తెలంగాణలో కరోనా పాజిటివ్ కేసులు అంతకంతకూ పెరుగుతున్నాయి. శనివారం రోజు.. ఈ సంఖ్య 43కి చేరింది. వివిధ జిల్లాల్లో ఢిల్లీ మర్కజ్‌కు వెళ్లి వచ్చిన వారు.. వారి పాజిటివ్ కేసులు కలిపి… వారితో కాంటాక్ట్‌లో ఉన్న వారికి ఈ వైరస్ సోకింది. ఆదిలాబాద్ నుంచి నల్లగొండ వరకూ.. పాజిటివ్ కేసులు తేలిన వారు ఉన్నారు. వరంగల్‌లోనూ పెద్ద ఎత్తున పాజిటివ్ కేసులు బయటపడ్డాయి. ఇప్పటి వరకూ.. గ్రేటర్ హైదరాబాద్ పరిధిలోనే 90 శాతం వరకూ పాజిటివ్ కేసులు బయటపడుతూ వచ్చాయి. మర్కజ్‌కు వెళ్లి వచ్చిన వారి వల్ల జిల్లాల్లోనూ ఈ సంఖ్య అంతకంతకూ పెరుగుతోంది. శుక్రవారం రోజు.. 75 పాజిటివ్ కేసులు నమోదు అయ్యాయి. ఇప్పటి వరకూ 32 మంది కి కరోనా నయం అయింది.
దేశం మొత్తం తబ్లిగీ జమాత్ కార్యక్రమానికి వెళ్లిన వారి కారణంగానే… పాజిటివ్ కేసులు పెరిగిపోతున్నాయి. దేశంలో అత్యధికంగా పాజిటివ్ కేసులు ఉన్న మహారాష్ట్రలో శనివారం మరో 47 మందికి కరోనా సోకినట్లు గుర్తించారు. వీరందరూ తబ్లిగీ జమాత్ కార్యక్రమానికి వెళ్లిన వారే. తమిళనాడు, కర్ణాటకల్లోనూ.. అత్యధికంగా తబ్లిగీలకే పాజిటివ్ గా తేలుతోంది. దేశవ్యాప్తంగా కరోనా మూడు వేల పాజిటివ్ కేసులు దాటిపోయింది. మృతుల సంఖ్య వందకు చేరువ అవుతోంది. మరో వైపు ప్రధానమంత్రి దేశంలోని పరిస్థితులపై విపక్షాలతో చర్చించాలని అనుకుంటున్నారు.
ఎనిమిదో తేదీన అఖిలపక్ష సమావేశాన్ని.. ఏర్పాటు చేశారు. వీడియో కాన్ఫరెన్సింగ్ ద్వారా జరగనున్న ఈ భేటీలో.. లాక్ డౌన్ అనంతర పరిస్థితుల్ని చర్చిచే అవకాశం ఉంది. తబ్లిగీలు తప్ప.. ఇతర పాజిటివ్ కేసులు పూర్తిగా తగ్గిపోయినందున.. లాక్ డౌన్ రిలాక్సేషన్ ఇస్తే ఎలా ఉంటుందన్నదానిపై విపక్షాల సూచలను ప్రధాని తీసుకునే అవకాశం ఉందంటున్నారు.
