శ్రీ‌దేవి కుమార్తె జాన్వీ క‌పూర్‌ని టాలీవుడ్ కి తీసుకురావాల‌ని ఎప్ప‌టి నుంచో ప్ర‌య‌త్నిస్తున్నారు. విజ‌య్ దేవ‌ర‌కొండ – పూరి జ‌గ‌న్నాథ్ సినిమాలో జాన్వీ దాదాపు ఖాయం అన్న వార్త‌లొచ్చాయి. కానీ సెట్ అవ్వ‌లేదు. ఈ మ‌ధ్య మ‌రో పెద్ద నిర్మాత జాన్వీని క‌లిశార‌ని టాక్‌. అయితే జాన్వీ మాత్రం తెలుగు సినిమా చేయ‌డానికి సంసిద్ధ‌త వ్య‌క్తం చేయ‌లేద‌ట. త‌న‌కు పారితోషికం న‌చ్చ‌లేదా అంటే అదీ లేదు. హిందీ సినిమాకి తీసుకునే పారితోషిక‌మే ఆఫ‌ర్ చేశాడ‌ట నిర్మాత. కానీ జాన్వీ మాత్రం ఆ అవ‌కాశాన్ని త్రోసి పుచ్చింద‌ట.
తెలుగు సినిమాల్లో క‌థానాయిక పాత్ర‌ల‌కు పెద్ద‌గా ప్రాధాన్యం ఉండ‌ద‌ని, కేవ‌లం గ్లామ‌ర్ డాళ్‌గానే చూపిస్తార‌ని, పైగా ఇక్క‌డ హీరోలు, ద‌ర్శ‌కుల డామినేష‌న్ ఎక్కువ‌ని త‌న అభిప్రాయాన్ని సూటిగా చెప్పేసింద‌ట జాన్వీ. దాంతో స‌ద‌రు నిర్మాత ఖంగుతున్నాడ‌ని టాక్‌. జాన్వీ చేసిన హిందీ సినిమాలు ఫ‌క్తు క‌మ‌ర్షియ‌ల్ బాప‌తు సినిమాలే. అలాంటిది.. తెలుగు సినిమా చేయ‌మంటే వంక‌లు వెద‌క‌డం ఏమిటని స‌ద‌రు నిర్మాత ఆశ్చ‌ర్య‌పోయాడ‌ని టాక్‌. జాన్వీ అనే కాదు, చాలా మంది బాలీవుడ్ భామ‌ల‌కు తెలుగు సినిమాల‌పై ఇప్ప‌టికీ ఇదే అభిప్రాయం ఉంది. తెలుగులో క‌థానాయిక‌లు భారీ పారితోషికాలు అందుకుంటున్నా, ఇక్క‌డ హీరోల‌తో పాటుగా స‌మాన‌మైన స్థాయి, క్రేజ్ అందుకుంటున్నా – అవేమీ ముంబై భామ‌ల‌కు క‌నిపించ‌డం లేదు. జాన్వీ ఈ టైపులో ఆలోచిస్తే.. త‌ను ఎప్ప‌టికీ తెలుగు సినిమానే చేయ‌క‌పోవొచ్చు.
