విజ‌య‌సాయి వ్యాఖ్య‌ల్లో ఆవేద‌నకు కార‌ణం ఇదా..?

ఒకే అంశం గురించి ఎవ‌రైనా ప‌దేప‌దే అదే ప‌నిగా మాట్లాడితే… ఆ అంశ‌మంటే ఆ వ్య‌క్తికి భ‌య‌మైనా కావొచ్చు, త‌న‌లోని ఆందోళ‌న‌ను అవ‌తలి వ్య‌క్తులు గుర్తించేస్తారేమో అనే క‌ప్పిపుచ్చుకునే ధోర‌ణి కావొచ్చు, తాను అనుకుంటున్నదానికి విరుద్ధంగా ప‌రిస్థితులు ఉన్నాయే అనే ఆవేద‌న‌కు ప్ర‌తిస్పంద‌న కావొచ్చు! వైకాపా ఎంపీ విజ‌య‌సాయి రెడ్డి ఈ మ‌ధ్య చేస్తున్న ట్వీట్లుగానీ, వ్యాఖ్య‌లుగానీ చూస్తుంటే… ఇలాంటి ల‌క్ష‌ణాలే క‌నిపిస్తున్నాయి. తాజాగా ఆయ‌న ఒక ట్వీట్ చేశారు. ముఖ్య‌మంత్రి చంద్ర‌బాబు నాయుడుపై విమ‌ర్శ‌లు చేశారు! అది విమ‌ర్శ కూడా కాదు.. అక్క‌సు. ఏదో ఒక అంశాన్ని బేస్ చేసుకుని చేస్తే దాన్ని విమ‌ర్శ అనొచ్చు.

‘చంద్ర‌బాబు విద్రోహి, యూట‌ర్న్ మాస్ట‌ర్‌, నిరుపేద‌ల‌ వ్య‌తిరేకి, మైనారిటీల వ్య‌తిరేకి, రైతుల వ్యతిరేకి, అతిపెద్ద అవినీతిప‌రుడు, అస‌మ‌ర్థుడు’ అచ్చంగా ఇవే కామెంట్ల‌తో త‌యారు చేసుకున్న ఒక స్లైడ్ షోని ట్వీట్ చేశారు. ప్ర‌జ‌ల‌ను ఒక‌సారి మోసం చెయ్యొచ్చుగానీ… అన్నిసార్లూ చంద్ర‌బాబు నాయుడు మోసం చెయ్య‌లేర‌ని వ్యాఖ్యానించారు. ఇక‌, విశాఖ‌ప‌ట్నంలో పార్టీ నేత‌ల‌తో ఆయ‌న మాట్లాడుతూ… జ‌గ‌న్ పాల‌న‌ను ఒక సువ‌ర్ణాధ్యాయంగా మిగిలిపోవాల‌ని జ‌నం కోరుకుంటున్నారనీ, జ‌గ‌న్ ని చూడాల‌ని జ‌నానికి ఉంది, ఆయ‌న చెప్పేది వినాల‌నుంది, పార్టీని అధికారంలోకి తేవాల‌ని ఉంది, ముఖ్య‌మంత్రిగా చూడాలని ఉంది.. అంటూ మాట్లాడారు.

ఇవి ఒక పార్ల‌మెంటు స‌భ్యుడు స్థాయిలో చేసే వ్యాఖ్య‌ల్లా ఉన్నాయా అనే అనుమానం క‌లుగుతుంది క‌దా! చంద్ర‌బాబు నాయుడుపై కేవ‌లం వ్య‌క్తిగ‌త భావోద్వాగాల‌ను మాత్ర‌మే వెళ్ల‌గ‌క్కుతున్నారు విజ‌యసాయి. ఇది ప్ర‌జ‌ల‌కు అవ‌స‌రం లేని కోణం! చంద్రబాబు అంటే వ్య‌క్తిగ‌తంగా విజ‌యసాయికి ప‌డుతుందా లేదా అనేది రాజ‌కీయాల‌కు సంబంధం లేని విష‌యం. అంశాలవారీగా విమ‌ర్శ‌లు చేస్తే అర్థం ఉంటుంది. అంతేగానీ, ద్రోహీ, వ్య‌తిరేకీ, అస‌మ‌ర్థుడు.. ఇలాంటి విమ‌ర్శ‌ల ద్వారా కేవ‌లం త‌మ‌లోని అక్క‌సును, అధికార కాంక్ష‌ను మాత్ర‌మే బయటపెట్టుకున్నట్టు అవుతుంది. ఇంకోటి.. జ‌గ‌న్ ని ముఖ్య‌మంత్రిగా చూడాల‌ని కోరుకుంటున్నారు అని ప్ర‌జ‌ల త‌ర‌ఫున కూడా మాట్లాడేస్తున్నారు. జ‌గ‌న్ ముఖ్య‌మంత్రి కావాల‌నేది వైకాపా ల‌క్ష్యం… దాన్ని రాష్ట్ర ప్ర‌జ‌ల అవ‌స‌రంగా చూపించే ప్ర‌య‌త్నం చేస్తున్నారు. ప్ర‌జ‌లు త‌మ అవ‌స‌రాలు, భ‌విష్య‌త్తు చూసుకుంటారు. ఆ కోణం నుంచి త‌మ‌కు భ‌రోసాగా ఉండే నాయ‌క‌త్వం ఎవ‌రు ఇవ్వ‌గ‌ల‌ర‌నేది బేరీజు వెసుకుని అధికారాన్ని క‌ట్ట‌బెడ‌తారు. అంతేగానీ, ఒక పార్టీ ల‌క్ష్యానికి అనుగుణంగా ప్ర‌జ‌లు స్పందిస్తున్నార‌ని చెప్ప‌డం మ‌రీ విడ్డూరం. మొత్తానికి, విజయసాయి రెడ్డి వ్యాఖ్యల్లో ట్వీట్లలో తెలియని ఓ గందరగోళానికి ఆయన గురౌతున్నారేమో అనే అనుమానం కలుగుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైనా ప్రొడక్ట్స్ బ్యాన్ చేద్దాం అన్న నాగబాబు, కౌంటర్ ఇచ్చిన నెటిజన్లు

భారత్ చైనాల మధ్య ఉద్రిక్తతలు 1960వ దశకం నుండి ఉన్నాయి. అప్పుడప్పుడు హిందీ చీనీ భాయి భాయి అంటూ సత్సంబంధాలు నెరపడం, మళ్ళీ అప్పుడప్పుడు చైనా కయ్యానికి కాలు దువ్వడం దశాబ్దాలుగా జరుగుతోంది....

పరిహారం, పర్యావరణానికి ఎల్జీ పాలిమర్స్ కట్టిన రూ.50 కోట్లు ..!

ఎల్జీ పాలిమర్స్ సంస్థ కలెక్టర్ వద్ద డిపాజిట్ చేసిన యాభై కోట్ల రూపాయలను..పర్యావరణ పునరుద్ధరణ.. బాధితులకు పరిహారం కోసం వినియోగించాలని నేషనల్ గ్రీన్ ట్రిబ్యూనల్ స్పష్టమైన తీర్పును వెల్లడించింది. కేంద్ర పర్యావరణ...

మరో మూడు నెలలు సీఎస్‌గా సహాని..!

ఆంధ్రప్రదేశ్ ప్రభుత్వ ప్రధాన కార్యదర్శి నీలం సహానికి మరో మూడు నెలల పొడిగింపు లభించింది. మామూలుగా ఆమెకు జూన్ 30వ తేదీతో రిటైర్ కావాల్సి ఉంది. అయితే.. ప్రభుత్వం కేంద్ర ప్రభుత్వానికి...

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

HOT NEWS

[X] Close
[X] Close