రెండు రాష్ట్రాలలో తెదేపా నేతలు అయోమయం!

ఆంధ్రప్రదేశ్ రాష్ట్రంలో వైకాపా ఎమ్మెల్యేలను తెలుగు దేశం పార్టీలో చేర్చుకోవడంతో ఇప్పుడు తెదేపా కూడా చాలా విచిత్రమయిన పరిస్థితులను ఎదుర్కోవలసి వస్తోంది. ఇంతవరకు తమ పార్టీ నేతలను తెరాసలో చేర్చుకొన్నప్పుడు తాము చేసిన విమర్శలు, విసిరిన సవాళ్లను ఇప్పుడు వైకాపాతో చేస్తుంటే దానికి ఏవిధంగా సమాధానాలు చెప్పుకోవాలో తెలియడం లేదు. తెరాసలో తెదేపా తమ్ముళ్ళ చేరికకి, తెదేపాలో వైకాపా ఎమ్మెల్యేల చేరికకి తేడా ఉందని ఏవిధంగా సమర్ధించుకోవాలో తెలియని పరిస్థితి. తలసాని యాదవ్ రాజీనామాకు, ఉపఎన్నికలకు డిమాండ్ చేస్తున్న తెదేపా, ఆంధ్రాలో మాత్రం ఆ నియమం తమకు వర్తించదని చెపుతోంది. కానీ దానిని ఏవిధంగా సమర్ధించుకోవాలో తెలియడం లేదు.

తెదేపా ప్రధాన కార్యదర్శి బొండా ఉమా మహేశ్వర రావు మాట్లాడుతూ “రాష్ట్రాభివృద్ధిని కోరుతున్న వారు, దానిలో పాలు పంచుకోవాలనుకొంటున్న వారే మా పార్టీలో చేరుతున్నారు. వారి చేత రాజీనామాలు చేయించి, ఉపఎన్నికలకి వెళ్ళినట్లయితే రాష్ట్రంలో అభివృద్ధికి ఆటంకం కలుగుతుంది. కనుక మా పార్టీలో చేరిన వైకాపా ఎమ్మెల్యేల చేత రాజీనామాలు చేయించాలనుకోవడం లేదు,” అని చెప్పారు.

మరి అటువంటప్పుడు తెలంగాణాలో తెరాసలో చేరే తెలుగు తమ్ముళ్ళు కూడా అదే మాట చెపుతున్నారు కదా..వారు రాజీనామాలు చేసి ఉపఎన్నికలు తెచ్చినట్లయితే అక్కడా అభివృద్ధికి ఆటంకం కలుగుతుంది కదా? అని ఇప్పుడు తెరాస ప్రశ్నించవచ్చును. ఈ వ్యవహారంలో ఏపిలో తెదేపా వ్యవహరిస్తున్న తీరు, అది చెపుతున్న ఇటువంటి మాటల వలన తెలంగాణాలో తెదేపా నేతలు ఇక తెరాసను వేలెత్తి చూపే అవకాశం లేకుండా పోయింది. పైగా ఇప్పుడు తలసాని శ్రీనివాస్ యాదవ్ వంటివారు తెదేపాను ప్రశ్నించగలుగుతున్నారు.

బయట పార్టీల వాళ్ళను చేర్చుకోవడం వలన తెరాసకు అంతర్గతంగా ఎటువంటి సమస్యలు ఎదురవుతున్నాయో, ఆంధ్రాలో తెదేపాకు కూడా ఇప్పుడు సరిగ్గా అటువంటి సమస్యలే ఎదుర్కోవలసివస్తోంది. ఇవ్వన్నీ చూస్తుంటే ప్రతిపక్ష పార్టీలలో వలసలు ప్రోత్సహించడం వలన లాభాల కంటే నష్టాలు, ఇబ్బందులే ఎక్కువగా ఉన్నట్లు కనిపిస్తున్నాయి. అయినా తెదేపా వైకాపా ఎమ్మెల్యేలను ఆకర్షించాలని ప్రయత్నిస్తూనే ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సర్పంచ్‌తో సీఎం..! కేసీఆర్ స్టైలే వేరు..!

తెలంగాణ సీఎం కేసీఆర్... ఓ సందేశాన్ని ప్రజల్లోకి బలంగా పంపాలంటే.. చాలా సింపుల్ టెక్నిక్ ఎంచుకుంటారు. గతంలో రెవిన్యూ సంస్కరణలు తేవాలనుకున్నప్పుడు.. భూవివాదాన్ని పరిష్కరించుకోలేక.. అధికారుల చుట్టూ తిరగలేక సోషల్ మీడియాలో పోస్టు...

అమర్‌గారూ.. ఆ వాదనలు అక్కడ చెల్లవండి..!

శ్రీవారి భూముల్ని అమ్మాలని తీసుకున్న నిర్ణయంతో ప్రభుత్వానికి సంబంధం లేదు. దానికి ప్రభుత్వాన్ని తప్పు పట్టడాన్ని అభ్యంతరం వ్యక్తం చేస్తున్నాను..! మరి టీటీడీ బోర్డు చైర్మన్‌ను ఎవరు నియమించారు..? టీటీడీకి స్వతంత్ర బోర్డు ఉంటుంది.. వారు...

ఏడాది యాత్ర 7: విద్య, వైద్య రంగాలపై దీర్ఘకాలిక వ్యూహం..!

ఆంధ్రప్రదేశ్‌లోముఖ్యమంత్రి జగన్మోహన్ రెడ్డి పాలనకు ఏడాది అవుతోంది. ఈ ఏడాదిలో ఆయన పరిపాలనా సంస్కరణలతో పాటు.. ప్రజల స్థితిగతుల్ని మార్చగలికే.. విద్యా, వైద్య రంగాలపై ప్రత్యేకంగా దృష్టి సారించారు. విప్లవాత్మక మార్పుల...

కోట్లకు కోట్ల కరెంట్ పనులు..! ఎవరా వీవీఐపీలు..?

ఓ ఇల్లు కడితే ఎంత అవుతుంది..? సామాన్యుడు డబుల్ బెడ్ రూం ఇల్లుని లగ్జరీగా కట్టుకుంటే రూ. 50 లక్షలు అవుతుంది. ధనవంతుడు విల్లాలా కట్టుకుంటే.. రెండు, మూడు కోట్లు అవుతుంది. కుబేరుడు వంద...

HOT NEWS

[X] Close
[X] Close