సజ్జలపై వైసీపీలో పెరుగుతున్న అసంతృప్తి !

నిన్నటిదాకా ఆయనను హోంశాఖ షాడో మంత్రిగానే చెప్పేవారు. హోంమంత్రి సుచరిత ఎక్కడో దుకాణాలు, వ్యాపార సంస్థల ఓపెనింగ్‌లతో బిజీగా ఉంటే ఆమె తరపున పోలీసుల్ని చిటికెన వేలు మీద ఆడించే వ్యక్తిగా సజ్జల రామకృష్ణారెడ్డికి పేరు ఉంది. ఇప్పుడు అది మరింత విస్తరించింది. ఆయనను సకల శాఖల మంత్రిగా చెబుతున్నారు. ఏపీలో ఎలాంటి కష్టం వచ్చినా నష్టం వచ్చినా ప్రభుత్వం నిర్ణయం తీసుకున్నా ఆయనే ముందుకు వస్తున్నారు. ఓ రకంగా ప్రభుత్వం అంటే సజ్జల అంటే ప్రభుత్వం అన్న పరిస్థితి వచ్చేసింది. మొన్నటికి మొన్న ఉద్యోగ సంఘాల నేతలు కూడా సెక్రటేరియట్‌కి వెళ్తే ఎవరూ ఉండరు ఒక్క సజ్జల తప్ప అని తేల్చేశారు

ప్రభుత్వంలోనే కాదు పార్టీలోనూ అదే పరిస్థితి. వైసీపీలో పార్టీ పరంగా ఎలాంటి నిర్ణయం తీసుకోవాలన్న సజ్జలే. పార్టీ నేతలు ఏం మాట్లాడాలో.. ఎలా మాట్లాడాలో కూడా సజ్జలే దిశానిర్దేశం చేస్తారు. అందుకే ఇప్పుడు పదవులు రాని వారు.. గుర్తింపునకు నోచుకోని వారందరికీ సజ్జలే టార్గెట్ అవుతున్నారు. ఆయనపై విమర్శలు గుప్పించే వారి సంఖ్య రాను రాను పెరుగుతోంది. ఇప్పటి వరకూ బయట పార్టీల నేతలు .. సజ్జలకు ప్రభుత్వానికి ఏం సంబంధం అని ప్రశ్నిస్తూ వస్తున్నారు. ఆయన నియామకంపై కోర్టుల్లో పిటిషన్లు కూడా పడ్డాయి. ఇప్పుడు సొంత పార్టీ నేతలు కూడా విమర్శలు ప్రారంభించారు.

మైదుకూరు మాజీ ఎమ్మెల్యే డీఎల్ రవీంద్రారెడ్డి తాజాగా సజ్జలపై నేరుగా విమర్శలు గుప్పించారు. ఏపీలో ముఖ్యమంత్రి.. మంత్రులు ఎంతోమంది ఉంటే సజ్జల ఎందుకు మాట్లాడుతున్నారని ఆయన ‌ప్రశ్నించారు. సజ్జలపై వైసీపీలో ఇప్పటికే అంతర్గతంగా అసంతృప్తి ఉంది . ఆయన డామినేషన్‌పై అనేక మంది ప్రజాప్రతినిధులు అసంతృప్తిగా ఉన్నారు. కనీసం జగన్‌తో మాట్లాడేందుకు కూడా అనుమతించడం లేదని.. ఆయనతోనే అన్నీ చెప్పాలని అంటున్నారని అసంతృప్తిలో ఉన్నారు. అటు పార్టీలో .. ఇటు ప్రభుత్వంలో సజ్జలే ఎదురుగా కనిపిస్తూండటంతో జగన్ అపాయింట్‌మెంట్ దొరక్క చాలా మంది రగిలిపోతున్నారు. ఇప్పుడు డీఎల్ బయటకు వచ్చారు.. ముందు ముందు మరో ఇద్దరు ముగ్గురు నేతలు బయటకు వస్తే సజ్జల కూడా ఇబ్బందికర పరిస్థితులు ఎదుర్కొంటారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అలాంటి పరామర్శలతో బాధితులకు భరోసా వస్తుందా !?

సొంత జిల్లా ప్రజలు అతలాకుతలమైపోయినా సీఎం జగన్ పట్టించుకోలేని తీవ్రంగా విమర్శలు ఎదుర్కొన్న తర్వాత రెండు రోజుల పాటు వరద బాధిత ప్రాంతాల్లో పర్యటించారు. తిరుపతి, కడపతో పాటు నెల్లూరు జిల్లాలోనూ పర్యటించారు....

ఆ గోరు ముద్దలు జగనన్నవి కావట !

జగనన్న గోరు ముద్ద, జగనన్న పాలు, వైఎస్సార్‌ సంపూర్ణ పోషణ అంటూ .. అంగన్‌వాడీ పిల్లలకు ఇస్తున్న ఆహారానికి పబ్లిసిటీ చేసుకుంటున్న ఏపీ సీఎం జగన్‌కు కేంద్ర ప్రభుత్వం షాక్ ఇచ్చింది. తక్షణం...

టికెట్ రేట్లు తగ్గించే ఆలోచన లేదు : మంత్రి తలసాని

తెలంగాణ ప్రభుత్వానికి సినిమా టికెట్‌ ధరలు తగ్గించే ఆలోచన లేదని స్పష్టం చేశారు. ప్రభుత్వానికి లేదని తెలంగాణ సినిమాటోగ్రఫీశాఖ మంత్రి తలసాని శ్రీనివాస్‌ యాదవ్‌. తెలుగు సినీ పరిశ్రమకు చెందిన నిర్మాతలు, దర్శకులతో...

ఏపీ ఉద్యోగ సంఘ నేతలను వ్యూహాత్మకంగా అవమానిస్తున్నారా !?

ముఖ్యమంత్రి జగన్, ఆర్థిక మంత్రి బుగ్గన కావాలనే ఉద్యోగుల్ని, ఉద్యోగ సంఘ నేతల్ని తీవ్రంగా అవమానించాలని లక్ష్యంగా పెట్టుకున్నట్లుగా ఉన్నారు. పీఆర్సీ కోసం అదే పనిగా పోరాటం చేస్తున్న ఉద్యోగ సంఘాల నేతలతో...

HOT NEWS

[X] Close
[X] Close