాణంతో కాజల్ కి లైఫ్ ఇచ్చాడు తేజ. నేనే రాజు నేనే మంత్రితో తేజ‌కి హిట్ ఇచ్చింది కాజల్. ఆ త‌ర‌వాత `సీత`లోనూ… కాజ‌లే క‌థానాయిక. అలా.. ఈ కాంబో లో హ్యాట్రిక్ సినిమాలొచ్చాయి. తాజాగా `అలివేలు వెంక‌ట‌ర‌మ‌ణ`. వెంక‌ట‌ర‌మ‌ణ‌గా గోపీచంద్ ఫిక్స‌య్యాడు. అలివేలు కావాలి. ఆ పాత్ర‌కు కాజల్ మొద‌టి ఛాయిస్‌. అయితే కాజల్ తో ప‌నిచేసీ ప‌నిచేసీ తేజ‌కు బోర్ కొట్టిన‌ట్టుంది. కొన్ని ఆప్ష‌న్లు చూశాడు. కీర్తి సురేష్‌, అనుష్క, ర‌కుల్ ప్రీత్ సింగ్‌.. ఇలా చాలా ప్ర‌త్యామ్నాయాలు అట్టి పెట్టుకున్నాడు. ఈ ముగ్గురిలో ఒకరు ఖాయం అనుకుంటున్న ద‌శ‌లో… తేజ మళ్లీ కాజల్ కే ఓటేసిన‌ట్టు తెలుస్తోంది. కీర్తి చేతిలో చాలా ప్రాజెక్టులున్నాయి. ఇప్పుడు త‌ను బాగా బిజీ. అనుష్క సినిమాలు చేయ‌డానికి అంతగా స‌ముఖ‌త వ్య‌క్తం చేయ‌డం లేదు. ఇక గోపీచంద్ – ర‌కుల్‌ల కాంబినేషన్ పాత‌దే. ఇది వ‌ర‌కే జ‌నాలు ఈ కాంబో చూశారు. దాంతో పోలిస్తే గోపీచంద్ -కాజల్ కాంబినేషన్ కాస్త ఫ్రెష్ గా ఉంటుంది. అందుకే… చివ‌రికి మళ్లీ కాజల్ నే ఎంచుకున్న‌ట్టు స‌మాచారం. ఆగ‌స్టులో ఈ చిత్రం లాంఛ‌నంగా ప్రారంభం అవుతుంది. ప‌రిస్థితులు అనుకూలిస్తే – రెగ్యులర్ షూటింగ్ కూడా మొద‌లెట్టాల‌ని భావిస్తున్నాడు తేజ.
మళ్లీ కాజల్ ద‌గ్గ‌రే ఆగిన తేజ
