కేసీఆర్‌కు రాహుల్ అంటే భయమంటున్న వీహెచ్

హైదరాబాద్: కేసీఆర్ ప్రభుత్వం ఎట్టకేలకు తెలంగాణలో 15,000 ఉద్యోగాల భర్తీకి శ్రీకారం చుట్టినట్లు ఇటీవల ప్రకటించిన సంగతి తెలిసిందే. అధికారం చేపట్టగానే లక్ష ఉద్యోగాలను భర్తీ చేస్తానని అసెంబ్లీ సాక్షిగా ప్రకటించిన కేసీఆర్, మొత్తానికి ఎంతో కొంత ఉద్యోగాల భర్తీ మొదలుపెట్టారని నిరుద్యోగులు ఆనందపడుతుండగా, ఇదంతా తమ ఘనతేనని చెప్పుకొస్తున్నారు కాంగ్రెస్ సీనియర్ నాయకుడు వి.హనుమంతరావు. కాంగ్రెస్ ఉపాధ్యక్షుడు రాహుల్ గాంధి ఉస్మానియా యూనివర్సిటీ క్యాంపస్‌లో పర్యటించబోతున్నారని తెలిసి కేసీఆర్ భయంతో ఉద్యోగాల భర్తీ ప్రకటన చేశారని వీహెచ్ వ్యాఖ్యానం. ఓయూ విద్యార్థులకు న్యాయం జరిగేవరకు కాంగ్రెస్ వారికి అండగా ఉంటుందని చెప్పారు. 15 వేల ఉద్యోగాలతోనే సరిపుచ్చుతామంటే కుదరదని, లక్ష ఉద్యోగాలను భర్తీ చేసేవరకు ప్రభుత్వం వెంటపడతామని హెచ్చరించారు. అంతా బాగానే ఉందిగానీ రాహుల్ ఉస్మానియా యూనివర్సిటీకి వస్తానన్నది ఎప్పుడో వీహెచ్ చెప్పలేదు. గత మే నెలలో చేసిన రైతు భరోసా పాదయాత్ర సందర్భంగా రాహుల్ యూనివర్సిటీ క్యాంపస్ కూడా వెళ్ళి రాత్రి అక్కడే బస చేస్తారని ప్రచారం జరిగినప్పటికీ అక్కడ గొడవలేమైనా జరుగుతాయేమోనని మళ్ళీ దానిని రద్దు చేశారు. మరి ఇప్పుడు వీహెచ్ చెబుతున్నది ఏనాటి రాహుల్ పర్యటన గురించో అర్థంకావటంలేదు.

మరోవైపు, ఇంటికో ఉద్యోగం ఇస్తానన్న కేసీఆర్ మాటలు నమ్మి శిక్షణకోసం నిరుద్యోగులు ఉన్నదంతా ఖర్చు చేశారని బీసీ యువజనసంఘం నాయకులు ఆరోపిస్తున్నారు. తెలంగాణలో మొత్తం 2.5 లక్షల ఉద్యోగాలు ఖాళీగా ఉన్నాయని వాటి భర్తీకి వెంటనే నోటిఫికేషన్లు విడుదల చేయాలని డిమాండ్ చేస్తున్నారు. అన్ని నోటిఫికేషన్లూ పబ్లిక్ సర్వీస్ కమిషన్ ఆధ్వర్యంలోనే అని ముందు చెప్పి దానికి తిలోదకాలిచ్చినట్లు స్పష్టమవుతోందని ఆరోపిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జంధ్యాల స్టైల్‌లో `పేక మేడ‌లు`

'నా పేరు శివ', 'అంధగారం', 'గ్యాంగ్స్ ఆఫ్ గోదావరి' సినిమాల్లో కీల‌క పాత్ర‌లు పోషించిన వినోద్ కిష‌న్ ఇప్పుడు హీరోగా మారాడు. ఆయ‌న న‌టించిన 'పేక మేడ‌లు' ఈనెల 19న విడుద‌ల‌కు సిద్ధంగా...

బీజేపీలో బీఆర్ఎస్ రాజ్యసభపక్షం విలీనం ?

బీఆర్ఎస్ రాజ్యసభ పక్షం బీజేపీలో విలీనం అయ్యేందుకు ఏర్పాట్లు పూర్తయినట్లుగా ఢిల్లీలో ప్రచారం ఊపందుకుంది. బీఆర్ఎస్ పార్టీకి ఉన్న నలుగురు రాజ్యసభ సభ్యులు బీజేపీలో చేరబోతున్నారు. ముగ్గురు రాజ్యసభ సభ్యులు ఉపరాష్ట్రపతి,...
video

విజ‌య్ తెలివి.. ‘పార్టీ’ సాంగ్‌లో పాలిటిక్స్

https://www.youtube.com/watch?v=ygq_g7ceook త‌మిళ స్టార్ హీరో విజ‌య్ కొత్త‌గా పార్టీ స్థాపించిన సంగ‌తి తెలిసిందే. త్వ‌ర‌లోనే రాజ‌కీయ అరంగేట్రం చేయ‌బోతున్నాన‌ని, వ‌చ్చే త‌మిళ‌నాడు అసెంబ్లీ ఎన్నిక‌ల‌లో పోటీ చేస్తాన‌ని ప్ర‌క‌టించాడు. రాజ‌కీయాల‌కు ముందు త‌న చివ‌రి...

పొన్నవోలు వాదన జగన్‌కైనా అర్థమవుతుందా ?

రఘురామ ఫిర్యాదుతో జగన్ తో పాటు ముగ్గురు ఐపీఎస్ అధికారులపై కేసు నమోదయింది. ఇది తప్పుడు కేసు అని వాదించడానికి పొన్నవోలు మీడియా సమావేశం పెట్టారు. ఇందు కోసం తన టేబుల్ నిండా...

HOT NEWS

css.php
[X] Close
[X] Close