కరోనా బాధిత జర్నలిస్టు కుటుంబాలకు తెలంగాణ సర్కార్ అండ !

జర్నలిస్టుల సంక్షేమంలో మాటలు చెప్పడం కన్నా అంతో ఇంతో ఆచరణలో చూపిస్తోంది తెలంగాణ ప్రభుత్వం. గతంలో కరోనా బారిన పడిన జర్నలిస్టులకు రూ. ఇరవై వేల చొప్పున ఇచ్చిన ప్రభుత్వం.. ఆ మహమ్మారి బారిన పడి చనిపోయిన వారి కుటుంబాలకూ అండగా ఉంటోంది. కరోనాతో చనిపోయిన జర్నలిస్టుల కుటుంబాలకు రూ. రెండు లక్షలు.. ఇతర కారణాలతో చనిపోయిన జర్నలిస్టుల కుటుంబాలకు రూ. లక్ష చొప్పున ఆర్థిక సాయం చేయాలని నిర్ణయించారు. పదిహేనో తేదీన ప్రత్యేకంగా కార్యక్రమం ఏర్పాటు చేసి చెక్కులను పంపిణీ చేయనున్నారు.

జర్నలిస్టులు అందరికీ ఉపయోగపడే సంక్షేమ కార్యక్రమాల విషయంలో తెలంగాణ సర్కార్ కాస్తంత నిజాయితీగానే ఉంటోంది. డెస్క్ జర్నలిస్టులు సహా అందరికీ అక్రిడేషన్లు.. హెల్త్ కార్డులు కూడా ఇచ్చింది. కరోనా బారిన పడిన వారికి తక్షణ సాయం చేసింది. ఈ విషయంలో మీడియా అకాడమీ చైర్మన్‌గా ఉన్న అల్లం నారాయణ ప్రత్యేక శ్రద్ధ తీసుకుంటున్నారు. ప్రభుత్వం నుంచి నిధులు మంజూరు చేయించి విడుదల చేయిస్తున్నారు. దీర్ఘ కాలంగా ఉన్న హౌసింగ్ సొసైటీ సమస్య పరిష్కారం గురించే ఎక్కువ మంది మాట్లాడుతూంటారు కానీ ఇతర సంక్షేమం విషయంలో జర్నలిస్టుల విషయంలో తెలంగాణ సర్కార్ మెరుగ్గా వ్యవహరిస్తోందని చెప్పువచ్చు.

ఏపీ ప్రభుత్వం వైపు నుంచి కూడా ఇలాంటి సంక్షేమాన్నే ఆశిస్తున్నారు. కరోనా బారిన పడిన వారికి అక్కడి ప్రభుత్వం పైసా సాయం చేయలేదు. కరోనాతో చనిపోయిన వారికి రూ. ఐదు లక్షలు ఇస్తామన్న జీవో మాత్రం విడుదల చేశారు. కానీ ఇచ్చారో లేదో స్పష్టత లేదు. ఒక వేళ ఇస్తే.. తెలంగాణకు చెంది కూడా అక్కడి ప్రభుత్వానికి సలహాదారులుగా ఉన్న అమర్ లాంటి పెద్ద మనుషులు భారీ కార్యక్రమం పెట్టి సీఎంను వేనోళ్ల పొగిడి ఆ చెక్కులు ఇచ్చి ఉండేవారు. అంటే ఇవ్వలేదనుకోవాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీజేపీలో టిక్కెట్ ఇస్తారో లేదోనని విజయశాంతి అసంతృప్తి !

బీజేపీలోనూ విజయశాంతి ప్రశాంతంగా ఉండలేకపోతున్నారు. తనకు ప్రాధాన్యం దక్కడం లేదని కనీసం మాట్లాడే అవకాశం ఇవ్వడం లేదని ఆమె మీడియా ముందే వాపోయారు. తెలంగాణ కాంగ్రెస్ ప్రచార కమిటీ చైర్మన్‌గా ఉన్న విజయశాంతి...

చిరు బ‌ర్త్ డే గిఫ్టులు.. ఓ రేంజ్‌లో!

ఆగ‌స్టు 22న చిరంజీవి పుట్టిన రోజు. అందుకోసం చిరు ఫ్యాన్స్ ఆస‌క్తిగా ఎదురు చూస్తున్నారు. ఎందుకంటే ఈసారి బ‌ర్త్ డే గిఫ్టులు ఓ రేంజ్‌లో ఉండ‌బోతున్నాయి. చిరు న‌టిస్తున్న మూడు సినిమాలు ఇప్పుడు...

‘బింబిసార 2’.. టార్గెట్ ఫిక్స్‌!

'బింబిసార' త‌ర‌వాత పార్ట్ 2 వ‌స్తుంద‌ని చిత్ర‌బృందం ముందు నుంచీ చెబుతూనే ఉంది. కానీ ఎవ‌రికీ న‌మ్మ‌కాల్లేవు. 'ముందు బింబిసార 1 హిట్ట‌వ్వాలి క‌దా..' అనుకొన్నారు. తీరా చూస్తే `బింబిసార` సూప‌ర్ హిట్ట‌య్యిపోయింది....

గోరంట్ల వీడియోపై కాదు టీడీపీ ఫోరెన్సిక్ రిపోర్టుపై సీఐడీ విచారణ !

గోరంట్ల మాధవ్ న్యూడ్ వీడియోను సమర్థించేందుకు చివరికి ఏపీ సీఐడీ కూడా రంగంలోకి దిగింది. ప్రభుత్వం ఆ వీడియోను ఫోరెన్సిక్ టెస్ట్ చేయించేది లేదని తేల్చేయడంతో టీడీపీ నేతలు అమెరికాలోని ఎక్లిప్స్ అనే...

HOT NEWS

css.php
[X] Close
[X] Close