వైకాపాలోనే ఉంటాం: బొబ్బిలి రాజులు

ఆ మధ్యన బొత్స సత్యనారాయణ వైకాపాలో చేరుతున్నప్పుడు బొబ్బిలి వైకాపా ఎమ్మెల్యే సుజయ్ కృష్ణ రంగారావు ఆయన సోదరుడు బేబి నాయిన తీవ్రంగా వ్యతిరేకించారు. ఆ కారణంగా వారు పార్టీని వీడేందుకు కూడా సిద్దపడ్డారు. అప్పుడు పార్టీ అధ్యక్షుడు జగన్మోహన్ రెడ్డి వారిని బుజ్జగించి పార్టీలో కొనసాగేలా చేయగలిగారు. కానీ వారు ఆ తరువాత కూడా పార్టీ వ్యవహరాలతో అంటీ ముట్టనట్లుగానే వ్యవహరిస్తూన్నారు.

ఈ నేపధ్యంలో వారితో తెదేపా నేతలు సంప్రదింపులు జరుపుతున్నారని వారు కూడా త్వరలో తెదేపాలో చేరే అవకాశాలున్నాయని మీడియాలో వార్తలు వచ్చేయి. అదే సమయంలో ఐదుగురు వైకాపా ఎమ్మెల్యేలు తెదేపాలో చేరడం, ఇంకా చాలా మంది వైకాపా ఎమ్మెల్యేలు తమ పార్టీలో చేరబోతున్నారని తెదేపా నేతలు చెపుతుండటంతో, బొబ్బిలి రాజుల గురించి మీడియాలో వచ్చిన ఆ వార్తలు కూడా నిజమేఅయ్యుంటాయని అందరూ భావించడం సహజం.

కానీ ఆ వార్తలు, ఊహాగానాలు నిజం కాదని వైకాపా ఎమ్మెల్యే సుజయ్ కృష్ణ రంగారావు, ఆయన సోదరుడు బేబి నాయిన స్పష్టం చేసారు. తాము పదవులు, అధికారం కోసం వెంపర్లాడేవాళ్ళముకామని బేబీ నాయిన అన్నారు. తాము ఎప్పుడూ ఇచ్చిన మాటకు కట్టుబడి ఉండేవాళ్ళమని తెలిపారు. నీతికే కట్టుబడి మచ్చలేని రాజకీయాలు చేస్తామని తెలిపారు. తాము వైకాపాలోనే కొనసాగుతామని స్పష్టం చేసారు.

సుజయ్ కృష్ణ రంగారావు కూడా ఈ వార్తలను ఖండించారు. మీడియాకు చెందిన వాళ్ళు తమ వివరణ తీసుకోకుండానే తాము పార్టీ మారబోతున్నట్లు ప్రచారం చేయడం తగదని అన్నారు. తాము పార్టీ మారబోవడం లేదని సప్శాతం చేసిన తరువాత కూడా ఇంకా మీడియాలో తమ గురించి అలాగే వ్రాస్తున్నారని, అది మంచి పద్ధతి కాదని ఆయన అన్నారు. మీడియాలో వస్తున్న ఇటువంటి వార్తల వలన తమ కార్యకర్తలలో గందరగోళం ఏర్పడుతోందని అన్నారు. ప్రజాస్వామ్యంలో ప్రజా ప్రతినిధులకు ఎంత బాధ్యత ఉంటుందో మీడియాకు కూడా అంతే బాధ్యత ఉంటుందని ఆయన అన్నారు. తాము ప్రలోభాలకు, బెదిరింపులకి లొంగిబోమని, తెదేపాలో చేరే ఉద్దేశ్యం తమకి లేదని స్పష్టంగా చెప్పారు. ఒకవేళ ఎవరయినా పార్టీ మారదలిస్తే ముందుగా ఆ పార్టీ తరపున గెలిచినా ఎమ్మెల్యే పదవులను వదులుకొని వెళ్ళడం మంచి సంప్రదాయమని అన్నారు.

ప్రస్తుతం తెదేపా ‘ఆపరేషన్ ఆకర్ష’ కారణంగా ఇంకా ఎంత మంది ఎమ్మెల్యేలను కోల్పోవలసి ఉంటుందో తెలియని ఈ పరిస్థితులలో బొబ్బిలి రాజులు చేసిన ఈ ప్రకటన వైకాపాకు తప్పకుండా చాలా ఉపశమనం కలిగిస్తుందని చెప్పవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బిగ్ బాస్ నుండి దేవి నిష్క్రమణ, టీవీ9 పై జనాల్లో వ్యతిరేకత కూడా కారణమా ?

బిగ్ బాస్ సీజన్ 4 రికార్డు టిఆర్పీ లతో దూసుకెళుతోంది. కంటెస్టెంట్స్ జాబితా బాగోలేదు అన్న కారణంగా రెండు మూడు రోజుల తర్వాత పడిపోయిన రేటింగులు 10వ రోజు నుండి భారీగా పుంజుకున్నాయి....

పవన్ కళ్యాణ్ ఈనాడు ఇంటర్వ్యూ పై సాక్షి కొమ్మినేని ఏడుపు, ఈనాడు కి నీతులు

ఇటీవల పవన్ కళ్యాణ్ ఈనాడు పత్రికకు ఇచ్చిన సుదీర్ఘమైన ఇంటర్వ్యూ రాజకీయంగా ప్రాముఖ్యత సంతరించుకుంది. అమరావతి, జగన్ పాలన, ప్రస్తుతం రాష్ట్రంలో నెలకొన్న పరిస్థితుల పై పవన్ కళ్యాణ్ తన అభిప్రాయాలను ఆ...

గ్రేటర్ సమస్యలపై కేటీఆర్‌ని టార్గెట్ చేస్తున్న రేవంత్..!

తెలంగాణలో గ్రేటర్ ఎన్నికల రాజకీయం రాజుకుంది. ఎప్పుడు నోటిఫికేషన్ వస్తుందో అంచనా వేయడం కష్టం కానీ.. రాజకీయ నేతలు మాత్రం.. వచ్చిన ఏ అవకాశాన్ని వదిలి పెట్టడం లేదు. గ్రేటర్ పరిధిలో...

ఠాగూర్ అయినా టీ కాంగ్రెస్‌లో అందర్నీ కలపి ఉంచగలరా..!?

తెలంగాణ కాంగ్రెస్‌ వ్యవహారాల ఇన్‌చార్జిగా కుంతియా స్థానంలో మాణిగం ఠాగూర్‌ను కాంగ్రెస్ హైకమాండ్ నియమించింది. ఆయన తెలంగాణలో అడుగు పెట్టి..ఓ సారి సమావేశం కూడా నిర్వహించారు. కాంగ్రెస్ నేతలు.. అందరూ ఆయన ఎదుట...

HOT NEWS

[X] Close
[X] Close