ఈరోజుతో చిరుకి ఉన్న అనుబంధం ఇదే!

”ఏప్రిల్ 8వ తారీఖుతో నాకు బోలెడంత అనుబంధం ఉంది” అంటూ… రెండ్రోజుల క్రితం ట్వీట్ చేశారు చిరంజీవి. ఏప్రిల్ 8 అంటే బ‌న్నీ పుట్టిన రోజు. అందుకే చిరంజీవి ఆ ట్వీట్ చేశారేమో అనుకున్నారు ఫ్యాన్స్‌. ఏప్రిల్ 8తో చిరుకి ఉన్న మ‌రో ర‌క‌మైన అనుబంధం ఏమిటా? అని అంతా ఆస‌క్తిగా ఎదురు చూశారు. ఆ స‌స్పెన్స్‌ని ఇప్పుడు చిరునే బ‌ద్ద‌లు కొట్టారు.

ఈరోజు హ‌నుమ‌జ్జ‌యంతి. చిరంజీవి ఆంజ‌నేయ స్వామి భక్తుడు. శివ శంక‌ర వ‌ర ప్ర‌సాద్ పేరుని చిరంజీవిగా మార్చుకోవ‌డం వెనుక‌.. ఉన్న క‌థ కూడా చిరంజీవి ఫ్యాన్స్‌కి తెలుసు. దానికి తోడు… ఓరోజు చిరంజీవికి లాట‌రీలో ఆంజ‌నేయ స్వామి బొమ్మ వ‌చ్చింద‌ట‌. ఆ బొమ్మ‌ని ఇప్ప‌టికీ త‌న ద‌గ్గ‌రే ప‌దిలంగా దాచుకున్నాడ‌ట చిరు. ఆ విష‌య‌మే చెబుతూ అప్ప‌ట్లో లాట‌రీలో వ‌చ్చిన ఆంజ‌నేయస్వామి బొమ్మ‌ని ట్విట్ట‌ర్ లో త‌న ఫ్యాన్స్ తో పంచుకున్నాడు. అంతే కాదు.. ఆ బొమ్మ‌ని చూపిస్తూ… ‘క‌నుబొమ్మ‌లు, క‌ళ్లు ముక్కు అచ్చం నీకు అలానే ఉన్నాయి` అని మా నాన్న‌గారు చెప్పారు’ అంటూ అప్ప‌ట్లో త‌న ఫొటోని కూడా షేర్ చేసుకున్నారు.

మ‌రోవిశేషం ఏమిటంటే ఓసారి ప్ర‌ముఖ చిత్ర‌కారుడు బాపు చిరంజీవి కోసం ఆంజ‌నేయ‌స్వామి చిత్ర‌ప‌టం గీసి బ‌హుమ‌తిగా పంపార్ట‌. పంపుతూ ఓ మాట కూడా అన్నార్ట‌. ‘అదేంటోనండీ బొమ్మ‌ను గీస్తుంటే మీ పోలిక‌లే వ‌చ్చాయండీ. మార్చ‌లేదు. అలానే ఉంచేశాను’ అన్నార్ట‌. ఓ చిత్ర‌కారుడి నుంచి అలాంటి కాంప్లిమెంట్ రావ‌డం గొప్ప విష‌య‌మే. అందుకే ఆ బొమ్మ‌ని సైతం పాల రాతిపై రీ ప్రొడ్యూస్ చేయించి అలానే ఉంచేశార్ట‌. అందుకే ఈ రోజుతో చిరుకి అంత అనుబంధం. అన్న‌ట్టు ఈరోజు బ‌న్నీ పుట్టిన రోజు కూడా. ఇదే విష‌యాన్ని చెబుతూ బ‌న్నీతో త‌న చిన్న‌ప్ప‌టి ఫొటోని అభిమానుల‌తో పంచుకున్నారు. ‘డాన్స్ లో గ్రేస్ ఆ వ‌య‌సులోనే ఉంది. బ‌న్నీలో ఆ క‌సి, ఆ కృషి నాకిష్టం’ అంటూ పుట్టిన రోజు శుభాకాంక్ష‌లు తెలిపారు. అదీ ఏప్రిల్ 8తో చిరుకి ఉన్న అనుబంధం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

డాక్టర్ సుధాకర్‌పైనా సీబీఐ కేసు..!

నర్సీపట్నం డాక్టర్ సుధాకర్ కేసు దర్యాప్తులో అనూహ్య మలుపు చోటు చేసుకుంది. సీబీఐ ఆయనపైనా కేసు నమోదు చేసింది. లాక్‌డౌన్‌ నిబంధనలు ఉల్లంఘించినందుకు, బాధ్యత కలిగిన ఓ ప్రభుత్వ ఉద్యోగంలో ఉండి ప్రభుత్వ...

మ‌రో బ‌యోపిక్ మిస్ చేసుకున్న నిత్య‌మీన‌న్‌

ఒక‌ప్పుడు తెలుగు నాట నిత్య‌మీన‌న్ హ‌వా బాగా న‌డిచింది. కాస్త ప్ర‌త్యేక‌మైన క‌థానాయిక పాత్ర‌లు ఆమె చుట్టూ చేరిపోయాయి. గ్లామ‌ర్ మాటెలా ఉన్నా, స‌ర‌దా న‌ట‌న‌తో ఆక‌ట్టుకునేది. అయితే ఇప్పుడు త‌న‌ని అంతా...

ప్ర‌భాస్ సినిమా: దేవుడు Vs సైన్స్‌

ప్ర‌భాస్ ప్ర‌స్తుతం రాధాకృష్ణ‌తో ఓ సినిమా చేస్తున్నాడు. 'జాన్‌', 'రాధే శ్యామ్‌' పేర్లు ప‌రిశీల‌న‌లో ఉన్నాయి. న‌వంబ‌రు నుంచి వైజ‌యంతీ మూవీస్‌కి డేట్లు ఇచ్చాడు. ఈ చిత్రానికి నాగ అశ్విన్ నిర్మాత‌. పాన్...

ఫ్లాష్ బ్యాక్‌: సూప‌ర్ స్టార్స్ అడిగితే సినిమా చేయ‌నన్నారు

ఓ స్టార్ హీరో పిలిచి - ఓ కొత్త ద‌ర్శ‌కుడికి అవ‌కాశం ఇస్తే, కాదంటాడా? చేయ‌నంటాడా? ఎగిరి గంతేస్తాడు. త‌న ద‌గ్గ‌ర క‌థ లేక‌పోయినా అప్ప‌టిక‌ప్పుడు వండేస్తాడు. మీతో సినిమా చేయ‌డంతో నా జ‌న్మ ధ‌న్యం అంటాడు....

HOT NEWS

[X] Close
[X] Close