14 మంది భారతీయ విద్యార్ధులను వెనక్కి తిప్పి పంపిన అమెరికా

డిల్లీ, హైదరాబాద్, ఛత్తీస్ ఘడ్ లకు చెందిన 14 మంది భారతీయ విద్యార్ధులను అమెరికా ఇమ్మిగ్రేషన్ అధికారులు వెనక్కి తిప్పి పంపేశారు. వారందరూ అమెరికాలోని సిలికాన్‌ వ్యాలీ వర్సిటీ, నార్త్‌ వెస్ట్రన్‌ పాలిటెక్నిక్‌ కాలేజిలలో చేరేందుకు శాన్ ఫ్రాన్సిస్ కో చేరుకొన్నప్పుడు వారు అమెరికాలో ప్రవేశించడానికి ఇమ్మిగ్రేషన్ అధికారులు అనుమతి నిరాకరించారు. వారు చేరాలనుకొన్న ఆ రెండు విశ్వద్యాలయాలపై కొన్ని ఆరోపణలు రావడంతో వాటిలో కొన్ని పరిమితులకు లోబడి విద్యార్ధులను తీసుకోవడానికి మాత్రమే అమెరికా ప్రభుత్వం అంగీకరించింది. వాటిలో చేరేందుకు వచ్చిన విద్యార్ధులను ఎఫ్.బి.ఐ. అధికారులు కొన్ని గంటలపాటు ప్రశ్నించిన తరువాత అందరినీ వెనక్కి తిప్పి పంపేశారు. వారిని ఏ కారణం చేత వెనక్కి తిప్పి పంపివేశారో ఇంకా తెలియవలసి ఉంది.

ఆ విశ్వవిద్యాలయాలలో చదువుకోవడానికి ఇక్కడ భారత్ లో అమెరికన్ కౌన్సిలేట్ వీసా జారీ చేసిన తరువాతే సాధ్యం అవుతుంది. అంటే వారు ఆ విశ్వవిద్యాలయాలలో చదువుకొనేందుకే అమెరికా వెళ్ళాలనుకొంటున్నారని ద్రువీకరించుకొని, వారు అమెరికాలో ప్రవేశించడానికి అన్నివిధాల అర్హులని భావించిన తరువాతే వారికి వీసాలు మంజూరు చేసినప్పుడు మళ్ళీ ఈవిధంగా చేయడం చాలా ఆశ్చర్యం కలిగిస్తోంది.

అమెరికాలోనే ఉన్నత విద్య అభ్యసించాలనుకొనే విద్యార్ధుల కోసం అక్కడ స్థిరపడిన ప్రవాస భారతీయులు, సీనియర్ విద్యార్ధులు ప్రతీ చిన్న అంశం గురించి క్షుణ్ణంగా వివరిస్తూ సమగ్ర సమాచారాన్ని నెట్ లో అందరికీ అందుబాటులో ఉంచారు. కనుక అమెరికా వెళ్ళాలనుకొంటున్న విద్యార్ధులు ముందుగా అది చదివి అందులో సాధకబాధకాలను అర్ధం చేసుకొన్న తరువాత ఒక ప్రణాళిక ప్రకారం ముందుకు సాగితే ఇటువంటి విపరీత సమస్యలు ఎదుర్కోవలసిన అవసరం ఉండదు.

కానీ ఆ రెండు అమెరికా విశ్వద్యాలయాలలో చేరేందుకు వెళ్ళిన విద్యార్ధులను అమెరికా నుండి వెనక్కి తిప్పి పంపేసారనే విషయం తెలిసిన తరువాత కూడా కొందరు భారతీయ విద్యార్ధులు మళ్ళీ అవే విశ్వద్యాలయాలలో చేరేందుకు అమెరికా బయలుదేరడానికి సిద్దమవుతుండటం చాలా విస్మయం కలిగిస్తోంది. ఏదో విధంగా అమెరికా చేరిపోతే చాలు జీవితంలో టర్నింగ్ పాయింట్ వచ్చేస్తుందనే భ్రమ విద్యార్ధులలో నెలకొని ఉన్నందునే ఇటువంటి సమస్యలు ఎదురవుతున్నాయి. వారి ఈ బలహీనతను అమెరికాలో బోగస్ విశ్వవిద్యాలయాలు, భారత్ లో వాటికి ఏజెంట్లుగా పనిచేసే కొన్ని విద్యాసంస్థలు అన్నీ కలిసి విద్యార్ధుల జీవితాలతో చెలగాటమాడుకొంటున్నాయి. మరి అటువంటి బోగస్ విశ్వద్యాలయాలను నడిపేందుకు అమెరికా ప్రభుత్వం ఎందుకు అనుమతిస్తోందో, అందులో చేరేందుకు మళ్ళీ విద్యార్ధులకు వీసాలు ఎందుకు జారీ చేస్తోందో తెలియదు. ఏది ఏమయినప్పటికీ ఇందులో ఏదయినా తేడా వస్తే విద్యార్ధులే నష్టపోతారు కనుక అన్నివిధాల జాగ్రత్తలు తీసుకోవలసిన బాధ్యత వారిదేనని చెప్పకతప్పదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close