పుష్ప … చూపుల్తో చంపేశాడు

ఇది మ‌రో.. స్టైలీష్ స్టార్‌… న‌యా అవ‌తార్‌. అవును.. సినిమా సినిమాకీ లుక్కులు మార్చి, కొత్త స్టైల్స్ తో అభిమానుల్ని మైమ‌ర‌పించే స్టైలీష్ స్టార్‌, ఇప్పుడు మ‌రో కొత్త లుక్ లో ద‌ర్శ‌న మిచ్చాడు. `పుష్ప`గా స‌రికొత్త అవ‌తారం ఎత్తాడు. సుకుమార్ ద‌ర్శ‌కత్వంలో బ‌న్నీ 20 వ సినిమా రూపొందుతున్న సంగ‌తి తెలిసిందే. ఈ రోజు అల్లు అర్జున్ పుట్టిన రోజు సంద‌ర్భంగా ఈ సినిమాకి సంబంధించిన ఫ‌స్ట్ లుక్‌, పోస్ట‌ర్ విడుద‌ల చేశారు. ఈ చిత్రానికి `పుష్ప ` అనే టైటిల్ ఫిక్స్ చేశారు. ఈ సినిమాలో హీరో పేరు ఇది. త‌నో లారీ డ్రైవ‌ర్‌. ఆ లారీ పేరు కూడా `పుష్ప `నే. గుబురు గ‌డ్డంతో, ఎన‌భైల్లో క‌నిపించే హెయిర్ స్టైల్‌తో.. పుష్ప చూపుల‌తోనే చంపేస్తున్నాడు. బ‌హుశా.. త‌న కెరీర్‌లోనే ఇది మ‌హా మాస్ లుక్ అనుకోవచ్చు. నిజానికి రెగ్యుల‌ర్ షూటింగ్ ఎప్పుడో మొదలు కావ‌ల్సింది. అయితే… లాక్ డౌన్ వ‌ల్ల షూటింగ్ ఆగిపోయింది. బ‌న్నీ సెట్లోకి అడుగుపెట్టే తొలి రోజు పోస్ట‌ర్ విడుద‌ల చేయ‌డంతో పాటు, టైటిల్ చెప్పేయాల‌ని భావించింది చిత్ర‌బృందం. పుట్టిన రోజుకి చిన్న టీజ‌ర్‌ని విడుద‌ల చేద్దామ‌నుకుంది. అయితే లాక్ డౌన్ వ‌ల్ల షూటింగ్ జ‌ర‌గ‌లేదు. దాంతో ఫ‌స్ట్ లుక్ తో స‌రిపెట్టుకోవాల్సివ‌చ్చింది.