తెలకపల్లి రవి : డిల్లీ యాత్ర టీజరే- డిసెంబర్‌ 11 తర్వాత అసలుసినిమా

తెలుగుదేశం అధినేత చంద్రబాబు నాయుడు ఢిల్లీ యాత్ర రాహుల్‌తో మరికొందరు జాతీయ ప్రతిపక్ష నేతలతో భేటీపై రకరకాల వాదనలు నడుస్తున్నాయి. రాజకీయ వ్యతిరేకులు కాంగ్రెస్‌తో కలయిక అవకాశమంటుంటే మోడీ ప్రభుత్వ పోకడలను విమర్శించే వారు ఇది ఇప్పటి పరిస్థితులకు తగినట్టే వుందంటున్నారు. అయితే అసలు సంగతి ఏమంటే ఇప్పుడు వేసింది మొదటి అడుగు మాత్రమేనని టిడిపి సీనియర్‌ నాయకులే అంటున్నారు. తమ నేతకు అలవాటైన ప్రకారమే అప్పుడే అతి ప్రచారం చేసుకోవడం సరికాదని వారు వ్యాఖ్యానిస్తున్నారు. అసలు సంగతి డిసెంబర్‌ 11 తర్వాత గాని తేలదు. ఆ రోజున అయిదు రాష్ట్రాల శాసనసభ ఎన్నికల ఫలితాలు వస్తాయి. వాటిలో ఎవరు ఏ మేరకు విజయాలు సాధిస్తారనే దానిపై భవిష్యత్‌ పరిణామాలు ఆధారపడి వుంటాయని ఒక నాయకుడు స్పష్టం చేశారు. ఒక వేళ బిజెపి గనక కొంతవరకు పట్టు నిలబెట్టుకుంటే మాతో వచ్చేవారు వెనకడుగు వేయొచ్చు. కాంగ్రెస్‌కు ఈ ఎన్నికలు మరింత కీలకం. వారు గనక రెండు మూడు రాష్ట్రాలు తెచ్చుకోలేకపోతే కోలుకోవడం తేలిక కాదు. అప్పుడు మేము ఎన్ని తంటాలు పడినా ప్రయోజనం వుండదు. మోడీ వైపు మొగ్గు పెరగొచ్చు కాంగ్రెస్‌ ఏ మాత్రం మంచి ఫలితాలు సాధించినా అందరినీ కలిసే పని మా బాస్‌ చేయగలడు అని ఆ నాయకుడు వివరించారు.

అయితే జాతీయ రాజకీయాలు ఎలా పరిణమించినా రాష్ట్రంలో మాత్రం తాము కాంగ్రెస్‌తో కలసి వ్యవహరించవచ్చునని టిడిపి నేతలు చెబుతున్నారు. అయితే కలసి పోటీ చేస్తే తమకు కేటాయించిన చోట్ల కూడా తన అభ్యర్తులను ఎంపిక చేయించగల సత్తా చంద్రబాబుకు వుందని ఎపిసిపి నేతలు భయపడుతున్నారట. పైగా టిడిపి రాజకీయ నేపథ్యం విభజనకు సంబంధించి కాంగ్రెస్‌పై గతంలో వున్న ఆగ్రహం కారణంగా ప్రజలు ఈ కలయికను స్వీకరిస్తారా అని సందేహాలు కూడ వున్నాయి. ఇప్పటికే మాజీ మంత్రి వట్టి వసంత కుమార్‌ లాటి వార రాజీనామా చేచేశారు. కాని చింతా మోహన్‌ గౌతం వంటి వారు ఆహ్వానిస్తున్నారు. టిడిపిలో ఎష్‌సిటెస్‌టి లాబీ టిడిపికి అనుకూలంగా పనిచేస్తున్నట్టు టైమ్స్‌ ఆఫ్‌ ఇండియా ఒక కథనం ఇచ్చింది. నిన్న చెప్పుకున్నట్టు చంద్రబాబుకు ముఖ్యంగా కావలసింది ఎపిలో అధికారం గనక ఆ మేరకు ఎలాగో ఒప్పించగలుగుతారని ఆ పార్టీ వర్గాలు ఆశగా వున్నాయి. జాతీయంగా ఎన్నికల తర్వాత ఎవరు ఎటు పోయినా ఇన్ని మలుపుల తర్వాత తాము ఈ సారి బిజెపికి చేరువ కాకూడదనే టిడిపి నేతలు చంద్రబాబుకు గట్టి గా చెబుతున్నట్టు తెలిసింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

నీల‌కంఠ‌తో రాజ‌శేఖ‌ర్‌

షో సినిమాతో ఆక‌ట్టుకున్నాడు నీల‌కంఠ‌. మిస్స‌మ్మ త‌న‌కు మంచి గుర్తింపు తెచ్చింది. ప‌లు అవార్డులు అందించింది. దాంతో క్లాస్ ద‌ర్శ‌కుడిగా గుర్తింపు తెచ్చుకున్నాడు. చాలా కాలంగా నీల‌కంఠ ఖాళీగా ఉన్నాడు. అయితే.. ఇప్పుడు...

అపెక్స్ భేటీలో ఏపీ, కేంద్రం నోళ్లు మూయిస్తాం: కేసీఆర్

ఆంధ్రప్రదేశ్ ప్రభుత్వంపై కేసీఆర్ అసహనం వ్యక్తం చేశారు. స్నేహహస్తం చాచినా.. కావాలని కయ్యం పెట్టుకుంటోందని మండిపడ్డారు. ఈ విషయంలో కేంద్ర విధానాలు కూడా సరిగ్గా లేవన్నారు. అపెక్స్ కౌన్సిల్ సమావేశంలో అనుసరించాల్సిన వైఖరిని...

13 నెలల్లో 13 జిల్లాలకు ఏం చేశారో చెబుతారా..?: చంద్రబాబు

ఐదేళ్ల పాలనలో 13 జిల్లాలకు తెలుగు దేశం హయాంలో ఏం చేశామో.. ఎలా అభివృద్ది వికేంద్రీకరణ చేశామో... టీడీపీ అధినేత చంద్రబాబు మీడియాకు వివరించారు. పదమూడు నెలల్లో...వైసీపీ సర్కార్ ఏం చేసిందో...

మీడియా వాచ్‌: తీవ్ర సంక్షోభంలో ‘ఈనాడు’

తెలుగులో అగ్ర‌గామి దిన‌ప‌త్రిక ఈనాడు. ద‌శాబ్దాలుగా నెంబ‌ర్ వ‌న్‌గా చ‌లామణీ అవుతోంది. అయితే... క‌రోనా నేప‌థ్యంలో నెంబ‌ర్ వ‌న్ సంస్థ సైతం తీవ్ర సంక్షోభాన్ని ఎదుర్కొంటోంది. క‌రోనా ఉప‌ద్ర‌వానికి ముందు ఈనాడు...

HOT NEWS

[X] Close
[X] Close