అవినీతిపై అవే నీతులు..! సబ్ కమిటీ కూడా చేతులెత్తేసినట్లే..!?

అవినీతిని బయట పెట్టడానికి ఆరు వారాల గడువు పెట్టుకున్న ఏపీ ముఖ్యమంత్రి జగన్మోహన్ రెడ్డి..సబ్ కమిటీలు, నిపుణుల కమిటీలు వేశారు. అన్నింటికీ ఆరు వారాల గడువు ఇచ్చారు. అయితే.. ఆరు వారాలు గడువు ముగిసినప్పటికీ… ఆ కమిటీలతో సమావేశాలు పెట్టి… ఇంకా అంతటా అవినీతి కనిపిస్తోందని లెక్చరిస్తున్నారే తప్ప.. ఫలానా దాంట్లో.. ఇంత అవినీతి జరిగిందని.. ఆధారాలు బయటపెట్టి.. సంబంధికులపై చర్యలు తీసుకునే వరకూ.. ముందడుగు వేయలేకపోతున్నారు. ఏడు వారాల కిందట… గత ప్రభుత్వ హయాంలో తీసుకున్న నిర్ణయాలన్నింటినీ సమీక్షించి.. అవినీతిని వెలికి తీయాలని..కేబినెట్ సబ్ కమిటీని నియమించారు. ఆరువారాల గడువిచ్చారు. ఆ తర్వాత ఒకటి , రెండు సార్లు రివ్యూ చేశారు. గడువు ముగిసిన తర్వాత మళ్లీ మరోసారి ఆ కమిటీతో సమావేశమయ్యారు. అవినీతిపై.. ఆ కమిటీ సంచలనాత్మకమైన విషయాలేమైనా బయట పెడుతుందేమో.. అని చాలా మంది అనుకున్నారు కానీ… మళ్లీ ఆ భేటీ.. జగన్మోహన్ రెడ్డి.. నీతి వాక్యాలకే పరిమితమయింది.

అవినీతిపై పోరాడే క్రమంలో.. తనపై ఎన్నో ఒత్తిళ్లు వస్తున్నాయని..స్వయంగా జగన్మోహన్ రెడ్డినే చెప్పుకుని.. వీరోచితంగా… వాటిని ఎదుర్కొంటున్నట్లుగా ప్రకటించారు. రివర్స్‌ టెండరింగ్‌పై వెనక్కి తగ్గేది లేదని… అవినీతిపై పోరాటంలో ఒత్తిళ్లకు తలొగ్గొద్దని…కమిటీకి కూడా సూచించారు. గత ప్రభుత్వం టెండర్లలో అన్నీ కుంభకోణాలే కనిపిస్తున్నాయని… చివరికి తీసుకున్న రుణాల్లోనూ స్కాములు జరిగాయని.. ఆవేదన చెందారు. రివర్స్‌ టెండరింగ్‌పై వెంటనే నిర్ణయాలు తీసుకోవాలని ఆదేశించారు. దీనివల్ల మిగిలే ప్రతిపైసా ప్రజలకే చెందుతుందని గుర్తుంచుకోవాలని హితవు పలికారు. దేశంలోనే అత్యున్నత విధానాలతో అవినీతిరహిత పాలనను అందించే… ప్రతి ప్రయత్నానికి గట్టిగా సహకరించాలని సూచించారు.

గత ఐదేళ్ల పాలనలో ప్రతి దాంట్లోనూ అవినీతి జరిగిందని… ప్రస్తుత సీఎం కుండ బద్దలు కొడుతున్నారు. వాటి సంగతి తేలుస్తానంటూ… అదే పనిగా చెబుతున్నారు. అవినీతి అంటే గిట్టదని.. చెబుతున్నారు. కానీ.. అసలు గతంలో ఏం అవినీతి జరిగిందో.. గత రెండున్నర నెలల పాలనలో ఒక్కటంటే.. ఒక్కటీ బయట పెట్టలేకపోయారు. దాంతో… జగన్మోహన్ రెడ్డి చెబుతున్న నీతి వాక్యాల మీద… గత ప్రభుత్వం మీద ఆయన చేస్తున్న ఆరోపణలపై సీరియస్ నెస్ లేకుండా పోతోందన్న అభిప్రాయాలు గట్టిగానే వినిపిస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కండ‌లు పెంచుతున్న‌ నాగ‌శౌర్య

ల‌వర్ బోయ్ పాత్ర‌ల‌కు అచ్చుగుద్దిన‌ట్టు స‌రిపోతాడు నాగశౌర్య‌. త‌న కెరీర్‌లో అలాంటి క‌థ‌లే ఎక్కువ విజ‌యాల్ని అందించాయి. అయితే... మాస్ హీరోగా నిరూపించుకోవాల‌న్న‌ది నాగ‌శౌర్య తాప‌త్ర‌యం. అలాంటి క‌థ‌లు ఎంచుకుంటున్నా - స‌రైన...

‘పుష్ష‌’‌పై విజ‌య్‌ సేతుప‌తి క్లారిటీ

అల్లు అర్జున్ - సుకుమార్‌ల హ్యాట్రిక్ సినిమా 'పుష్ష‌'. ఈ సినిమా కోసం విజ‌య్ సేతుప‌తిని విల‌న్ గా ఎంచుకున్నారు. కొన్ని కార‌ణాల వ‌ల్ల విజ‌య్ ఈ సినిమా నుంచి త‌ప్పుకున్నాడు. ఆ...

వ‌ర్మ‌ని లైట్ తీసుకున్నాడా?

రాంగోపాల్ వ‌ర్మ పేల్చ‌బోతున్న బాంబు `ప‌వ‌ర్ స్టార్‌`. ఓటీటీ వేదిక‌గా వ‌ర్మ ఇది వ‌ర‌కు ప‌లు సినిమాల్ని వ‌దిలాడు. దేనికీ రాని క్రేజు.. `ప‌వ‌ర్ స్టార్‌`కి వ‌చ్చింది. ఈ సినిమా స్పెషాలిటీ గురించి...

రాజకీయాల్లో రాజస్థాన్ “సచిన్” హిట్ వికెట్ ..!?

రాజస్థాన్ ప్రభుత్వాన్ని మధ్యప్రదేశ్‌లో జ్యోతిరాదిత్య సింధియా కూల్చేసినట్లుగా కూల్చేస్తారని భావించిన సచిన్ పైలట్.. చివరికి.. హిట్ వికెట్‌గా మారుతున్న సూచనలు కనిపిస్తున్నాయి. తన వైపు 30 మంది ఎమ్మెల్యేలు ఉన్నారని.. ఆయన తనకు...

HOT NEWS

[X] Close
[X] Close