ఇంత జరిగాక, పాక్ తో సంబంధాలా ?!

ఫోకస్

ప్రధానమంత్రి మోదీ గత 18 నెలలుగా చేసిన శాంతి యత్నాలు పఠాన్ కోట్ టెర్రర్ ఎటాక్ సంఘటనతో పూర్తిగా తుడిచిపెట్టుకుపోయాయి. భారత్ ని శాంతి కాముక దేశంగా అభివర్ణిస్తూ, అంతర్జాతీయ వేదికలమీద లెక్చర్స్ ఇచ్చిన మోదీకి ఇప్పుడు గడ్డు సమస్య ఎదురైంది. భారత్ పాక్ సంబంధాలు కథ మళ్ళీ మొదటికే వచ్చినట్లయింది.

పంజాబ్ లోని పఠాన్ కోట్ లోకి చొరబడిన ఉగ్రవాదులను అంతమొందించడానికి మూడురోజులు గా కొనసాగిస్తున్న ఆపరేషన్ ముగిసినట్లు సోమవారం ప్రకటించారు. అయినప్పటికీ కూంబింగ్ ఆపరేషన్స్ మాత్రం కొనసాగిస్తనే ఉన్నారు. ఎయిర్ బేస్ లో దాక్కున్న ఇద్దరు ఉగ్రవాదులు కూడా హతమవడంతో మొత్తం ఆరుగురు ఉగ్రవాదులు అంతమైనట్లు ప్రకటించారు. ఈ సంఘటనలో ఏడుగురు భారతీయ సిబ్బంది కూడా ప్రాణాలు కోల్పోవలసి వచ్చింది. పఠాన్ కోట్ లోని ఎయిర్ బేస్ విధ్వంసమే లక్ష్యంగా ఉగ్రవాదులు ఈ దాడికి తెగించారు. ముంబయి టెర్రర్ ఎటాక్ తర్వాత ఈ సంఘటను అత్యంత తీవ్రమైన దాడిగా భావించవచ్చు. మరి ఈ నేపథ్యంలో ఇరుగుపొరుగు దేశాల మధ్య సఖ్యత ఏర్పడుతుందా ? మోదీ పడుతున్న తపనకు అసలు అర్థముందా ?

ప్రధానమంత్రి మోదీ ఈ మధ్యకాలంలో ఇండో పాక్ సంబంధాల విషయంలో పెద్ద ఆశలే పెట్టుకున్నారు. అందుకు తగ్గట్టుగానే ఆయన చకచకా పావులు కదుపుతున్నారు. వివిధ స్థాయిల్లో ఇరుదేశాల అధికారులతో చర్చలు ఏర్పాటుచేయడంతోపాటుగా, తాను స్వయంగా పాకిస్తాన్ ప్రధానమంత్రి నవాజ్ షరీఫ్ ని కలుసుకుని మార్గం సుగమం చేస్తున్నారు. అంతర్జాతీయ సమావేశాలు జరిగినప్పుడు కూడా వీలుచూసుకుని నవాబ్ షరీఫ్ తో, ఇండో- పాక్ సంబంధాల గురించి మాట్లాడేవారు. అయితే చివరకు ఏమైందీ ? ఈనగాచిన చేను నక్కలపాలైనట్లయింది. మోదీ, నవాబ్ షరీఫ్ ప్రయత్నాల దారి వాటిదే, ఉగ్రవాదుల దారి వారిదే అన్నట్టుగా మారింది వ్యవహారం.

2008లో ముంబయి టెర్రర్ ఎటాక్ జరిగిన తర్వాత అప్పటి మన్మోహన్ సింగ్ ప్రభుత్వం చాలా కఠినంగా వ్యవహరించాలనే అనుకుంది. పాకిస్తాన్ పై సైనిక చర్య తప్పదన్నంతగా మాట్లాడింది. 26/11 నాటి టెర్రర్ ఎటాక్ తర్వాత భారత ప్రభుత్వం తన సైనిక, నిఘావర్గాల ఉన్నతాధికారులతో సమావేశం నిర్వహించింది. ఆ సమావేశంలో వారందరి ఏకైక లక్ష్యం – నరరూప రాక్షసులుగా విరుచుకుపడిన ఉగ్రవాద మూకలను ప్రేరేపిస్తున్న వారి భరతం పట్టడం. ఉగ్రవాద సంస్థ లష్కర్ యీ తోబియిబా (LeT)ని అణచివేయడం, సరిహద్దుల వద్ద `జిహాదీ పోకడలను’ మట్టుబెట్టడం. వీలుచిక్కితే అమెరికా వంటి దేశాల సహాయం తీసుకుని పాకిస్తాన్ లోని టెర్రరిస్టుల శిబిరాలపై వైమానిక దాడులు జరపడం.

ఓ పదిహేను రోజులపాటు సుదీర్ఘంగా ఈ అంశాలపై హాట్ హాట్ గా ఆనాటి ప్రభుత్వం చర్చించింది. చివరకు ఏమైందీ ? ఏవేవో భయాలు ఊహించుకుని చివరకు ఆ దూకుడు ఆలోచనలను అటకెక్కించింది. 2008లో అంతగా చూపించిన కసి చివరకు నీరుగారిపోయింది. ఈలోగా యుపీఏ సర్కార్ నిష్క్రమించి ఎన్డీయే సర్కార్ వచ్చింది. మోదీ గతంలో అమెరికాను, పాకిస్తాన్ ను తూర్పారబట్టిన మనిషే. అయితే ప్రధాని అయినతర్వాత ఆయన తన శైలిని మార్చుకుని రెండు దేశాల నడుమ సయోధ్యకు ప్రయత్నాలు మొదలుపెట్టారు. అనూహ్యమైనదేదో జరగబోతున్నంత భ్రాంతి కలిగించారు. అయితే చివరకు ఏమైందీ? పఠాన్ కోట్ సంఘటనతో ఇండో – పాక్ సంబంధాల వ్యవహారం మళ్ళీ మొదటికే వచ్చింది. దీంతో మోదీ తన గేమ్ ను మళ్ళీ మొదటి నుంచీ ప్రారంభించిక తప్పని పరిస్థితి ఏర్పడింది.

చిక్కుముడి వీడాలంటే ముందుగా కాశ్మీర్ సమస్య తేలాలంటున్నది పాకిస్తాన్. అయితే, ఉగ్రవాదులను అణచివేయాలన్నది భారత్ ప్రధాన డిమాండ్. ఉగ్రవాద భూతాన్ని అంతమొందించడం అక్కడి ప్రభుత్వం చేతుల్లో లేదన్నది జగమెరిగిన సత్యం. నవాబ్ షరీఫ్ కావచ్చూ, మరొకరు కావచ్చు, పాలకుల మాటలను అక్కడి సైనిక దళాలు, పాక్ నిఘా సంస్థ (ఐఎస్ఐ) వినే పరిస్థితి లేదు. అలాంటప్పుడు ఇరు దేశాల `రాజకీయ పెద్దల’ మధ్య చర్చలు కేవలం బ్రేక్ ఫాస్ట్, లంచ్, డిన్నర్లకే పరిమితమవుతాయేతప్ప అడుగు ముందుకుపడదు. ఒక వేళ అలాంటి ఆశలు ఏదైనా చిగురించినా ముష్కర మూకలు తెగపడటంతో శాంతి చర్చల కథ అర్థాంతరంగా ముగిసిపోతున్నది. ఇప్పుడు కూడా అదే జరిగింది. ఈక్వేషన్ ఏమాత్రం మారని పరిస్థితుల్లో మోదీ ఎలాంటి చర్యలు తీసుకుంటారో చూడాలి.

– కణ్వస

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ట్రావెన్‌కోర్ రాజకుటుంబానికే ” అనంత పద్మనాభుని” బాధ్యతలు..!

దేశంలో అత్యంత ధనిక ఆలయంగా పేరు తెచ్చుకున్న కేరళలోని అనంతపద్మనాభ స్వామి ఆలయం బాధ్యత ట్రావెన్‌కోర్ రాజ కుటుంబానిదేనని.. సుప్రీంకోర్టు స్పష్టం చేసింది. ఈ మేరకు తుది తీర్పు వెలువరించింది. అలాగే త్రివేండ్రం...

జగన్ పార్టీకి ” వైఎస్ఆర్” నోటీసులొచ్చాయ్..!

జగన్మోహన్ రెడ్డి సారధ్యంలోని యువజన శ్రామిత రైతు కాంగ్రెస్ పార్టీకి కొత్త చిక్కులు వచ్చిపడ్డాయి. వైఎస్ఆర్ కాంగ్రెస్ పార్టీ అనే పేరును ఎలా వాడుకుంటున్నారంటూ.. ఢిల్లీ హైకోర్టు నోటీసులు జారీ చేసింది. అలా...

పవన్ కి మద్దతివ్వను, జగన్ ని ప్రశ్నించను, కేంద్రంపై నెట్టిస్తా, తప్పుకుంటా: ముద్రగడ లేఖ

ముద్రగడ పద్మనాభం తమ జాతిని ఉద్దేశించి మరొకసారి సుదీర్ఘమైన లేఖ రాశారు. 2 వారాల క్రితం ముద్రగడ ముఖ్యమంత్రి గారిని ఉద్దేశించి రాసిన లేఖ సొంత సామాజిక వర్గం నుండే విమర్శలు పొందడం...

“కాపు రిజర్వేషన్ ఉద్యమం” కాడి దించేసిన ముద్రగడ..!

గజదొంగ, కులద్రోహి అంటున్నారని.. ఆ ఆవేదన భరించలేని.. అందుకే కాపు ఉద్యమం నుంచి పూర్తిగా వైదొలుగుతున్నానని... ముద్రగడ పద్మనాభం ప్రకటన చేశారు. ఈ మేరకు..బహిరంగ లేఖ విడుదల చేశారు. చంద్రబాబు ప్రభుత్వం కాపులకు...

HOT NEWS

[X] Close
[X] Close