తెలకపల్లి రవి : భావి నాయకుడు.. పితృవాక్య పాలకుడేనట

తెలంగాణ రాజకీయ పరిణామాలను మరీ ముఖ్యంగా ఎన్నికల ప్రకటన అనంతర పరిస్థితులను పరిశీలించేవారెవరికైనా టిఆర్‌ఎస్‌ పార్టీలోనూ ప్రభుత్వంలోనూ మంత్రి కెటిఆర్‌ స్థానం సుస్థిరమైందని అర్థమవుతుంది. మళ్లీ అధికారంలోకి వస్తే ఆయన వెంటనే కాకున్నా కొన్నాళ్లకైనా ముఖ్యమంత్రి అవుతారన్న వాతావరణం కెసిఆర్‌ సృష్టించారన్నది కాదనలేని నిజం. దానికి సంబంధించి మరో సీనియర్‌ నాయకుడు హరీష్‌రావు పట్ల మొదట్ల్తో ఉపేక్ష చూపడం తర్వాత సర్దుకోవడం కూడా జరిగిపోయాయి. అయితే దీనికి రెండవ కోణం కూడా చూడాలని టిఆర్‌ఎస్‌ వర్గాలు చెబుతున్నాయి. ఒకప్పుడు టిడిపిలో నాదెండ్ల భాస్కరరావు, చంద్రబాబు, దగ్గుబాటి వంటివారు నాయకత్వంలో కోసం పోటీ పడిన పరిస్థితి ఇప్పుడు టిఆర్‌ఎస్‌లోనూ వచ్చేసిందని వారు అంటున్నారు. కెసిఆర్‌ ఏకపక్ష శైలి దానికి ఒక కారణమైనా పైకి లోబడి వున్నట్టు కనిపించే వీరంతా తమను కూడా కీలక నేతలుగా పరిగణించుకుంటున్నారట. ఎన్నికలలో వివిధ స్థానాలలో అభ్యర్థులపై కూడా సూచనలు చేశారట. అయితే కెసిఆర్‌ మాత్రం ఎలాటి సాహసాలు చేయకుండా ప్రస్తుత ఎంఎల్‌ఎలు, గతంలో పోటీ చేసిన వారు, హామీలతో ఇతర పార్టీల నుంచి చేర్చుకున్నవారు అనే ప్రకారమే జాబితా విడుదల చేశారు. ముగ్గురు నలుగురినే మార్చారు. ఆ నిర్ణయం కూడా దాదాపు తనే తీసుకున్నారు. ఈ హఠాత్పరిణామం ఆశ్చర్యం కలిగించినా కెటిఆర్‌ మాత్రమే సర్దుకుని ప్రచారంలో దిగిపోయారు. మిగిలిన వారికి తాము చెప్పిన ఒకరికైనా చోటు కల్పించలేదన్న వాస్తవం జీర్ణించుకోవడం కష్టమైంది. చెప్పి టికెట్‌ ఇప్పిస్తామని ఇంతకాలం తిప్పుకున్న నేతల ముందు తలతీసేసి నట్టయిందని వారి గగ్గోలు. కాని కెసిఆర్‌ లెక్క వేరు. అప్పుడే అందరి మాట వినడం మొదలుపెడితే తనే సమాంతర శిబిరాలను ప్రోత్సహించినట్టు అవుతుందని జాగ్రత్త పడ్డారు. రాజకీయ అనుకూలతపైనే జయాపజయాలు ఆధారపడివుంటాయని ఆయన నిశ్చితాభిప్రాయంతో వుంటారు.

తమ అవకాశాలు అతిగా అంచనా వేసుకోవడం లేదు గనకే పకడ్బందీగా అన్ని చోట్లకు తిరగాలని ప్రణాళిక వేసుకున్నారు. కెటిఆర్‌ ఇప్పటికే అక్కడ సభలు పెట్టి రంగం సిద్ధం చేస్తున్నారు. నాటి తారక రాముడి లాగానే ఇప్పుడు ఈయన కూడా పితృవాక్య పరిపాలకుడుగా నిలిచాడని అనుయాయులు ఘనంగా చెబుతున్నారు. అది పాలక పక్షంలో ఆయన స్థానం మరింత బలోపేతం చేస్తుంది. అయితే కెటిఆర్‌ తనదైన క్లాస్‌ శైలి వదలిపెట్టి మాస్‌ శైలికి దిగిపోవడంపై మాత్రం కొంత సణుగుడు వుంది. అది తండ్రికి వదిలేసి తను తనలాగే మాట్టాడితే బావుంటుందని ఒకరిద్దరు అభిప్రాయపడ్డారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

త‌మ‌న్ సంగీత సార‌థ్యంలో యూఎస్‌లో బిగ్గెస్ట్ మ్యూజిక‌ల్ షోను ఏర్పాటు చేసిన హంసిని ఎంట‌ర్‌టైన్‌మెంట్‌

త‌మ‌న్ సంగీత సార‌థ్యంలో యూఎస్‌లో  'అలా అమెరికాపురములో..` పేరుతో బిగ్గెస్ట్ మ్యూజిక‌ల్ షోను ఏర్పాటు చేసిన  హంసిని ఎంట‌ర్‌టైన్‌మెంట్‌. సెన్సేష‌న‌ల్ కాన్స‌ర్ట్స్ ఏర్పాటుచేయ‌డంలో అగ్రగామిగా ఉన్న హంసిని ఎంట‌ర్‌టైన్‌మెంట్‌ ఈ సంవత్సరం టాలీవుడ్ మ్యూజిక్...

శ్రీ‌నువైట్ల మ‌ల్టీస్టార‌ర్… ‘డ‌బుల్స్‌’

వ‌రుస హిట్లు ఇచ్చిన శ్రీ‌నువైట్ల‌.. ఇప్పుడు వ‌రుస ఫ్లాపుల‌ను మోస్తున్నాడు. అయినా స‌రే, మళ్లీ త‌న‌దైన ముద్ర వేయ‌డానికి త‌ప‌న ప‌డుతున్నాడు. అందులో భాగంగా `ఢీ అండ్ ఢీ` తీస్తున్నాడు. `డ‌బుల్ డోస్‌`...

జనసేనను మరోసారి కించ పర్చిన ఏపీ బీజేపీ..!

పవన్ కల్యాణ్‌కు కేంద్రంలో మంత్రి పదవి అని ఢిల్లీ నుంచి బీజేపీ లీకులు ఇస్తూ గిలిగింతలు పెడుతోంది కానీ.. అసలు విషయం మాత్రం అసలు జనసేనను లెక్కలోకి తీసుకోవడం లేదు. ముఖ్యంగా ఏపీ...

ఏపీ సర్కార్‌ను అప్పులు చేయనివ్వొద్దని మోడీకి రఘురామ లేఖ..!

ఆంధ్రప్రదేశ్ ఆర్థిక పరిస్థితి అప్పుల మీద నడుస్తోంది. నెలకు రూ. ఆరేడు వేల కోట్లు అప్పులు ఎలాగోలా తెచ్చుకోకపోతే.. ఆ నెల దివాలా ప్రకటించాల్సిన పరిస్థితి. ఆ అప్పులు కూడా రాకుండా చేయాలని...

HOT NEWS

[X] Close
[X] Close