సీఎస్ టు సుప్రీంకోర్టు..! ఏపీ సర్కార్ ప్రయత్నాలు ఇన్నిన్ని కాదయా..!

స్థానిక సంస్థల ఎన్నికలను ఎట్టి పరిస్థితుల్లోనూ అనుకున్న షెడ్యూల్‌లోనే పూర్తి చేయాలనుకుంటున్న ఏపీ సర్కార్… దానికి అన్ని మార్కాలను వెదుక్కుంటోంది. ఒకటి తర్వాత ఒకటి…ఏ వైపు నుంచి కుదిరితే.. ఆ వైపు నుంచి ఎస్‌ఈసీ నిర్ణయం వెనక్కి తీసుకునేలా చేయడానికి సర్వశక్తులు ఒడ్డుతోంది. మొదటగా.. చీఫ్ సెక్రటరీ నీలం సాహ్నితో… ఎస్‌ఈసీ రమేష్‌కుమార్‌కు.. ప్రభుత్వం లేఖ రాయించింది. ఇది అసాధారణ ప్రయత్నం. ఎన్నికల నిలిపివేత నిర్ణయాన్ని రద్దు చేయాలని .. కరోనా నియంత్రణకు వైద్యారోగ్యశాఖ చర్యలు చేపట్టిందని వివరించారు. పోలింగ్‌ రోజు జనం గూమిగూడకుండా నియంత్రించవచ్చని .. మరో 3,4 వారాలు కరోనా అదుపులోనే ఉంటుందని సీఎస్ లేఖలో తెలిపారు.

స్థానిక ఎన్నికలు యథాతథంగా నిర్వహించాలని కోరారు. ఆ తర్వాత పార్టీకి చెందిన ఓ సానుభూతి పరుడితో..హైకోర్టులో పిటిషన్ దాఖలు చేయించారు. అత్యవసరంగా విచారణ జరపాలని.. స్థానిక సంస్థల ఎన్నికలను కొనసాగించాలని ఆదేశించారు. ఆ వెంటనే… సుప్రీంకోర్టునూ ఆశ్రయించారు. ఇది మంగళవారం.. రెగ్యులర్ పిటిషన్లతో కలిపి విచారణ చేసే అవకాశం ఉంది. వీటితోనే రాష్ట్ర ప్రభుత్వం తన ప్రయత్నాలు ఆపలేదు. కేంద్ర ప్రభుత్వ పెద్దలతో చెప్పించడం ద్వారా… ఎస్‌ఈసీ తన నిర్ణయాన్ని వెనక్కి తీసుకునేలా చేయాలన్న పట్టుదలతో ఆ పార్టీకి చెందిన నేతలు ఢిల్లీలో లాబీయింగ్ చేస్తున్నారు.

అంతకు ముందు గవర్నర్ ను కలిసిన ఎస్‌ఈసీ రమేష్ కుమార్.. ఎన్నికల వాయిదా నిర్ణయానికి గల కారణాలు వివరించారు.ప్రభుత్వం ఎట్టి పరిస్థితుల్లోనూ ఎన్నికలు నిర్వహించి తీరాలన్న పట్టుదలతో ఉండటంతో… దాని కోసం ఎలాంటి ఎక్స్‌ట్రీమ్ స్టెప్ అయినా వేసేందుకు సిద్ధపడటం.. ఈ విషయంలో.. ఏదో ఓ అనూహ్య పరిణామానికి దారి తీయడం ఖాయంగా కనిపిస్తోందన్న అభిప్రాయం వ్యక్తమవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైనా ప్రొడక్ట్స్ బ్యాన్ చేద్దాం అన్న నాగబాబు, కౌంటర్ ఇచ్చిన నెటిజన్లు

భారత్ చైనాల మధ్య ఉద్రిక్తతలు 1960వ దశకం నుండి ఉన్నాయి. అప్పుడప్పుడు హిందీ చీనీ భాయి భాయి అంటూ సత్సంబంధాలు నెరపడం, మళ్ళీ అప్పుడప్పుడు చైనా కయ్యానికి కాలు దువ్వడం దశాబ్దాలుగా జరుగుతోంది....

పరిహారం, పర్యావరణానికి ఎల్జీ పాలిమర్స్ కట్టిన రూ.50 కోట్లు ..!

ఎల్జీ పాలిమర్స్ సంస్థ కలెక్టర్ వద్ద డిపాజిట్ చేసిన యాభై కోట్ల రూపాయలను..పర్యావరణ పునరుద్ధరణ.. బాధితులకు పరిహారం కోసం వినియోగించాలని నేషనల్ గ్రీన్ ట్రిబ్యూనల్ స్పష్టమైన తీర్పును వెల్లడించింది. కేంద్ర పర్యావరణ...

మరో మూడు నెలలు సీఎస్‌గా సహాని..!

ఆంధ్రప్రదేశ్ ప్రభుత్వ ప్రధాన కార్యదర్శి నీలం సహానికి మరో మూడు నెలల పొడిగింపు లభించింది. మామూలుగా ఆమెకు జూన్ 30వ తేదీతో రిటైర్ కావాల్సి ఉంది. అయితే.. ప్రభుత్వం కేంద్ర ప్రభుత్వానికి...

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

HOT NEWS

[X] Close
[X] Close