ప్రత్యేక హోదా గురించి వెంకయ్య మళ్ళీ మాట్లాడారు

ఏపీకి ప్రత్యేక హోదా గురించి ఎవరు మాట్లాడినా అందరూ మరిచిపోకుండా తప్పకుండా మాట్లాడే విషయం ప్రత్యేక హోదా కోసం ఆనాడు వెంకయ్యనాయుడు పార్లమెంటులో చేసిన డిమాండ్, ఆ తరువాత దానిపై ఆయన మాటలు మార్చడం గురించి. అందుకే ఆయన ఈమధ్య దాని ఊసే ఎత్తడం మానుకొన్నారు. కానీ ఈరోజు తాడేపల్లి గూడెంలో నిట్ శంఖుస్థాపన సందర్భంగా మళ్ళీ దాని గురించి మాట్లాడారు.

రాష్ట్రాన్ని అపరిపక్వంగా విడగొట్టి కాంగ్రెస్ పార్టీ రాష్ట్రానికి చాలా అన్యాయం చేసిందని, ఇప్పుడు ఆ పార్టీ ప్రత్యేక హోదా గురించి పోరాడటం చాలా విడ్డూరంగా ఉందని అన్నారు. రాష్ట్ర విభజన సమయంలో ఏపీ ప్రయోజనాలను కాపాడేందుకు తను చేసిన పోరాటం గురించి ప్రజలకి తెలుసని అన్నారు. కాంగ్రెస్ పార్టీలాగా తను ఓట్ల కోసం, సీట్ల కోసం ఎన్నడూ రాజకీయాలు చేయలేదని అన్నారు. తను స్వయంకృషితో పైకి వచ్చేను తప్ప వారసత్వ రాజకీయాల ద్వారా పదవులు, అధికారం పొందలేదని అన్నారు. పదవులు అధికారం కోసం చొక్కాలు మార్చినట్లుగా పార్టీలు మార్చేవారు, బేరసారాలాడేవారు కూడా తనని కేంద్రప్రభుత్వం విమర్శిస్తున్నారని ఆయన ఎద్దేవా చేసారు. ఈ ఏడాదిన్నర కాలంలో కేంద్రప్రభుత్వం రాష్ట్రానికి ఏమేమీ చేసిందనే విషయాల గురించి మాట్లాడకుండా ఇంకా ఇవ్వనివాటి గురించి మాత్రమే మాట్లాడుతూ రాష్ట్రంలో కొన్ని రాజకీయపార్టీలు ప్రజలను రెచ్చగొట్టే ప్రయత్నం చేస్తున్నాయని ఆయన విమర్శించారు. కేంద్రప్రభుత్వం 14వ ఆర్ధిక సంఘం నివేదిక ఆధారంగా ప్రత్యేక హోదా అంశాన్ని పరిశీలిస్తోందని అన్నారు. విభజన చట్టంలో ఇచ్చిన ప్రతీ హామీని అమలు చేస్తామని, వాటిలో ఇప్పటికే చాలా అమలుచేసామని, మిగిలినవి కూడా త్వరలోనే అమలుచేస్తామని అన్నారు. రాష్ట్రానికి రైల్వేజోన్ ఏర్పాటుపై కసరత్తు జరుగుతోందని త్వరలోనే ఏర్పాటుజరిగే అవకాశం ఉందని తెలిపారు.

నిజమే! ఈ ఏడాదిన్నర కాలంలో కేంద్రప్రభుత్వం రాష్ట్రానికి అనేక ఉన్నత విద్యాసంస్థలు, నిధులు కూడా మంజూరు చేసింది. కానీ అన్నిటికంటే ముఖ్యమయిన ప్రత్యేక హోదా, రైల్వేజోన్ ఇంతవరకు మంజూరు చేయలేదు. ప్రత్యేక హోదాకి 14వ ఆర్ధిక సంఘం అభ్యంతరాలు చెపుతోందని, రైల్వేజోన్ ఏర్పాటుకు ఆర్ధిక మంత్రిత్వశాఖ అనుమతులు మంజూరు చెయ్యలేదని చెపుతున్నారు. కానీ బీహార్ ఎన్నికలను దృష్టిలో పెట్టుకొని ప్రధాని నరేంద్ర మోడీ ఆ రాష్ట్రానికి ఏకంగా రూ. 1.65 లక్షల కోట్లు మంజూరు చేస్తున్నట్లు మొన్న ప్రకటించారు. దానికి ఏ ఆర్ధిక సంఘం అభ్యంతరం చెప్పినట్లు లేదు. అందుకు నిధుల కొరత అడ్డంకి కాలేదు.

ఏ సమస్యాలేని బీహార్ రాష్ట్రానికి అన్ని లక్షల కోట్లు మంజూరు చేయగలిగినప్పుడు సహాయం చేస్తామని హామీ ఇచ్చిన ఆంద్రప్రదేశ్ కి కనీసం ఆ మాత్రం అయినా ఎందుకు మంజూరు చేయడంలేదు అని మోడీని గట్టిగా ప్రశ్నించలేకపొతున్నారు. ఆనాడు వెంకయ్యనాయుడు పార్లమెంటులో రాష్ట్రం కోసం అప్పుడు అధికారంలో ఉన్న కాంగ్రెస్ పార్టీని చాలా ప్రాధేయపడ్డారు. కానీ ఇప్పుడు తమ పార్టీయే అధికారంలో ఉన్నప్పుడు మోడీని ఎందుకు ఒప్పించలేకపోతున్నారు? అనే సందేహం కలుగుతుంది. బీహార్ రాష్ట్రానికి అంత భారీ ఆర్ధిక ప్యాకేజి ప్రకటించిన తరువాత కూడా నేటికీ వెంకయ్య నాయుడు 14వ ఆర్ధిక సంఘం, ప్రత్యేక హోదా, కేంద్రం, పరిశీలన అంటూ పాతపాతనే పాడుతుండటం గమనార్హం.

అయినా ప్రత్యేక హోదా విషయంలో వెంకయ్య నాయుడుని ఒక్కరినే తప్పు పట్టలేము. కేంద్ర రాష్ట్ర ప్రభుత్వాలను రెంటినీ తప్పుపట్టవలసి ఉంటుంది. కానీ ఇంకా ఇలాగే మభ్యపెడుతూ రోజులు దొర్లించేయడం రెంటికీ పెద్ద కష్టమేమీ కాకపోవచ్చును. కానీ వచ్చే ఎన్నికలలో దానికి ఆ రెండు పార్టీలు తప్పక మూల్యం చెల్లించవలసి వస్తుందని గ్రహిస్తే వాటికే మంచిది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“జై అమరావతి” అంటే బీజేపీలో సస్పెన్షనే..!

అమరావతి రైతుల కోసం పోరాడతామని భారతీయ జనతా పార్టీ ఓ వైపు చెబుతోంది. ఆ రైతులకు మద్దతు చెప్పేందుకు వెళ్లిన నేతలపై మాత్రం సస్పెన్షన్ల వేటు వేస్తోంది. గతంలో అమరావతికి మద్దతుగా ఓ...

మోడీకి జగన్ అభినందనలు..!

నిజమే.. మీరు కరెక్ట్‌గానే చదివారు. ప్రధానమంత్రి నరేంద్రమోడీకి జగన్ అభినందనలు తెలిపారు. మోడీ ఆ అభినందులు రిసీవ్ చేసుకుని .. జగన్ అభినందించినందుకు పొంగిపోయారో లేదో తెలియదు కానీ.. మోడీని జగన్ అభినందించిన...

క్రైమ్ : ఒకరిది ఆత్మహత్య…మరొకరిది హత్య..! ఇద్దరు తండ్రుల కథ..!

వారిద్దరూ ఆడపిల్లల తల్లిదండ్రులు. కని పెంచి.. అల్లారుముద్దుగా పెంచి.. తమకు చేతనయినంతలో మంచోళ్లు అనుకునే వాళ్లకే కట్టబెట్టారు. కానీ వారు అనుకున్నంత మంచోళ్లు కాదు. ఆ విషయం తెలిసి తమ కూతుళ్లు జీవితాలు...

ఐవైఆర్ కూడా అమరావతినే ఉంచమంటున్నారు..!

వారం రోజులు ఆలస్యంగా తన పెన్షన్ వచ్చిందని... మూడు రోజులుగా ఐవైఆర్ కృష్ణారావు.. రాష్ట్ర ఆర్థిక పరిస్థితిపై ఆందోళన చెందుతున్నారు. ఆయన రోజువారీగా... ఏం చేయాలన్నదానిపై ముఖ్యమంత్రి జగన్‌కు సలహాలిస్తూ ట్వీట్లు చేస్తున్నారు....

HOT NEWS

[X] Close
[X] Close