జగన్‌ను ఆపినట్లే బాబును ఆపారా..? ప్రతీకారమే రాజకీయమా..?

ప్రతిపక్ష నేత చంద్రబాబును రేణిగుంట ఎయిర్ పోర్టులో పోలీసులు నిర్బంధించడం అనేక రకాల చర్చలు.. వాదనలకు కారణం అవుతోంది. అధికార పార్టీ నేతలు.. అభిమానులు..సోషల్ మీడియా కార్యకర్తలు..గతంలో వైజాగ్‌లో జగన్మోహన్ రెడ్డిని ఎయిర్‌పోర్టు నుంచి బయటకు పోనీయని ఘటన గురించి గుర్తు చేసి.. బాగా అయిందని.. టిట్ ఫర్ టాట్ అంటూ ప్రచారం చేస్తున్నారు. ప్రతీకారం తీర్చుకోవాలనుకున్న వారి మైండ్ సెట్‌కు ఇది బాగా అని అనిపిస్తోంది కానీ.. ప్రజాస్వామ్య రాజకీయం ఆశించేవారికి మాత్రం..ఇదేం ఆలోచన అని.. ఆశ్చర్యపోక తప్పని పరిస్థితి కనిపిస్తోంది.

విశాఖలో జగన్‌ను అడ్డుకున్న సమయంలో అక్కడ ఉద్రిక్త పరిస్థితులు ఉన్నాయి. ఎలాంటి ఎన్నికలు లేవు. అప్పటికే ఆంక్షలు విధించారు. తర్వాతిరోజు పెట్టుబడుల సదస్సు ఉంది. వీటన్నింటి కారణంగా జగన్ ను పోలీసులు వెనక్కి పంపారు. ఆ సమయంలో జగన్.. ఎయిర్‌పోర్టులో పోలీసులపై వీరంగం సృష్టించారు. అధికారంలోకి వచ్చిన తర్వాత తనను అడ్డుకున్న పోలీసుల్ని బ్లాక్ లిస్టులో కూడా పెట్టారు. ఇప్పుడు అప్పట్లో ముఖ్యమంత్రిగా ఉన్న చంద్రబాబును ఎయిర్ పోర్టుల నుంచి వెనక్కి పంపేలా వ్యవహరిస్తున్నారు. గతంలో విశాఖలో అంతేచేశారు. ఇప్పుడు తిరుపతిలో అంతే చేశారు. రెండు సందర్భాల్లోనూ బయట ఎలాంటి ఉద్రిక్త పరిస్థితులు లేవు. ఆయనరాజకీయ కార్యక్రమాలకు వెళ్తున్నారు. ప్రభుత్వ పరంగా పెట్టుబడుల సదస్సులూ చేయడం లేదు. అయినప్పటికీ.. చంద్రబాబును నిలిపివేసి టిట్ ఫర్ టాట్ అని ప్రచారం చేస్తున్నారు.

ప్రజలు కాదు ప్రతీకారమే రాజకీయం అనుకున్నప్పుడు..ఇలాంటివి సహజంగానే జరుగుతూఉంటాయి. నిజంగా రాజకీయ నాయకులు అయితే.. వైజ్‌గా ఆలోచించి.. గతంలో చంద్రబాబు అలా చేయడం వల్లే ఆయనకు ఘోర పరాజయం ఎదురయిందని.. తాము మరింత డీసెంట్‌గా ఉండాలని ఆనుకుంటారు. కానీ ఆయన కన్నా రెండింతలు ఎక్కువగా చేయడం వల్ల.. తమకు అంత కన్నా ఘోర పరాజయం ఎదురవుతుందని ప్రజల్లో వ్యతిరేకత వస్తుందని అంచనా వేయలేకపోతున్నారు. ఇక్కడ అధికారం అనే మత్తు వారి కళ్లను కప్పేస్తుందని అనుకోవచ్చు. ఇలాంటి పగ, ప్రతీకారాల కోసం అధికారాన్ని ఉపయోగించుకుంటే.. భవిష్యత్‌లో అవే వారి మెడకు చుట్టుకునే ప్రమాదం ఉంది. భవిష్యత్ గురించి ఆలోచించకుండా క్షణిక ఆనందాలకోసం కక్ష రాజకీయాలుచేస్తే నష్టం జరిగేది రాజకీయనాయకులకు మాత్రమే కాదు..రాష్ట్రానికి కూడా..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కెప్టెన్‌ను క్లీన్ బౌల్డ్ చేసిన సిద్దూ.. ఇక కిరీటమే..!

పంజాబ్ ముఖ్యమంత్రి అమరీందర్ సింగ్ రాజీనామా చేశారు. పీసీసీ అధ్యక్షుడిగా నియమితులైన నవజ్యోత్ సింగ్ సిద్ధూ రాజకీయం దెబ్బకు తట్టుకోలేక అవమానాలు భరించలేక ఆయన పదవీ త్యాగం చేసేశారు. ఇప్పుడు సిద్ధూకు ముఖ్యమంత్రి...

తరుణ్, పూరిల శాంపిల్స్‌లో డ్రగ్స్ లేవట..! అందరివీ లేనట్లేగా ?

నాలుగేళ్ల కిందట తీసుకున్న శాంపిల్స్‌ టెస్టుల ఫలితాలను తెలంగాణ ఎక్సైజ్ శాఖ ఇప్పుడు కోర్టుకు సమర్పించింది. తరుణ్ , పూరి జగన్నాథ్‌ల నుంచి సేకరించిన గోళ్లు, వెంట్రుకలు, బ్లడ్ శాంపిల్స్‌లోని 2017లోనే ఎఫ్ఎస్ఎల్‌...

తృణమూల్‌లోకి బీజేపీ సిట్టింగ్ ఎంపీలు కూడా జంప్!

బెంగాల్ బీజేపీకి వరుస ఎదురు దెబ్బలు తగులుతున్నాయి. ఓ వైపు వలస వచ్చిన నేతలంతా వరుస కట్టి బయటకు పోతూంటే... ముందు నుంచీ ఉన్న నేతలు కూడా.. అదే బాట పడుతున్నారు....

డ్రగ్స్ టెస్టుకు సిద్ధమన్న కేటీఆర్ !

రేవంత్ రెడ్డి చేస్తున్న విమర్శలను తెలంగాణ మంత్రి కేటీఆర్ సీరియస్‌గా తీసుకుంటున్నారు. ఇటీవలి కాలంలో డ్రగ్స్ కేసుపై రేవంత్ రెడ్డి పలు ఆరోపణలు చేశారు. ఎక్కువగా కేటీఆర్‌ను టార్గెట్ చేసే చేశారు కానీ...

HOT NEWS

[X] Close
[X] Close