క‌రోనా ఎఫెక్టుకి ఇబ్బంది ప‌డిన వాళ్ల‌లో నిఖిల్ కూడా ఉన్నాడు. ఎందుకంటే.. క‌రోనా వ‌ల్లే త‌న పెళ్లి వాయిదా ప‌డింది. ప‌ల్ల‌వి వ‌ర్మ అనే డాక్ట‌రుని ప్రేమించి పెళ్లి చేసుకోబోతున్నాడు నిఖిల్. కాక‌పోతే క‌రోనా వ‌ల్ల ఈ పెళ్లి ఆల‌స్యం అవుతోంది. అయితే ఓ ద‌శ‌లో గుళ్లో అయినా పెళ్లి చేసేసుకుందాం అనుకున్నాడ‌ట నిఖిల్. కానీ ఆ నిర్ణ‌యాన్నీ వాయిదా వేశాడు. ”అవును.. మేం హంగులూ, ఆర్భాటాలూ లేకుండా క‌నీసం గుళ్లో అయినా పెళ్లి చేసేసుకుందాం అనుకున్నాం. అయితే ఇలాంటి స‌మ‌యంలో పెళ్లి పేరుతో అంద‌రినీ ఒకే చోట గేద‌ర్ చేయ‌డం నిబంధ‌న‌ల‌కు వ్య‌తిరేకం. ఎవ‌రికి ఎలాంటి ఇబ్బంది క‌లిగినా ఆ బాధ జీవితాంతం వెంటాడుతుంది. అందుకే పెళ్లి వాయిదా వేశాం. అన్నీ స‌ర్దుకున్నాక ఓ పెద్ద వేడుక‌లా నా పెళ్లి జ‌రుగుతుంది” అని చెప్పుకొచ్చాడు నిఖిల్.
ఓ కామ‌న్ ఫ్రెండ్ ద్వారా ప‌ల్ల‌విని క‌లిశాన‌ని, ఆరు నెల‌ల్లోనే పెళ్లి వ‌ర‌కూ వెళ్లిపోయామ‌ని, త‌మ పెళ్లికి ఇరువురి కుటుంబ స‌భ్యులు ఆనందంగా ఒప్పుకున్నార‌ని చెప్పాడు నిఖిల్.అన్ని విష‌యాల్లోనూ ఇద్ద‌రి అభిప్రాయాలూ ఒకేలా ఉంటాయ‌ని, ప‌ల్ల‌వి త‌న‌కంటే ఎన‌ర్జీగా ఉంటుంద‌ని త‌నకు కాబోయే శ్రీ‌మ‌తి గురించి చెప్పుకొచ్చాడు. ఈ లాక్ డౌన్ స‌మ‌యంలో పాత సినిమాలు చూస్తున్నాన‌ని, బాడీ పెంచుతున్నాన‌ని, త‌మిళం కూడా నేర్చుకుంటున్నాన‌ని సెల‌విచ్చాడీ కుర్ర హీరో.
