వ్యతిరేకులంతా జంప్ – టీ కాంగ్రెస్‌ కింగ్ రేవంతే !

తెలంగాణ కాంగ్రెస్ నుంచి వెళ్లిపోవాలనుకుంటున్న నేతలు రేవంత్ రెడ్డిని తిట్టిన తిట్టి తిట్టకుండా తిట్టిపోతున్నారు. వారి బాధ.. ఆవేశం అన్నీ ఆయన వచ్చిన తర్వాత తమకు ప్రాధాన్యం లేదనే బాధే. తమకు రావాల్సిన స్థానాలను రేవంత్ లాక్కున్నారన్న బాధ కొందరిది.. సర్వేల పేరుతో టిక్కెట్లు ఇవ్వట్లేదనే ఆవేదన మరికొందరిది. ఇతర పార్టీల్లో అయితే చాన్స్ వస్తుంది కదా అని.. తమ రేంజ్‌లో ప్రతాపం చూపించి వెళ్తున్నారు. అయితే వారంతా రేవంత్‌కు మేలు చేస్తున్నారా ? కీడు చేస్తున్నారా ? అంటే.. బయటకు ఆయనపై దాడి చేస్తున్నామని అనుకుంటారు కానీ.. వారు చేస్తోంది మాత్రం రాజకీయంగా మేలే.

కాంగ్రెస్ పార్టీలో ఇప్పుడు రేవంత్ రెడ్డి కీలక నేత. ఆయన వ్యతిరేక వర్గం కూడా బలంగానే ఉంది. వారంతా సీనియర్లు. అయితే వారంతా ఒక్కొక్కరుగా బయటకు వెళ్లిపోతున్నారు. బయటకు వెళ్లినా తాము నిలబడగమనుకున్న నేతలు .. ధైర్యం చేస్తున్నారు. చాన్సులు రావనుకున్న వారూ వెళ్లిపోతున్నారు. వారు వెళ్లిపోవడం వల్ల రేవంత్‌లో పార్టీలో ఎదురు లేకుండా పోతుంది. ఎవరూ నోరెత్తలేదు. అంటే పార్టీ ఆయన గుప్పిట్లోకి వెళ్లిపోతోంది. ఇప్పటికే అది జరుగుతోంది. ఇంకా జగ్గారెడ్డి లాంటి ఒకరిద్దరు నేతలు ఉన్నారు. వారూ రేపోమాపో బయటకు వెళ్లక తప్పని పరిస్థితి ఏర్పడుతుంది.

కోమటిరెడ్డి వెంకటరెడ్డి కూడా అమిత్ షాతో భేటీ కావడం.. ఆయన కూడా బీజేపీలో చేరికపై ఆసక్తి చూపడంతో.. ఇక కోమటిరెడ్డి వెంకటరెడ్డి కూడా పార్టీలో ఉన్నా లేనట్లే. అయన పార్టీ నుంచి వెళ్లడం ఖాయం. ఇప్పుడురేవంత్ రెడ్డికి ఎదురు లేకుండా పోయింది. ఇంతకు ముందు నల్లగొండ జిల్లాలో అడుగు పెట్టాలంటే రేవంత్ సంకోచించేవారు. కానీ ఇప్పుడు బహిరంగసభ పెట్టి ఆ లీడర్లు లేకపోయినా వచ్చే జనానికి లోటేమీ ఉండదని నిరూపించారు. చండూరు సభను పెట్టాలని మూడు రోజుల్లో నిర్ణయించి.. అంత పెద్ద ఎత్తున జన సమీకరణ చేయడం రేవంత్ కే సాధ్యమయింది.

తెలంగాణ కాంగ్రెస్‌కు మరో ఇద్దరు ముగ్గురు నుంచి చికాకులు తప్పకపోవచ్చు. కానీ మిగతా పార్టీ అంతా తప్పనిసరిగా రేవంత్ నాయకత్వాన్ని బలపర్చాల్సిందే. రేవంత్‌కు పోటీగా ఉంటాలనుకున్న నేతలంతా పార్టీకి గుడ్ బై చెబుతున్నందున ఆయనకు కాంగ్రెస్‌లో తిరుగు లేకుండా పోతుంది. ఇది రేవంత్‌కు మేలు చేయడమే అవుతుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఇండిపెండెన్స్ డే స్పీచ్‌లోనూ కేంద్రంపై కేసీఆర్ విమర్శలు !

తెలంగాణ సీఎం కేసీఆర్ ఇండిపెండెన్స్ డే వేడుకల సందర్భంగా జాతీయ పతాకం ఆవిష్కరించిన తర్వాత చేసిన ప్రసంగంలోనూ కేంద్రంపై విమర్శలు చేశారు. స్పీచ్ చాలా వరకూ రాజకీయాంశాల జోలికి వెళ్లలేదు. కానీ...

ప్ర‌భాస్ ఫ్యాన్స్‌ని వెంటాడుతున్న `రెబ‌ల్‌` భ‌యం

స‌లార్ రిలీజ్ డేట్ ఫిక్స‌య్యింది. సెప్టెంబ‌రు 28, 2023న ఈ సినిమాని రిలీజ్ చేస్తామ‌ని నిర్మాత‌లు ప్ర‌క‌టించారు. దాంతో ప్ర‌భాస్ ఫ్యాన్స్ హ్యాపీ ఫీలైపోయారు. ఎందుకంటే ఇలాంటి అప్ డేట్ కోస‌మే వాళ్లు...

కులాల లెక్కలేసుకుంటే జనసేనకు 40 సీట్లొచ్చేవి : పవన్

కుల , మతాలు లేని రాజకీయం రావాలని జనసేన అధినేత పవన్ కల్యాణ్ ఆకాంక్షించారు. మంగళగిరిలో స్వాతంత్ర్య దినోత్సవ వేడుకల్లో జెండా ఆవిష్కరించిన తర్వాత మాట్లాడారు. ఈ సందర్భంగా కుల, మతాల...

‘స‌లార్’ అప్‌డేట్‌: రిలీజ్ డేట్ ఫిక్స్‌

ప్ర‌భాస్ ఫ్యాన్స్ ఎప్ప‌టి నుంచో.. ఎదురుచూస్తున్న అప్ డేట్ వ‌చ్చేసింది. 'స‌లార్‌' రిలీజ్ డేట్ ఫిక్స‌య్యింది. 2023 సెప్టెంబ‌రు 28న ఈ చిత్రాన్ని విడుద‌ల చేస్తున్న‌ట్టు చిత్ర బృందం అధికారికంగా ప్ర‌క‌టించింది. ఈ...

HOT NEWS

css.php
[X] Close
[X] Close