వ‌రుస విజ‌యాల‌తో, త‌న ఆటిట్యూడ్ తో లెక్క‌లేనంత మంది అభిమానుల్ని సంపాదించుకున్నాడు విజయ్ దేవ‌ర‌కొండ. సోషల్ మీడియాలో.. త‌న ఫాలోయింగ్ మామూలుగా ఉండ‌దు. దానికి సాక్ష్యంగా నిలిచింది ఇన్‌స్ట్రా గ్రామ్‌.
ఇన్‌స్ట్రాలో ఏకంగా 8 మిలియన్ల ఫాలోవర్స్ ను సంపాదించుకున్నాడు విజయ్ దేవ‌ర‌కొండ. సౌత్ ఇండియాలోనే ఇన్‌స్ట్రాలో ఇంత ఫాలోయింగ్ ఎవ్వ‌రికీ లేదు. ఆ లెక్క‌న రౌడీ కొత్త రికార్డు స్థాపించిన‌ట్టే. విజయ్ నటించిన తెలుగు సినిమాలు అర్జున్ రెడ్డి,గీత గోవిందం,డియర్ కామ్రేడ్ హిందీలో డబ్ కావడం తో అక్కడ కూడా ఫ్యాన్స్ అయ్యారు. `నోటా` అయితే తెలుగు, త‌మిళ భాష‌ల్లో ఒకేసారి తెర‌కెక్కింది. `డియర్ కామ్రేడ్ ` స‌మ‌యంలో సౌత్ ఇండియా మొత్తం భారీ ప్ర‌మోష‌న్లు చేశాడు విజయ్. ఆ ప్ర‌మోష‌న్ల‌లో విజ‌య్‌కి సౌత్ లో ఉన్న పాపులారిటీ అర్థ‌మైంది. ప్ర‌స్తుతం పూరీ జగన్నాథ్ తో విజయ్ చేస్తున్న సినిమా.. పాన్ ఇండియా ప్రాజెక్టే. ఈ సినిమాతో నేరుగా బాలీవుడ్ లోకి అడుగుపెట్ట‌బోతున్నాడు విజయ్.
