టీవీ 5ని బ్యాన్ చేసిన వైసీపీ..! సపోర్ట్ చేయకపోతే అంతేనా…?

వైఎస్ఆర్ కాంగ్రెస్ పార్టీ టీవీ 5 న్యూస్ చానల్‌పై పార్టీ పరంగా నిషేధం విధించింది. ఆ చానల్ తెలుగుదేశం పార్టీకి ఏకపక్షంగా మద్దతు తెలుపుతోందని వైసీపీ ఆరోపిస్తోంది. వార్తా ప్రసారాలు, టీవీ చర్చలు అన్నీ టీడీపీకి అనుకూలంగా ఉంటున్నాయని వైసీపీ ఆరోపిస్తోంది. ఇకపై ఆ చానల్‌ నిర్వహించే చర్చాకార్యక్రమాలకు తమ పార్టీ నేతలు వెళ్లబోరని, అదే సమయంలో ఆ చానల్ కూడా తమ నేతలు ఎవర్నీ ఆహ్వానించవద్దని ఆ పార్టీ విడుదల చేసిన ప్రెస్‌నోట్ లో పేర్కొన్నారు. వైఎస్ఆర్ కాంగ్రెస్ పార్టీ టీవీ 5ను దూరం పెట్టడం మీడియా వర్గాలను ఆశ్చర్యపరిచేదే. ఎందుకంటే 2014కి ముందు ఆ తర్వతా కూడా వైఎస్ఆర్ కాంగ్రెస్ పార్టీకి హార్డ్ కోర్‌గా సపోర్ట్ చేసిన చానల్ టీవీ 5. గత ఎన్నికలకు ముందు ఎన్ టీవీతో పోటీగా వైసీపీకి సపోర్ట్ చేసింది. ఆ కారణంగా టీడీపీ నేతలు టీవీ 5 పై చాలా సార్లు ఆగ్రహం వ్యక్తం చేశారు. అయితే ఎన్నికల ఫలితాల తర్వాత మెల్లగా తన విధానం మార్చుకుంది. తెలంగాణలో టీఆర్ఎస్‌తో సన్నిహితంగా వ్యవహరిస్తోంది కానీ వైసీపీతో క్రమంగా దూరం పెంచుకుంది.

ఇటీవలి కాలంలో ప్రముఖ జర్నలిస్ట్ మూర్తి ఆ చానల్‌లో చేరడంతో ఆ చానల్‌లో వార్తల స్వరూపంలో మౌలికమైన మార్పులు వచ్చాయి. మూర్తి చాలా అగ్రెసివ్‌గా న్యూస్ ప్రజెంట్ చేస్తూంటారు. బీజేపీ ఏపీని మోసం చేసిన విషయాన్ని ఆయన నిర్మొహమాటంగా ప్రజలపై ఉంచుతారు. నేరుగా డిబేట్ లో పాల్గొనేవారిని ఇరుకున పెడతారు. ఇటీవల డేటా చోరీ ఇష్యూలోనూ లాజికల్ పాయింట్లతో చర్చా కార్యక్రమాలు నిర్వహించారు. అది వైసీపీ నేతలకు నచ్చినట్లు లేదు. అదే సమయంంలో గత ఎన్నికల సమయంలోలా తమకు మద్దతు ఇవ్వాలని వైసీపీకి మద్దతుగా ఓ సర్వేను ప్రసారం చేయాలని వైసీపీ అగ్రనాయకత్వం నుంచి వత్తిడి వచ్చినట్లు ప్రచారం జరుగుతోంది. దానికి అంగీకరించని కారణంగానే టీవీ 5ని బ్యాన్ చేశారని చెబుతున్నారు. కారణం ఏదైనా టీవీ 5ని టీడీపీ చానళ్ల లిస్టులో చేర్చింది వైసీపీ.

టీవీ 9 విషయంలోనూ కొద్ది రోజులుగా వైసీపీ ఇదే విధానంతో ఉండేది. కానీ ఇటీవలి కాలంలో ఆ చానల్ యాజమాన్యం చేతులు మారింది. దీంతో కాస్త జగన్ కు స్పేస్ దొరుకుతుంది. ఆ చానల్ తన తటస్థ హోదాను నిలబెట్టుకునే ప్రయత్నంలో ఉంది. గతంలో వైసీపీ ఏబీఎన్ – ఆంధ్రజ్యోతిపై నిషేధం విధించింది. ఆ పార్టీకి చెందిన వారు చానల్ డిబేట్లలో పాల్గొనరు. ఆహ్వానించరు. ఎలా అయినా మీడియాతో మాత్రం… వైసీపీ విరోధం పెంచుకుంటూనే పోతోంది. తమకు అనుకూలంగా వార్తలు ప్రసారం చేయని చానళ్లను టీడీపీ కేటగరిలో నెట్టి.. సంతృప్తి చెందుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఎస్వీ కృష్ణారెడ్డి ద‌ర్శ‌క‌త్వంలో…

ఒక‌ప్పుడు కుటుంబ క‌థా చిత్రాల‌కు కేరాఫ్ అడ్ర‌స్స్‌గా క‌నిపించిన పేరు.. ఎస్వీ కృష్ణారెడ్డి. దాదాపు అన్నీ హిట్లే. హీరోగా మారాక ఆయ‌న కెరీర్ గ్రాఫ్ అమాంతంగా ప‌డిపోయింది. ద‌ర్శ‌కుడిగానూ బ్యాక్ స్టెప్ వేయాల్సివ‌చ్చింది....

రామ్ చ‌ర‌ణ్ కోసం ప్లాన్ బి

ఆర్‌.ఆర్‌.ఆర్ షూటింగ్‌కు అన్ని ఏర్పాట్లూ జ‌రుగుతున్నాయి. హైద‌రాబాద్ శివార్లలోని అల్యూమినియం ఫ్యాక్ట‌రీలో ఇది వ‌ర‌కే వేసిన సెట్లో.. ఇప్పుడు కొత్త షెడ్యూల్ మొద‌లెడ‌తారు. ఎన్టీఆర్‌, చ‌ర‌ణ్‌పై యాక్ష‌న్ ఘ‌ట్టంతో ఈ షెడ్యూల్‌కి...

తెలంగాణ సర్కారు మెడకు “సీక్రెట్ కరోనా మరణం”..!

కరోనా వైరస్‌ను డీల్ చేస్తున్న వ్యవహారంలో తెలంగాణ సర్కార్‌కు హైకోర్టు నుంచి ఎదురుదెబ్బలు తప్పడం లేదు. టెస్టులు తక్కువ చేయడంపై ఇప్పటికే హైకోర్టు సీరియస్ అయింది. ఇప్పుడు కొత్తగా కరోనా మరణం పేరుతో.....

రాయలసీమ ఎత్తిపోతలను రిస్క్‌లో పెట్టేసిన ఏపీ సర్కార్..!

తెలంగాణతో ఉన్న సన్నిహిత సంబంధాలతో.. స్మూత్‌గా రాయలసీమ ఎత్తిపోతల ప్రాజెక్టును నిర్మించాల్సిన ఏపీ ప్రభుత్వం... అనవసర వివాదంతో.. కేఆర్ఎంబీ దృష్టిలో పడేలా చేసుకుంది. ఫలితంగా.. ఇప్పుడు.. అపెక్స్ కౌన్సిల్ అనుమతి ఉంటే తప్ప.....

HOT NEWS

[X] Close
[X] Close