రాజధానికీ “డిప్యూటీ సీఎం”ల కాన్సెప్ట్..!?

వైఎస్ జగన్మోహన్ రెడ్డి ముఖ్యమంత్రి పదవి చేపట్టగానే… మంత్రి పదవుల్లో సామాజిక న్యాయం ఎలా చేయబోతున్నారోననే ఉత్కంఠ ప్రారంభమయింది. దానికి జగన్మోహన్ రెడ్డి తనదైన శైలిలో ముగింపునిచ్చారు. ఏకంగా.. ఐదు డిప్యూటీ సీఎం పోస్టులను.. వివిధ సామాజికవర్గాలకు ప్రకటించేశారు. ఆ ఐదుగురికి ప్రాధాన్యతా శాఖలు దక్కలేదనుకోండి.. అది వేరే విషయం.. కానీ డిప్యూటీ సీఎంలు మాత్రం అయ్యారు. ఇప్పుడు.. ఆ కాన్సెప్ట్‌నే.. ఆంధ్రప్రదేశ్ రాజధానికీ వర్తింప చేయబోతున్నారట. ఏపీకి నాలుగు రాజధానులను… జగన్మోహన్ రెడ్డి ప్రకటించబోతున్నారని… బీజేపీలో విలీనం అయిన టీడీపీ ఎంపీ టీజీ వెంకటేష్ సంచలన వ్యాఖ్యలు చేశారు.

ఢిల్లీ నుంచి తనకు స్పష్టమైన సమాచారం ఉందని చెబుతున్న ఆయన.. ఏపీకి రాజధానిగా అమరావతి కొనసాగకపోవచ్చునని తేల్చేశారు. ఇదే విషయమై బీజేపీ అధిష్టానంతో సీఎం జగన్ చర్చలు కూడా పూర్తి చేశారట. తన పార్టీ హైకమాండ్.. అంటే బీజేపీ హైకమాండే.. తనకు ఆ విషయం చెప్పిందని… టీజీ వెంకటేష్ నిర్మొహమాటంగా చెప్పేశారు. ఏపీకి నాలుగు రాజధానులు ఉండబోతున్నాయని.. విజయనగరం, కాకినాడ, గుంటూరు, కడప జిల్లాలు ఏపీకి రాజధానులు ఉండబోతున్నాయని.. ఆయన తేల్చేశారు. తాను చెప్పేది నూటికి నూరుశాతం నిజమనేశారు.

వైఎస్ జగన్మోహన్ రెడ్డి అనుసరిస్తున్న విధానాలను పరిశీలిస్తే.. టీజీ వెంకటేష్ వ్యాఖ్యల్ని అంత తేలిగ్గా తీసిపడేయాల్సిన పరిస్థితి లేదని అర్థం చేసుకోవచ్చు. అభివృద్ధి వికేంద్రీకరణ… రాజధాని అంటూ… వైసీపీ నేతలు కొంత కాలంగా ప్రకటనలు చేస్తూనే ఉన్నారు. ఈ క్రమంలో.. ఐదుగురికి డిప్యూటీ సీఎంలు ఇచ్చినట్లుగా.. నాలుగు చోట్ల రాజధానులను ప్రకటించినా ఆశ్చర్యపోనవసరం లేదంటున్నారు. ఓ చోట సెక్రటేరియట్.. మరో చోట అసెంబ్లీ.. ఇంకో చోట హైకోర్టు.. ఇంకో చోట రాజ్‌భవన్ పెట్టి… రాజధానులుగా చేస్తే.. అన్ని ప్రాంతాలకు న్యాయం చేసినట్లవుతుందని జగన్ ఆలోచనను.. టీజీ బయట పెట్టారని అనుకోవచ్చు. అసలు సర్కార్ ఆలోచనేమిటో కొద్ది రోజుల్లో బయటపడే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘లెజెండ్’ ఎఫెక్ట్.. జయం మనదే

బాలకృష్ణ లెజెండ్ సినిమా ఈనెల 30న రీ రిలీజ్ చేస్తున్నారు. ఈ సినిమా పదేళ్ళు పూర్తి చేసుకున్న నేపధ్యంలో రీరిలీజ్ కి పూనుకున్నారు. ఈ సినిమా 2014 ఎన్నికల ముందు వచ్చింది. ఆ...

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

HOT NEWS

css.php
[X] Close
[X] Close