వైసీపీ ముస్లిం నేతల రాజీనామాల హెచ్చరికలు..! సీరియస్సేనా..?

ఎన్నార్సీపై కేంద్రం ముందుకెళ్తే రాజీనామా చేస్తానని తనకు పదవులు ముఖ్యం కాదని.. ఉపముఖ్యమంత్రి అంజాద్ భాషా ప్రకటించారు. తనకు కూడా అంతేనని.. అసెంబ్లీలో ఎన్నార్సీకి వ్యతిరేకంగా తీర్మానం చేయకపోతే.. రాజీనామా చేస్తానని.. గుంటూరు తూర్పు ఎమ్మెల్యే ముస్తఫా ప్రకటించారు. మజ్లిస్ అధినేత అసదుద్దీన్.. వారాంతాల్లో ఏపీలో.. సీఏఏ, ఎన్నార్సీ వ్యతిరేక సభలు నిర్వహిస్తున్నారు. అందులో అధికార పార్టీ .. తన మిత్రుడు అయిన జగన్మోహన్ రెడ్డిని విమర్శిస్తున్నారు. గుంటూరులో ఏర్పాటు చేసిన..ఎన్నార్సీ వ్యతిరేక సభలో.. మోడీ అంటే.. జగన్‌కు భయమని తేల్చారు. అసెంబ్లీలో తీర్మానం చేయాలని డిమాండ్ చేశారు. ఇదే సభలో పాల్గొన్న ఎమ్మెల్యే ముస్తఫా తీర్మానం చేయకపోతే రాజీనామా చేస్తానని ప్రకటించారు.

వైసీపీ ముస్లిం ప్రజాప్రతినిధులు…ఓ రకంగా ముస్లింలను మభ్యపెట్టే ప్రయత్నమే చేస్తున్నారని చెప్పుకోవచ్చు. ఎందుకంటే.. వైసీపీ.. ఎన్నార్సీ చట్టానికి అనుకూలంగా పార్లమెంట్‌లో ఓటు వేసింది. అది రికార్డెడ్. చట్ట పరంగా వైసీపీ ఇక వెనక్కి తగ్గే అవకాశం లేదు. పార్లమెంట్‌లో మద్దతిచ్చి.. బయట ముస్లింల ముందు వ్యతిరేకత వ్యక్తం చేయడం అంటే.. పార్లమెంట్‌ను అవమాన పరిచినట్లే అవుతుంది. అయినప్పటికీ.. ప్రజాగ్రహాన్ని తప్పించుకోవడానికి.. తాము ముస్లింలకు అండగా ఉంటామని చెప్పుకునేందుకు .. ఇప్పుడు వైసీపీ ప్రజాప్రతినిధులు.. ఎన్నార్సీకి వ్యతిరేకమని.. వ్యతిరేకంగా అసెంబ్లీలో తీర్మానం చేయిస్తామని చెబుతున్నారు.

ముఖ్యమంత్రి జగన్మోహన్ రెడ్డి కూడా… ఎన్నార్సీ విషయంలో ఏం చేయాలన్నదానిపై తర్జనభర్జన పడుతున్నట్లుగా చెబుతున్నారు. ఏపీలో ఎన్నార్సీని అమలు చేయబోమంటూ.. కొన్నాళ్ల క్రితం.. కడప పర్యటనలో బహిరంగంగా ప్రకటించారు. ఆ తర్వాత ఇటీవల కర్నూలు పర్యటనకు వెళ్లినప్పుడు.. ముస్లిం పెద్దలతో.. కేంద్ర చట్టాన్ని .. అమలు చేయకుండా ఆపే హక్కు రాష్ట్ర ప్రభుత్వానికి లేదని.. చెప్పినట్లుగా ప్రచారం జరిగింది. దీంతో.. వైసీపీ విధానంపై స్పష్టత లేక.. ముస్లింలు కూడా.. ఆందోళన చెందుతున్నారు. అయితే.. వారు మాత్రం పోరు బాట ఆపడం లేదు. ప్రభుత్వంపై ఒత్తిడి పెంచుతున్నారు. తమపై వస్తున్న ఒత్తిడికి తగ్గట్లుగానే రాజీనామాల ప్రకటనలను..వైసీపీ ముస్లిం నేతలు చేస్తున్నారు. దీనికి వైసీపీ అధినేత ఎలాంటి పరిష్కారం కనుగొంటారో మరి..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైనా ప్రొడక్ట్స్ బ్యాన్ చేద్దాం అన్న నాగబాబు, కౌంటర్ ఇచ్చిన నెటిజన్లు

భారత్ చైనాల మధ్య ఉద్రిక్తతలు 1960వ దశకం నుండి ఉన్నాయి. అప్పుడప్పుడు హిందీ చీనీ భాయి భాయి అంటూ సత్సంబంధాలు నెరపడం, మళ్ళీ అప్పుడప్పుడు చైనా కయ్యానికి కాలు దువ్వడం దశాబ్దాలుగా జరుగుతోంది....

పరిహారం, పర్యావరణానికి ఎల్జీ పాలిమర్స్ కట్టిన రూ.50 కోట్లు ..!

ఎల్జీ పాలిమర్స్ సంస్థ కలెక్టర్ వద్ద డిపాజిట్ చేసిన యాభై కోట్ల రూపాయలను..పర్యావరణ పునరుద్ధరణ.. బాధితులకు పరిహారం కోసం వినియోగించాలని నేషనల్ గ్రీన్ ట్రిబ్యూనల్ స్పష్టమైన తీర్పును వెల్లడించింది. కేంద్ర పర్యావరణ...

మరో మూడు నెలలు సీఎస్‌గా సహాని..!

ఆంధ్రప్రదేశ్ ప్రభుత్వ ప్రధాన కార్యదర్శి నీలం సహానికి మరో మూడు నెలల పొడిగింపు లభించింది. మామూలుగా ఆమెకు జూన్ 30వ తేదీతో రిటైర్ కావాల్సి ఉంది. అయితే.. ప్రభుత్వం కేంద్ర ప్రభుత్వానికి...

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

HOT NEWS

[X] Close
[X] Close