మీడియా వాచ్‌: RRR ని ప‌ట్టించుకోని ఈనాడు

రాజ‌మౌళి అన్నా, ఆ కుటుంబం అన్నా `ఈనాడు` ప్ర‌త్యేక‌మైన అభిమానాన్ని చూపిస్తుంది. `బాహుబ‌లి` సినిమాకి ఈనాడు ఇచ్చిన క‌వ‌రేజ్ అంతా ఇంతా కాదు. ప్ర‌తి చిన్న విషయాన్నీ హైలెట్ చేసేది. రాజ‌మౌళి ఇంటర్వ్యూనైతే ఫుల్ పేజీ ప్ర‌చురించింది. ఓ సెల‌బ్రెటీ ఇంటర్యూకి ఫుల్ పేజీ కేటాయించ‌డం ఈనాడు ప్ర‌మాణాల‌కు పూర్తి విరుద్ధం. అప్ప‌టి వ‌ర‌కూ ఈనాడు చ‌రిత్ర‌లోనే అలా జ‌ర‌గ‌లేదు. `బాహుబ‌లి` విడుద‌ల‌య్యాక రివ్యూ కూడా ఇచ్చాడు. ఎప్పుడూ రివ్యూల జోలికి వెళ్ల‌ని ఈనాడు బాహుబ‌లికి మాత్రం ప‌నిగ‌ట్టుకుని రివ్యూ ఇవ్వ‌డం, ఆ త‌ర‌వాత రివ్యూల్ని ఆపేయ‌డం ఆశ్చ‌ర్యాన్ని క‌లిగించింది.

అయితే అదే `ఈనాడు` ఇప్పుడు RRR ని ఏమాత్రం ప‌ట్టించుకోవ‌డం లేదు. అంద‌రిలానే చిన్న చిన్న ఐటెమ్స్ , అప్ డేట్స్ తో స‌రిపెట్టేస్తోంది. ఒక్కోసారి అదీప‌ట్టించుకోవ‌డం లేదు. దానికి తెర వెనుక కార‌ణాలున్నాయన్నది ఇండ్ర‌స్ట్రీ వ‌ర్గాల టాక్‌. `బాహుబ‌లి` షూటింగ్ అంతా అప్పుడు రామోజీ ఫిల్మ్‌సిటీలోనే సాగింది. అక్క‌డే సెట్లు వేశారు. రెండు భాగాల సినిమా మొత్తం రామోజీ ఫిల్మ్‌సిటీలోనే తీశారు. రాజ‌మౌళి కుటుంబం అంతా ఆర్‌.ఎఫ్‌.సీలోనే బ‌స వేసింది. వీట‌న్నింటికి దాదాపు రూ.90 కోట్ల బిల్లు వేసింది రామోజీ ఫిల్మ్‌సిటీ. ఈ మొత్తాన్ని సినిమా బిజినెస్ జ‌రిగాక‌…. చెల్లించింది చిత్ర‌బృందం. దానికి తోడు.. లాభాల్లో వాటా కూడా ఇచ్చార్ట‌. అందుకే బాహుబ‌లిని అంత‌లా మోసింది ఈనాడు సంస్థ‌. ఇప్పుడు ఆర్‌.ఆర్‌.ఆర్ విష‌యంలో అది జ‌ర‌గ‌డం లేదు. ఈ సినిమాకి సంబంధించిన ఒక్క సీన్ కూడా ఫిల్మ్‌సిటీలో తీయ‌లేదు. అందుకే ఈ సినిమాకి ప్ర‌చారం క‌ల్పించ‌డానికి ఈనాడు ఏమంత ఉత్సాహం చూపించ‌లేద‌ని టాక్‌. ప్ర‌స్తుతం ప్ర‌భాస్ – నాగ అశ్విన్ ల సినిమా `ప్రాజెక్ట్ కె` ఫిల్మ్‌సిటీలోనే జ‌రుగుతోంది. సినిమా షూటింగ్ దాదాపుగా ఫిల్మ్‌సిటీలోనే చేస్తార‌ని టాక్‌. కాబ‌ట్టి.. బాహుబ‌లిలానే ప్రాజెక్ట్ కెకి కూడా భారీ ప్ర‌చారం క‌ల్పించాల‌ని ఈనాడు భావిస్తోంద‌ట‌. రామోజీ ఫిల్మ్‌సిటీలో షూటింగ్ జ‌రిపితే ఒక‌ర‌క‌మైన ప్ర‌చారం.. లేదంటే.. మ‌రో ర‌క‌మైన ప‌బ్లిసిటీ. ఇది ఈనాడు కొత్త రూలుగా మారిపోయిందిప్పుడు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“కడియం”ను టీడీపీకి ఇచ్చేసిన జనసేన !

రెండు రోజుల కిందట కడియం నుంచి వచ్చిన ఎంపీటీసీలతో పవన్ కల్యాణ్ సమావేశమై వైఎస్ఆర్ కాంగ్రెస్ పార్టీకి తీవ్ర హెచ్చరిక చేశారు. తమ పార్టీ ఎంపీటీసీలను లాక్కుంటే ఊరుకునేది లేదని స్వయంగా...

టీడీపీ, జనసేనకు ఆచంట దారి చూపిస్తున్న రఘురామ !

ఉభయగోదావరి జిల్లాల్లో టీడీపీ, జనసేన స్థానిక నాయకత్వం పొత్తులు పెట్టుకుని కొన్ని చోట్ల సమన్వయంతో కలిసి పని చేసి మంచి ఫలితాలు సాధించాయి. కడియం, ఆచంట వంటి చోట్ల విజయాలు సాధించారు....

“జేసీ” తెలంగాణకు వెళ్లిపోతారట !

అసెంబ్లీ సమావేశాలు ఏ రాష్ట్రంలో ప్రారంభమైనా తొలి రోజు అక్కడ తన హాజరు చూపించి ఏవో కొన్ని వ్యాఖ్యలు చేయకపోతే జేసీ దివాకర్ రెడ్డికి మనసు ఊరుకోదు. తెలంగాణ వర్షాకాల అసెంబ్లీ సమావేశాలు...

రివ్యూ: ల‌వ్ స్టోరి

తెలుగు360 రేటింగ్: 3/5 శేఖ‌ర్ క‌మ్ముల సినిమాలంటే ఓ న‌మ్మ‌కం. `మంచి సినిమానే తీస్తాడ్లే` అనే భ‌రోసా. అదో ట్రేడ్ మార్క్‌లా. త‌న ట్రాక్ రికార్డ్ అలాంటిది. త‌న సినిమాలు కొన్ని ఫ్లాప్ కావొచ్చు....

HOT NEWS

[X] Close
[X] Close