టీఆర్ఎస్‌కు టెన్షన్‌కు పుట్టిస్తున్న బీజేపీ..!

తెలంగాణలో బీజేపీ ఎక్కడుందని..టీఆర్ఎస్ ప్రెసిడెంట్ కేసీఆర్ అంతర్గత సమావేశాల్లో చెబుతూంటారు. వర్కింగ్ ప్రెసిడెంట్ మాత్రం.. నేరుగానే ఆ వ్యాఖ్యలు చేస్తూంటారు. కానీ.. టీఆర్ఎస్‌లో అంతర్గత రాజకీయం మాత్రం వేరుగా ఉంది. ఇప్పుడు ఆ పార్టీ పూర్తిగా బీజేపీపైనే దృష్టి కేంద్రీకరిస్తోంది. బయటకు.. మాత్రం.. బీజేపీ ఉనికి లేదంటున్నారు . బీజేపీ ఎలా బలపడుతుందో.. చాలా రాష్ట్రాల్లో ఇప్పటికే చూశారు. తెలంగాణలోనూ అదే కోణంలో.. ఇప్పుడు బీజేపీ ముందడుగు వేస్తోంది. ఈ విషయం కేసీఆర్‌కు, కేటీఆర్‌కు తెలియనిది కాదు. కానీ ఎక్కువ ప్రాధాన్యం ఇచ్చినట్లు కనిపిస్తే… ప్రత్యర్థి బలం పుంజుకుంటారన్న కారణంగానే.. గుర్తింపు ఇవ్వడానికి కేసీఆర్, కేటీఆర్ నిరాకరిస్తున్నట్లుగా భావిస్తున్నారు.

రెండేళ్లలో బీజేపీ సర్కారొస్తుందంటున్న కమలం నేతలు.. !

తెలంగాణలో బీజేపీ, టీఆర్ఎస్ మధ్య వార్ నడుస్తోంది. అంశం ఏదైనా ఇరు పార్టీల నేత‌లు క‌స్సుమ‌ని లేస్తున్నారు. రాష్టానికి వ‌స్తున్న బీజేపీ అగ్రనేత‌లు సైతం టీఆర్ఎస్ కు నేరుగా వార్నింగ్ లు ఇస్తున్నారు. పార్టీ చీఫ్ అమిత్ షా కూడా టీఆర్‌ఎస్ విషయంలో దూకుడుగా ఉండాలని స్పష్టమైన ఆదేశాలిచ్చారు. దాంతో కొంత మంది నేతలు.. రెండేళ్లలోనే బీజేపీ ప్రభుత్వం ఏర్పడిపోతుందని ప్రకటనలు చేసేస్తున్నారు. పలు రాష్ట్రాల్లో బీజేపీ రాజకీయం చూస్తూనే ఉన్నారు కాబట్టి… తెలంగాణలో ఏం చేస్తారోనన్న భయం..టీఆర్ఎస్ వర్గాల్లో కనిపిస్తోంది.

బీజేపీ ఏం చేస్తుందోనని ఆరా తీస్తున్న టీఆర్ఎస్..!

అసెంబ్లీ ఎన్నికల తర్వాత రాష్ట్రంలో ప్రధాన ప్రతిపక్ష కాంగ్రెస్ బలహీన పడుతూ వస్తోంది. గెలిచిన ఎమ్మెల్యేలు చాలా మంది గులాబీ గూటికి చేరటం ఆ పార్టీ బలహీన పడటానికి ప్రధాన కారణం. ఇప్పుడు ఈ అంశమే బీజేపీకి అస్త్రంగా మారింది. ఇక పార్లమెంట్ ఎన్నికల్లో నాలుగు స్థానాల్లో బిజెపి గెలవడం ఆ పార్టీ జాతీయ నాయకత్వంతో పాటు రాష్ట్ర నాయకత్వంలోను జోష్ నింపింది. వచ్చే ఎన్నికల వరకు రాష్ట్రంలో బిజెపిని బలోపేతం చేసి…అధికారంలోకి రావటమే లక్ష్యంగా బిజెపి అధిష్టానం పావులు కదుపుతోంది. తెలంగాణ లో టిఆర్ఎస్ కు తామే ప్రత్యామ్నాయమనే సంకేతాలను ఇప్పటినుంచే ప్రజల్లోకి పంపించే ప్రయత్నం చేస్తోంది.

కాంగ్రెస్ బలహీనపడటంతో బీజేపీకి చాన్స్..!

బిజెపి అంటే…పెద్దగా స్పందించని టిఆర్ఎస్ నేతలు కూడా ఇప్పుడు విరుచుకుపడుతున్నారు. గతంలో అంశాల వారిగా బిజెపి అండగా నిలిచిన టిఆర్ఎస్ నేతలు ఇప్పుడు కేంద్రం ప్రభుత్వంపై మండిపడుతున్నారు. ఇదంతా రాష్ట్రంలో బిజెపి ఏదో చేస్తోందనే భయం టిఆర్ఎస్ నేతల్లో కనిపిస్తోంది. ఎప్పుడు బిజెపి గురించి ఆరా తీయని నేతలు…ఇప్పుడు కమలం పార్టీ కదలికపై ఫోకస్ పెట్టారు. ఎవరన్న బీజేపీతో టచ్ లో ఉన్నారా అనే అంశంపైనా ఆరా తీస్తున్నారు. బిజెపిని తక్కువ అంచనా వేస్తే అసలుకే మోసం వస్తుందనే చర్చ టిఆర్ఎస్ నేతల్లో జరుగుతోంది. అందుకే బిజెపికి ఎక్కడ అవకాశం ఇవ్వకుండా జాగ్రత్త పడాలని పార్టీ అధిష్టానం ఇప్పటి నుంచే నేతలకు సూచనలు చేస్తోంది. పైకి మాత్రం.., బీజేపీ ఎక్కడ ఉందని ప్రశ్నిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కండ‌లు పెంచుతున్న‌ నాగ‌శౌర్య

ల‌వర్ బోయ్ పాత్ర‌ల‌కు అచ్చుగుద్దిన‌ట్టు స‌రిపోతాడు నాగశౌర్య‌. త‌న కెరీర్‌లో అలాంటి క‌థ‌లే ఎక్కువ విజ‌యాల్ని అందించాయి. అయితే... మాస్ హీరోగా నిరూపించుకోవాల‌న్న‌ది నాగ‌శౌర్య తాప‌త్ర‌యం. అలాంటి క‌థ‌లు ఎంచుకుంటున్నా - స‌రైన...

‘పుష్ష‌’‌పై విజ‌య్‌ సేతుప‌తి క్లారిటీ

అల్లు అర్జున్ - సుకుమార్‌ల హ్యాట్రిక్ సినిమా 'పుష్ష‌'. ఈ సినిమా కోసం విజ‌య్ సేతుప‌తిని విల‌న్ గా ఎంచుకున్నారు. కొన్ని కార‌ణాల వ‌ల్ల విజ‌య్ ఈ సినిమా నుంచి త‌ప్పుకున్నాడు. ఆ...

వ‌ర్మ‌ని లైట్ తీసుకున్నాడా?

రాంగోపాల్ వ‌ర్మ పేల్చ‌బోతున్న బాంబు `ప‌వ‌ర్ స్టార్‌`. ఓటీటీ వేదిక‌గా వ‌ర్మ ఇది వ‌ర‌కు ప‌లు సినిమాల్ని వ‌దిలాడు. దేనికీ రాని క్రేజు.. `ప‌వ‌ర్ స్టార్‌`కి వ‌చ్చింది. ఈ సినిమా స్పెషాలిటీ గురించి...

రాజకీయాల్లో రాజస్థాన్ “సచిన్” హిట్ వికెట్ ..!?

రాజస్థాన్ ప్రభుత్వాన్ని మధ్యప్రదేశ్‌లో జ్యోతిరాదిత్య సింధియా కూల్చేసినట్లుగా కూల్చేస్తారని భావించిన సచిన్ పైలట్.. చివరికి.. హిట్ వికెట్‌గా మారుతున్న సూచనలు కనిపిస్తున్నాయి. తన వైపు 30 మంది ఎమ్మెల్యేలు ఉన్నారని.. ఆయన తనకు...

HOT NEWS

[X] Close
[X] Close