వాణిశ్రీ కుమారుడు అభిన‌య్ ఆత్మ‌హ‌త్య సినీ వ‌ర్గాల్లో చ‌ర్చ‌నీయాంశ‌మైంది. ఆయన డాక్ట‌ర్‌గా ప‌నిచేస్తున్నారు. వ‌య‌సు కూడా త‌క్కువే. ఈరోజు ఉద‌యం చెన్నై శివార్ల‌లోని త‌న ఫామ్ హోస్ లో ఆత్మ హ‌త్య చేసుకున్నారు. ఇంత చిన్న వ‌య‌సులో ఆత్మ‌హ‌త్య చేసుకోవాల్సిన అవ‌స‌రం ఏముంద‌ని అంతా ఆరా తీస్తున్నారు. పోలీసులు కూడా ద‌ర్యాప్తు ముమ్మ‌రం చేశారు. ప్ర‌స్తుతానికి అనుమానాస్ప‌ద మృతిగా కేసు న‌మోదు చేశారు.
ఆత్మ‌హ‌త్య వెనుక ఆర్థిక కార‌ణాలున్నాయంటూ గుస‌గుస‌లు వినిపిస్తున్నాయి. ఆస్తి త‌గాదాల్లో అభిన‌య ఇరుక్కున్నాడ‌ని తెలుస్తోంది. వాణిశ్రీ‌కీ – అభిన‌య్ కీ కొన్ని గొడ‌వ‌లు ఉన్నాయ‌ని, కొన్నేళ్లుగా అభియ‌న త‌ల్లికి దూరంగానే ఉంటూ వ‌స్తున్నాడ‌ని, ఇరు కుటుంబాల మ‌ధ్య రాక‌పోక‌లు కూడా లేవ‌ని చెన్నై వ‌ర్గాలు చెబుతున్నాయి. వీటిలో నిజ‌మేంట‌న్న‌ది పోలీసులే చెప్పాలి.
